Фёдорова Анна Николаевна

Материал из Wikipedia
Перейти к навигации Перейти к поиску
Фёдорова Анна Николаевна
Чужан лун:

22 тӧвшӧр (4 урасьӧм) 1912[1]

Чужанін:
Кулан кад:

1974-ӧд вося вӧльгым тӧлысь 2-ӧд лун(1974-11-02) (62 арӧс)

Канму:
Мыйся уджыс:

литературовед

Шаблон:Серпасыс абу

Фёдорова Анна Николаевна (19121974) — коми литература туялысь, филология наукаясса кандидат.

Олан туй[веськӧдны | править код]

Анна Фёдорова чужӧма 1912-ӧд вося тӧвшӧр тӧлысь 22-ӧд (важ стиль серти) / урасьӧм тӧлысь 4-ӧд лунӧ Вӧлӧгда губерняысь Усть-Сысольск уездса Висер вӧлӧсьт улӧ пырысь Типӧсиктын (ӧні — Коми Республикаса Кӧрткерӧс район)[2] Мукӧдлаас сорсьӧмӧн гижӧма, мый чужӧма Сыктывкарбердса Кӧджпон грездын (либӧ Висер сиктын).

Батьыс — Николай Викентьевич Холопов, чужлӧма Кӧджпомын — архитектор да серпасалысь А. В. Холоповлӧн вок. Н.В. Холопов велӧдӧма Типӧсиктын, кӧні и тӧдмасьӧма Мария Феоктистовна Габовакӧд.

Помалӧма Сыктывкарса педагогика училишӧ (1932), Коми канмуса педагогика институтысь кыв да литература факультет (1936) да велӧдысьяслысь куръяс.

Уджалӧма начальнӧй классъяс велӧдысьӧн Луздор районса Лойма школаын (19361937), Вӧр техникумын (19381939), Коми туялан институтын, Сыктывкарса педучилишӧын (19391944) да пединститутын (19441945). 19461949 воясӧ аспиранталӧма СССР-са наукаяс академиялӧн Стармирса литература институтын. 1950-ӧд восянь 1968-ӧд воӧдз (пенсия вылӧ петтӧдз) туясьӧма кыв да литература юкӧдын.

Кулӧма 1974-ӧд вося вӧльгым тӧлысь 2-ӧд лунӧ.

Туясян удж[веськӧдны | править код]

1950-ӧд воын дорйӧма И.А. Куратов олӧм да гижӧдъяс серти диссертация. Уна вося туялӧмлы кывкӧртӧдӧн лоӧма «И.А. Куратов. Очерк жизни и творчества» монография (1960); содталӧмӧн уджыс мӧдысь петӧма 1975 воын. Анна Николаевна гижӧма водзкывъяс Иван Куратовлӧн небӧгъяс дорӧ, мый йӧзӧдӧма рочӧн Москваын (1958, 1975). Мукӧдыскӧд ӧтвылысь гижӧма да йӧзӧдӧма «Очерки истории коми литературы» (1959) да «Коми советские писатели» (1966) небӧгъяс.

Кыдзи литературнӧй критик медводдзаяс лыдын донъялӧма Луздор Вась, Митрук Як, Николай Поповлысь (Жугыль) Александр Лыюровлысь, Нина Куратовалысь гижӧдъяссӧ.

СССР-са гижысь котырӧ пырысь (1959).

Мукӧдтор[веськӧдны | править код]

Верӧсыс — нималана коми гижысь Педь Гень. Гӧтырыслӧн кулӧм бӧрас сетӧма И.А. Куратовлӧн литературнӧй музейӧ туялысьлысь архивсӧ (250 сайӧ кипомысь дасьтӧм удж).

Небӧгъяс[веськӧдны | править код]

Öшмöсъяc[веськӧдны | править код]

Ыстӧдъяс[веськӧдны | править код]

  1. http://history.syktnet.ru/04/1901_2000/1912/1912_01.html
  2. Мартынов В. И. Федорова Анна Николаевна // Республика Коми: Энциклопедия: в 3-х т. — Сыктывкар: Коми кн. изд-во, 2000. — С. 240.