Войвыв кодзув (журнал)
Войвыв кодзув — коми кыв вылын тӧлысьнас ӧтчыдысь петысь литературно-художественнӧй да общественно-политическӧй журнал, Коми гижысь котырлӧн журнал.
История
[вежны | Вежны кодировкаын]Журнал петӧ Сыктывкарын: 1926 восянь – «Ордым» ним улын, 1931 восянь – «Ударник», 1946 восянь – «Войвыв кодзув».
Журналлӧн медшӧр редакторъясӧн вӧліны коми гижысьяс: Н.П. Попов (1926–1930), Нёбдінса Виттор (1928), Митрук Як (1953–1969), 1970 восянь – Серафим Попов, Педот Петыр, Михаил Елькин (1996.02—2014.01) и с.в. 2014-ӧд вося тӧвшӧр тӧлысьсянь журналӧн веськӧдліс Алексей Полугрудов (Лы Тун)[1], 2025-ӧд вося кӧч тӧлысьсянь — Нина Обрезкова.
Журналын йӧзӧдӧны кывбуръяс, висьтъяс, повесьтъяс, романъяс, вуджӧдӧмъяс, литература да Коми му олӧмысь пасйӧдъяс, чолӧмалӧмъяс.
«Войвыв кодзулын» вӧлі йӧзӧдӧма коми литератураысь татшӧм гижӧдъяс, кыдзи «Алӧй лента» (Луздор Вась) «Кык друг» (Митрук Як), «Кыа петігӧн» (Педь Гень), «Свадьба приданнӧйӧн» (Николай Дьяконов).
2012 вося косму тӧлысьсянь артмӧдӧма «"Коми" йӧзӧдчан керка», кытчӧ сідзжӧ ӧтувтісны «Войвыв кодзув» журнал.
Журналлӧн медыджыд тиражыс вӧлі 1971 воын — 5 сюрс.
Медшӧр редакторъяс
[вежны | Вежны кодировкаын]- Мезенцев С.А. (—1949.03)
- Вежев А.А. (1949.04—1951.03)
- Пыстин И.И. (1951.04—1951.11)
- Торлопов Г.И. (Ивӧ Ёгор) (1952.01—1953.08)
- Рочев М.Я. (Митрук Як) (1953.09—1969.12)
- Попов С.А. (1970.01—1973.05)
- Торопов И.Г. (1973.06—1977.02)
- Шахов П.Ф. (Педот Петыр) (1977.03—1988.01)
- Попов В.А. (1988.02—1990.11)
- Рочев Е.В. (1990.12—1992.07)
- Тимин В.В. (1992.08—1996.01)
- Елькин М.А. (1996.02—2014.01)
- Полугрудов А.В. (Лы Тун) (2014.02—2025.08)
- Обрезкова Н.А (2025.09—ӧнія кад)
Адрес
[вежны | Вежны кодировкаын]167982, Коми Республика, Сыктывкар, Карл Маркс ул., 229 керка («Печать керка»).
Телепон: (8212) 24-47-52. Эпошта: nordstar@kominet.ru
Шӧр редактор: Алексей Полугрудов (Лы Тун).
Журналлӧн ыдждаыс: 7 усл. печ. л. Формат 70х108 1/16. Тираж — 400 экз. Гижӧдчан индекс: 73069.