Рочев Яков Митрофанович

Материал из Wikipedia
Перейти к навигации Перейти к поиску
Рочев Яков Митрофанович
Чужан лун:

1909-ӧд вося тӧвшӧр 23-ӧд лун(1909-01-23)

Чужанін:
Кулан кад:

1977-ӧд вося кӧч 3-ӧд лун(1977-09-03) (68 арӧс)

Куланін:
Канму:
Мыйся уджыс:

гижысь, вуджӧдчысь

Ошканпасъяс да премияяс:
Почёт орден

Шаблон:Серпасыс абу

Файл:Рочев Я. М.jpg
Рочев Яков Митрофанович (19091977) – коми гижысь [1]

Рочев Яков Митрофанович (комиӧн — Митрук Як, 19091977) – коми гижысь, вуджӧдчысь.

Олан туй[веськӧдны | править код]

Митрук Як чужӧма 1909-ӧд вося тӧвшӧр тӧлысь 23-ӧд лунӧ Кардор губерняысь Печора уездса Уквавом сиктын (ӧні — Сосногорск районса Уквавом). 1937-ӧд воын помалӧма Коми канмуса педагогика институтысь кыв да литература факультет. Институт бӧрын уджалӧма велӧдысьӧн Абезьын, Изьва районса «Красная Печора» газетын корреспондентӧн. 19531970-ӧд воясӧ редакторалӧма Коми небӧг лэдзанінын, вӧлӧма кывкутысь редакторӧн «Войвыв кодзув» журналын.

Кулӧма 1977-ӧд вося кӧч тӧлысь 3-ӧд лунӧ Сыктывкарын.

Гижан удж[веськӧдны | править код]

Абезь сиктса школаын велӧдігӧн 1930-ӧд воясӧ Митрук Яклы окота вӧлӧма видлыны ассьыс вынсӧ и литератураын. Регыд мысти «Ордым» журналын петісны сылӧн медводдза гижӧдъясыс — кывбуръяс да очеркъяс.

Митрук Яклӧн кывбуръясын пырисны «Великӧй Сталин, водзӧ ну» медводдза кывбур чукӧрӧ (1942).

1938-ӧд восянь Яков Рочев уджалӧ трилогия вылын: «Кык друг» (1951), «Изьва гызьӧ» (1956), «Му вежӧм» (1967). Трилогияысь сетӧма И.А. Куратов нима Коми АССР-са канму премия.

«Кык друг» романлысь сюрӧссӧ артмӧдӧны войвывса комияслӧн да яранъяслӧн кызьӧд нэм пуксяндырся олӧмысь жугыль серпасъяс. Тшыгъялӧм, уджтӧмалӧм, гӧль йӧзлӧн шог пӧдтан юӧм-кодалӧм, кынӧмпӧт вӧсна мырсьӧм, увтыртӧмысь дорйысьны кужтӧмлун — татшӧм «сынӧдын» олӧны романлӧн кык герой: коми кресьтянинлӧн пи Геня Дуркин да кӧр видзысь яранлӧн пи Вася Манзадей.

1973-ӧд воын Яков Рочевлӧн петӧма «Паськыд туй вылӧ» повесьт, сійӧ тэчӧма дневник ногӧн. Ассьыс олан туй восьтігмоз, гижысь тӧдмӧдӧ Коми муын да став страна пасьта мунысь вежсьӧмъясӧн.

Рочевлысь гижӧдъяссӧ вуджӧдӧма роч да украина кывъяс вылӧ. Сійӧ тӧдса кыдзи Лев Толстой, Антон Чехов, Аркадий Гайдар, Борис Полевойлысь гижӧдъяссӧ вуджӧдысь.

1942-ӧд восянь СССР-са Гижысь котырӧ пырысь.

Небӧгъяс[веськӧдны | править код]

Комиӧн[веськӧдны | править код]

Роч кыв вылӧ вуджӧдӧмӧн[веськӧдны | править код]

Наградаяс[веськӧдны | править код]

  • И.А. Куратов нима Коми АССР-са канму премия босьтысь
  • «Коми АССР-са наукаын да культураын нимӧдана уджалысь» (1969)
  • «Почёт пас» орден.

Паметь[веськӧдны | править код]

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. Рочев Яков Митрофанович Национальнӧй библиотека сайтын