Попов Николай Павлович
| Попов Николай Павлович | |
| Чужан лун: |
1901-ӧд вося ӧшым тӧлысь 6-ӧд лун[1] |
|---|---|
| Чужанін: |
|
| Кулан кад: |
1971-ӧд вося ода-кора тӧлысь 29-ӧд лун[1] (69 арӧс) |
| Канму: | |
| Мыйся уджыс: | |
Попов Николай Павлович (Жугыль; 1901–1971) — коми гижысь, драматург.
Олан туй
[вежны | Вежны кодировкаын]Николай Попов чужӧма 1901 вося ӧшым тӧлысь 6-ӧд лунӧ Усть-Сысольскын уна челядя кресьтянин семьяын. Водз кольӧма батьтӧг. Велӧдчӧмас вылыс начальнӧй училишӧын, велӧдысьяслӧн Усть-Сысольскса семинарияын. 1918-ӧд воын ас кӧсйӧм серти пырӧма Гӧрд армияӧ. Тышкасьӧма А.В. Колчак да Н.П. Врангельлы паныд. Гражданскӧй тыш бӧрын — красноармеечьяслӧн грамота школаын велӧдысь, Коми обласьтса военнӧй комиссариатын уджалысь. Редактируйтӧма «Ордым» журнал. Уджалӧма ВКП(б)-лӧн обласьтса комитетын пропаганда да агитация юкӧнса веськӧдлысьӧн. 1934—1935-ӧд воясӧ вӧлӧма пролетарскӧй гижысьяслӧн Коми ассоциациаын веськӧдлысьӧн. Помалӧма Журналистикалысь коммунистическӧй институт.
1937-ӧд воын сійӧс репрессируйтісны сідз шусяна «контрреволюционнӧй котырӧ» пырӧмысь. 1945-ӧд вося вӧльгым тӧлысьӧ недыр кежлӧ сійӧс мездывлісны лагерсьыс, но сэсся бара мӧдӧдӧма Красноярск крайӧ ссылкаӧ. Выльысь мездісны И.В. Сталин кувсьӧм бӧрын. Мыжтӧг мыждӧмысь делӧсӧ тупкӧма 1955-ӧд вося моз тӧлысь 24-ӧд лунӧ.
Кулӧма 1971-ӧд вося ода-кора тӧлысь 29-ӧд лунӧ.
Гижан удж
[вежны | Вежны кодировкаын]1923 воын йӧзӧдіс «Коді мыжа?» да «Олыштан да муса лоӧ» пьесаяс, а 1927 воын — «Ая-пиа — коммунистъяс». 1928 воын помаліс «Чурка Нина» пьеса. Тайӧ гижӧдъясас петкӧдлӧма коми йӧзлӧн важъя оласног.
1934-ӧд восянь СССР-са гижысь котырӧ пырысь.
Небӧгъяс
[вежны | Вежны кодировкаын]- Коді мыжа: витторъя драма. — Сыктывдінкар: Коми нига лэдзанін, 1923. — 68 л.б.
- Олыштан да муса лоӧ: 3-торъя ворсантор. — Сыктывдінкар: Коми нига лэдзанін, 1923. — 44 л.б.
- Ая-пиа коммунистъяс: ӧтиторъя ворсантор. — Сыктывдінкар: Коми нига лэдзанін, 1927. — 12 л.б.
- Чурка Нина: витторъя драма. — Сыктывдінкар: Коми нига лэдзанін, 1928. — 46 л.б.
- Коді мыжа?: драма / выльпӧв лӧсьӧдіс гижысьыс. — Сыктывкар: Коми книжнӧй изд-во, 1959. — 60 л.б.
- Настя: повесть, очеркъяс, висьтъяс. — Сыктывкар: Коми книжнӧй изд-во, 1964. — 100 л.б.
- Веж гыяс; Коді мыжа?: драмаяс. — Сыктывкар: Коми книжнӧй изд-во, 1969. — 100 л.б.
- Настя: повестьяс, висьтъяс, очеркъяс. — Сыктывкар: Коми книжнӧй изд-во, 1986. — 144 л.б.
- Олан гаж: пьесаяс — Сыктывкар: Коми небӧг лэдзанін, 2001. — 190 л.б.
Ӧшмӧсъяс
[вежны | Вежны кодировкаын]- «Коми гижӧд» онлайн-тӧданінын Н. П. Попов гижӧдъяс йылысь
- Морозов С. Важыс паметьын, выльыс син водзын // Войвыв кодзув. 1981. — 12 №. — Л.б. 42—43.
- Куклина Р. Сылӧн олӧмын пода туй // Войвыв кодзув. 1997. — 2 №. — Л.б. 76—80.
- Габова Е. Жугыль пӧль // Войвыв кодзув. 2004. — 1 №. — Лб. 52—56.
- Куклина Р. Жугыльлӧн «Веж гыяс» // Войвыв кодзув. 2006. — 12 №. — Лб. 66—72.