Сыктывкар
| Сыктывкар | |
Канпас_(2005).png)
|
Дӧрапас.png)
|
| Му: | Рочму |
| Статус: | кар |
| республика: | Коми Республика |
| Кар: | 1780 восянь |
| Инлыдпасъяс: | |
| Официал кыв | коми, роч |
| Олысьяс | 235 845 морт (2010) |
| Час кытш: | UTC+3 |
| Телефон код: | +7 8212 |
| Пошта индӧс: | 167000 |
| Автомобиль код: | 11, 111 |
| Официал сайт | |
Сыктывкар (войдӧр Сыктывдін) – Коми Республикалӧн юркар, республикаса медыджыд кар, коркӧя дзик ӧти коми кар, Рочму Войвылын овмӧс, наука да культура шӧрин.
Ӧткымын орчча оланіныскӧд карыс артмӧдӧ асвеськӧдлан юкӧн – Сыктывкар каркытш.
Сыктывкарын олӧ 240 сюрс гӧгӧр морт. Йӧзыс эськӧ 25% комияс, но сёрнитӧны унджыксӧ рочӧн.
Сыктывкарсянь Мӧскуаӧдз 1003 километра.
Ним йылысь
[вежны | Вежны кодировкаын]Нимыс артмӧдӧм Сыктыв ю серти, карыс тайӧ ю вомланьын сулалӧ да.
Оланіныс медводз стӧчджыка шусьӧма Сыктывдін (рочӧн Усть-Сысола), кӧні -дін- юкӧныс вӧлі 'ю вом' вежӧртаса. 1780' восянь, Сыктывдінас кар панӧмаӧсь да, нимыс лои Сыктывдінкар (рочӧн Усть-Сысольск). 1930' воын дін юкӧнсӧ нимсьыс шыбитӧмаӧсь, коли Сыктывкар. Сэк жӧ тшӧктӧмаӧсь и рочӧн шуны Коми обласьтлысь шӧрин выльмоза коми ног – Сыктывкар.
География
[вежны | Вежны кодировкаын]Сыктывкар сулалӧ Коми Республика рытыв-лунвывланяс, Сыктыв ю вом дорын да мыйтакӧ Эжва ю пӧлӧн.
Карыс 152 км2 пасьта.
Муверкӧсыс ёнджыкасӧ тшӧтшкӧс. Мупытшса озырлун: трунда, сотчан сланеч, кӧртшом, кӧртруда, быдпӧлӧс изъяс, дубыд да сола мупытшса ва.
Кар мувывтор кузя кывтӧны шоръяс:
Сыктывкар скверъясын мортыс быдтӧ культура быдмӧгъяс.
Кар дінын олӧ нелямын сикас пемӧс: сан, кӧин, кӧч, ур, руч, вурд, вӧркань, тулан, сьӧдбӧж да мукӧд. Выльысь йылӧдісны мой да войвывса кӧр.
Кид пемӧсъяс видзӧм могысь Сыктывкар дінӧ лӧсьӧдӧма Еджыдъяг заказник, кӧні эм республика пасьтала олысь ставкодь звер-пӧтка.
Орчча оланінъяс
[вежны | Вежны кодировкаын]Асыввылас карсянь пукалӧны Сыктывкар каркытшӧ пыран кар сяма оланінъяс: Гӧрд Затон, Вылыс Максаковка, Сьӧдкыркӧтш, посёлокъяс: Выльтыдор, Куимтыдор. Лунвылас – тайӧ каркытшса жӧ Вылыс Мыртыю посёлок, рытыв-лунвылас – Выльгорт сикт.
Юкӧнъяс
[вежны | Вежны кодировкаын]Сыктывкарын выйим важ кар (с.ш. Каршӧр) да сёрӧнджык кар дінӧ ӧтувтӧм орчча оланінъяс - быдпӧлӧс карпомъяс. Наысь кындзи кар пытшкӧ пырӧ ӧти асвеськӧдлана район - Эжва, кӧні тшӧтш эм ӧткымын карпом.
Ӧнія сыктывкарса карпомъяс:
| Коми ним | Роч ним |
|---|---|
| Вокзалладор | Юго-Западный |
| Вӧрзавод | Лесозавод |
| Давпом | Давпон |
| Дырнӧс | Дырнос |
| Йирым | Октябрьский |
| Кӧджпом | Кочпон |
| Кырув | Кируль |
| Мӧдлапӧв | Заречье |
| Орбита | Орбита |
| Ошвидз | Красная Гора |
| Париж | Париж |
| Стрӧитель | Строитель |
| Тентюков | Тентюково |
| Чит | Чит |
| Ыліпом | Дальний |
| Яйкомбинат | Мясокомбинат |
Эжва районса карпомъяс:
| Коми ним | Роч ним |
|---|---|
| Вылыс Чов | Верхний Чов |
| Емваль | Емваль |
| Койты | Койты |
| Радиошӧрин | Радиоцентр |
| Улыс Чов | Нижний Чов |
| Човъю | Човью |
Важ кар коркӧ вӧлі тэчӧм торъя грездъясысь:
- Антонгрезд
- Вадор (рочӧн Подгорье) – Сыктыв пӧлӧн, Пушкин туйсянь Орджоникидзе туйӧдз
- Вичкодор – ӧнія карса парк, Горький, Киров да Бабушкин туйяссянь Сыктылӧдз
- Габдін
- Забоевчой
- Клыковгрезд
- Кӧдзвыв (рочӧн Кодзвиль)
- Кӧкулькар – асыввыв-лунвылын, Первомайскӧй да Интернациональнӧй помсянь Пушкин туйӧдз
- Микулсикт – Вадор сайын, Сыктывсянь Интернациональнӧй туйӧдз
- Одӧггрезд
- Пакӧмшор
- Пӧлӧвина – ӧнія Больничнӧй городок
- Прокоршор
- Слобода
- Пытшкӧсты
- Северо-Загороднӧй
- Спирагрезд
- Сьӧдшор
- Улыспом (рочӧн Нижний конец)
- Чеусовдоршор
- Чугунгрезд
Торъя грездъясысь вӧлісӧ тэчӧмӧсь и мукӧд карпомъяс. Шуам, Тентюковын:
История
[вежны | Вежны кодировкаын]_(1780).png)
Сыктывкарлӧн история заводитчӧ дас квайтӧд нэмсянь, кор тані овмӧдчисны Вылыс Сыктывсянь локтӧм комияс. 1570-ӧд вося Ортелиус атласын Сыктывкар местаӧ пасйӧма Permvelick сикт. 1586-ӧд вося гижасян небӧгын казьтывсьӧ Сыктыв ю вывса погост. Тані сулаліс Вежа Георгийлы сиӧм вичко, вичкоса уджалысьяслӧн 3 гортдор да разі-пели 6 крестьяна гортдор. Погост дорын, кӧні ӧні сулалӧ кар, вӧліны пӧчинокъяс Каменнӧй, Емовскӧй, Ереминскӧй, Ивановскӧй, Федоровскӧй, Каменистӧй, Вежов Иванлӧн, Ориньица дӧвалӧн, Боровинка, Ильинскӧй, Гудников, Фроловскӧй пӧчинокӧн Петровскӧй грезд, Шульгин слӧбӧда. Ставыс 25 олана да 6 овтӧм гортдор.
ІІ Катерина сарича именнӧй тшӧктӧд серти 1780-ӧд вося тӧвшӧр тӧлысь 25-ӧд (урасьӧм тӧлысь 5-ӧд) лунӧ вӧлі артмӧдӧма Вӧлӧгда наместничество, кытчӧ пырӧмаӧсь 12 карув. На пӧвстын вӧлі и Сыктывдін карув. Такӧд йитӧдын Сыктывдін сикт лои карӧн. Сійӧ жӧ воӧ урасьӧм тӧлысь 10-ӧд (21-ӧд) лунӧ карсӧ кыпыда «восьтӧмаӧсь», а йирым 2' (13') лунӧ вӧлі вынсьӧдӧма и карпас. 1784' тӧвшӧр 16' (27') лунӧ лэдзӧмаӧсь Сыктывдін карлы ӧтувъя план. Сы серти кар пытшкӧ пырисны орчча ичӧтик оланінъяс: Вичкодор, Вадор, Кырув, Пӧлӧвина, Кӧкулькар, Микулсикт, Изкар, Котюнев, Тентюковгрезд, Ганягрезд.
XIX нэм чӧжӧн Сыктывдін кар быдмис Роч Войвывса тӧдчана вузасян шӧринӧдз. Но XX нэм заводитчигӧн на Сыктывдін вӧлі дзоляник провинциальнӧй карӧн, кӧні олісны 6,5 сюрс морт, 95% наысь – коми йӧз. Карын вӧлі кипом вӧчан 14 неыджыд уджаин.
1921' вося моз 22' лунӧ ВЦИК декрет серти, Сыктывдін лоис веськӧдлан шӧринӧн Комияслы (зыряналы) выль артмӧдӧм Автономнӧй обласьтӧ. 1930' вося рака тӧлысь 26' лунӧ, кор Сыктывдінлысь статус карӧдз лэптӧмлы тыри 150 во, СССР-са ЦИК-лӧн Президиум шуӧма карыслы пуктыны выль ним комиӧн и рочӧн – Сыктывкар, коді петкӧдлӧ, мый карыс сулалӧ Сыктыв ю вылын. 1930' воын карын вӧліны нин обласьтувса и районувса канкеркаяс, вӧр завод, типография, электростанция, велӧдан керкаяс да бурдӧдчанінъяс (173 койка), 17 вузасянін. 1936' ӧшым витӧд лунсянь Сыктывкар вӧлі Коми АССР-лӧн юркар. 1990' вӧльгым 23' лунӧ Сыктывкар лои юркарӧн Коми ССР-лы, 1992' ода-кора 26' лунӧ лоӧ Коми Республикаса юркарӧн.
Веськӧдлӧм
[вежны | Вежны кодировкаын]Йӧз
[вежны | Вежны кодировкаын]Сыктывкарын ӧні олӧ 240 сюрс морт (ставнас каркытшын 250 сюрс). На пӧвстысь нёльӧд пайыс — комияс.
- Чужанвуж серти тэчас
| Чужанвуж | 1897[1] | 1926[2] | 1939 | 1959[3] | 1989[4] | 2002 | 2010 | |||||||
|---|---|---|---|---|---|---|---|---|---|---|---|---|---|---|
| лыд | % | лыд | % | лыд | % | лыд | % | лыд | % | лыд | % | лыд | % | |
| Ставнас | 4464 | 100 | 5068 | 100 | 25 281 | 100 | 64 461 | 100 | 234 903 | 100 | 245 768 | 100 | 250 900 | 100 |
| Рочьяс | 731 | 16,4 | 1511 | 29,8 | 7079 | 28,0 | 23 186 | 36,0 | 127 619 | 54,3 | 143 453 | 58,4 | 165 594 | 66,0 |
| Комияс | 3699 | 82,9 | 3486 | 68,8 | 17 106 | 67,7 | 32 428 | 50,3 | 79 011 | 33,6 | 75 140 | 30,6 | 64 983 | 25,9 |
| Украинечьяс | 5 | 0,0 | 89 | 1,7 | 520 | 2,1 | 2588 | 4,0 | 11 213 | 4,8 | 9600 | 3,9 | 7025 | 2,8 |
| Немечьяс | - | - | 101 | 0,4 | 2836 | 4,4 | 4089 | 1,8 | 3382 | 1,4 | - | - | ||
| Белорусъяс | - | - | 196 | 0,8 | 781 | 1,2 | 3551 | 1,5 | 2989 | 1,2 | 2258 | 0,9 | ||
| Тотара | 2 | 0,0 | 48 | 0,2 | … | … | 1644 | 0,7 | 1474 | 0,6 | 1505 | 0,6 | ||
| Мукӧд | 27 | 0,6 | 231 | 0,9 | 2642 | 4,1 | 7779 | 3,3 | 9660 | 3,9 | 10287 | 4,1 | ||
- Демография
| Во | Чужис | Куліс | Динамика | |||
|---|---|---|---|---|---|---|
| лыд | ‰ | лыд | ‰ | лыд | ‰ | |
| 1970 | 2571 | 18,2 | 920 | 6,5 | 1651 | 11,7 |
| 1975 | 3274 | 19,2 | 1100 | 6,4 | 2174 | 12,8 |
| 1980 | 3640 | 18,7 | 1410 | 7,2 | 2230 | 11,5 |
| 1985 | 4173 | 19,0 | 1597 | 7,3 | 2576 | 11,7 |
| 1990 | 3303 | 13,8 | 1854 | 7,8 | 1449 | 6,0 |
| 1995 | 2381 | 9,6 | 3253 | 13,2 | —872 | —3,6 |
| 2000 | 2659 | 10,7 | 3079 | 12,4 | —480 | —1,7 |
| 2001 | 2617 | 10,6 | 3041 | 12,3 | —424 | —1,7 |
| 2002 | 2934 | 11,9 | 3382 | 13,8 | —448 | —1,9 |
| 2003 | 3053 | 12,5 | 3547 | 14,5 | —494 | —2,0 |
| 2004 | 3104 | 12,7 | 3435 | 14,1 | —331 | —1,4 |
| 2005 | 2916 | 11,9 | 3323 | 13,6 | —407 | —1,7 |
| 2006 | 2700 | 11,0 | 2953 | 12,1 | —253 | —1,1 |
| 2008 | 2873 | 11,6 | 2691 | 10,9 | 182 | 0,7 |
| 2009 | 3063 | 12,3 | 2713 | 10,9 | 350 | 1,4 |
Овмӧс
[вежны | Вежны кодировкаын]
Промовмӧс
[вежны | Вежны кодировкаын]Вузасьӧм
[вежны | Вежны кодировкаын]Вузасян рынокын медводдза места юкӧны кык котыр - «Ассорти» да «Эконом». Налӧн везъясынӧсь 2 гипермаркет, 9 супермаркет, 6 универсам. «Продтӧваръяс» - сёян-юан вузалана да уналы мусмӧм вез, кӧні 11 лавка. 2010' арсянь тайӧ рынокӧ кутіс нырччыны розничнӧй федеральнӧй вез «Магнит», коді пыр лыдмӧдӧ ассьыс лавкаяссӧ.
Сыктывкарса ыджыдджык вузасян да вузасян-шойччӧдан шӧринъяс:
- ТРЦ «Макси»
- «Аврора»
- ТРЦ «Радуга»
- «Город мастеров»
- «Вузйӧр» («Тӧрговӧй двор»)
- ТРК «РубликЪ»
- «Звёзднӧй»
- «Детскӧй мир»
- «Майскӧй»
- «Покровскӧй»
- «Гӧстинӧй двор»
- «Фрегат»,
- «Веждін»
- «Музыкальнӧй мир»
Транспорт
[вежны | Вежны кодировкаын]Кар пытшкын йӧзсӧ новлӧдлӧны унджыксӧ автобусъясӧн да таксиӧн.
Эм кӧрттуй вокзал, кӧні помасьӧ Микуньсянь локтан туй вож. Чайтӧны регыд мысти нюжӧдны кӧрттуйсӧ водзӧ - Кудымкар пыр Перымлань. Кар войвылын эм кӧрттуй станция Човъю (промгӧрӧд), пассажиръяслы Эжва платформа да кӧрттуй станция Койты. Фирменнӧй поезд, коді ветлӧ Мӧскуа да Сыктывкар костын - «Сыктывкар» нима.
Сідзжӧ карын эм аэропорт. Карсянь 30 км ылнаын, Соколовка инын, неважӧн кутчисны кыпӧдны выль аэропорт (Войдӧр тайӧ аэропорт стрӧитӧмысь дугдылӧмаӧсь).
Карын выйим автопавильон. Автобусъяс ветлӧны Киров, Уфа, Ульяновск, Чаллы, Шубашкар, Йошкар-Ола, Козань, Перым каръясӧдз. Сыктывкарын жӧ помассьӧ Р176 «Вятка» автотуй.
2012' воӧ Мӧскуаса судновӧчан завод стрӧитіс Сыктывкарлы йӧзӧс новлӧдлан судно-паром, вуджӧдчыны Эжва ю вомӧн.
Быт
[вежны | Вежны кодировкаын]Велӧдӧм да туясьӧм
[вежны | Вежны кодировкаын]
Сыктывкар - Рочму Европаса Войвылын медся ыджыд наука шӧринъясысь ӧти. Карын лыддьыссьӧ комын кымын ин, кӧні могысь нуӧдӧны наукаса туясян да олӧмӧ пыртан уджъяс. Медся тӧдчанаясыс на пиысь пырӧны РТА Издор юкӧнса Коми наука шӧринӧ, кытчӧ ӧтувтӧмаӧсь химия, геология, биология, кыв, литература да история, физиология, Войвылын экономика да социальнӧй проблемаяс кузя институтъяс, энергетика да математика кузя юкӧдъяс.
Медыджыд велӧдчанінъяс:
- Коми канмуса педагогика институт
- Сыктывкарса канму университет
- Сыктывкарса вӧр институт
- Канму службаӧ да веськӧдлыны велӧдан Коми Республикаса академия
- Велӧданног сӧвмӧдӧм да кадръяссӧ выльысь лӧсьӧдӧм кузя Коми Республикаса институт
- Могмӧд-овмӧс кузя Петербургса кан университетлӧн юкӧн
- Медицина кузя Кировса кан академиялӧн юкӧн
- Россияса кооперация университетлӧн юкӧн
- Ӧніядырся гуманитарнӧй академиялӧн юкӧн
- Вяткаса гуманитарнӧй кан университетлӧн юкӧн
Культура
[вежны | Вежны кодировкаын]Театръяс
[вежны | Вежны кодировкаын]Коми республикаса опера да балет театр, коді сулалӧ юркарын, воссис 1958 вося моз тӧлысь 26 лунӧ. Сэки сійӧ шусис Музтеатр. Ыджыд пай театр восьтӧмӧ пуктісны ворсысьяс Воркутлагса политосуждённӧйяс пӧвстысь, медводз сьылысь Борис Дейнека, коді лоис театрса художественнӧй веськӧдлысьӧн. Ӧнія кадӧ театр петкӧдлӧ аслас видзӧдысьяслы и нималана роч да суйӧрсайса авторъяслысь («Гажа дӧва», «Фаворитка», «Сильва») ворсӧмторъяс, и коми национальнӧй петкӧдчӧмъяс. На пиын медся тӧдчанаӧн лоӧны «Ягморт» балет, кодлӧн подулын – коми эпос.
Коми республикаса вужвойтырлӧн шылада-драмаа театрын пуктӧны сӧмын йӧзкостса ворсантор. Став петкӧдчӧмъяс сэні мунӧны сӧмын коми кыв вылын, ӧттшӧтшъя роч кыв вылӧ вуджӧдӧмӧн. Театр репертуарын йитчӧны драма искусство да шылада коми фольклор, коді сетӧ дзик мӧдпӧлӧс ворсанторъяс. Сэні петкӧдчӧ войвыв коми йӧзлӧн енкола кылӧм, кодлӧн подулын – коми фольклор, эпос, сьыланкывъяс, ӧбрадъяс и мукӧд сикас: йӧзкостса драма, шылада-эпос поэма, музыкальнӧй теш, миф мойдкыв, ӧнія кадся драма, легенда да челядьлы мойд.
Кинотеатръяс
[вежны | Вежны кодировкаын]2010' во кежлӧ карын уджалӧ «Парма-2» кинозал, кодлы нимыс вуджис важ стрӧйбасьыс, кодӧс выльмӧдісны 2004' восянь 2008' воӧдз. (Бӧръявылын «Парма» кинотеатр вӧлі разьӧма кыдзи выльмӧдӧм вылӧ шогмытӧм стрӧйба. Сы пыдди кӧсйӧны лэптыны квайт кинозала ТРК)
Сідзжӧ уджалӧ кызь пукалысь морт вылӧ неыджыд «Люмьер» кинозал.
2010' вося лӧддза-номъя тӧлысьын Первомай туй дорса 85-ӧд керкаын воссьӧ медводдза 4D-киноаттракцион (пукалан местаыс вит).
2010' йирым тӧлысьын «Вузасян Йӧр» («Тӧрговӧй Двор») МФК-ын воссьӧ нӧшта ӧти киноаттракцион 4D да 5D (Первомай туй дорса квайтымын мӧд керкаын, «Б» корпусын сизимӧд судта).
2010' вӧльгым 25' лунӧ «Парма-2» кинозалын пондӧмаӧсь петкӧдлыны 3D кино.
2011' тӧвшӧр 2' лунӧ Шӧр стадионса содтӧд эрдын воссис кинотеатр авто радейтысьяслы.
2011' вося рака тӧлысь 5' лунӧ «РубликЪ» ТРК-ын восьтӧмаӧсь выль кинокомплекс «РубликЪ-Синема».
2011' вося вӧльгым тӧлысьӧ «Макси» ТРЦ-ын воссьыс 5D киноаттрацион, а 2012' во помын сизим жыръя кинотеатр «Кронверк Синема» IMAX жыркӧд.
2012' воӧ каршӧрса Первомай туй дорын, «Радуга» ТРЦ-ас, восьтӧмаӧсь кинотеатр челядьлы.
2013' воӧ Орбита районса Йирым шӧртуй дорӧ кӧсйӧны восьтыны ТРЦ «Июнь». Сы пытшкын жӧ воссяс мультикомплекс «Мори Синема».
Спорт
[вежны | Вежны кодировкаын]Карын кыпалӧ быдсикас тӧвся спорт: мача хоккей (ХК «Строитель», 2012/13 да 2016/17 вося сезонӧ мача хоккейысь Рочму чемпионатын Медвылыс лигаын вермысь), сноуборд, лызьӧн да конькиӧн котралан спорт, конькиӧн мичаа исласьӧм. Вылын места карса спортивнӧй олӧмын кутӧ мини-футбол. Сыктывкарса мини-футболысь «Новая Генерация» команда петкӧдчӧ Суперлигаын, а сылӧн клуб-филиал «Новая Генерация-дубль» (водзджык «Бумажник») мини-футбол кузя Медвылыс лигалысь Асыввыв дивизионын. Сыктывкарса ань баскетболысь клуб «Ника-Лузалес» ворсӧ Премьер-лигаын.
Паськыда нималӧ нывъяслӧн («Зыряночка» БК, Рочмулӧн Суперлига) да зонъяслӧн (Сыктывкарса канму университетлӧн БК, Рочмулӧн студенческӧй баскетболысь ассоциация) баскетбол, вартчӧм, мича гимнастика, бокс да мукӧд вермасян кужӧгъяс. Шӧр стадион вылын тшӧкыда овлывлӧны машинаӧн панъясьӧмъяс («Супер шип»). Лямпа-лызь спорт карас важысянь сӧвмӧма, тані уджалӧны куим официальнӧй лызнича:
- Сметанина Раиса нима стадион
- «Динамо» лызь база
- «Веждін» лызь база (ОАО «Монди Сыктывкарса ЛПК»)
Абу официальнӧй лямпа туйяс уна жӧ (Гӧрд Затонын, Вӧрзаводын, Орбитаын).
Выльгорт сиктын, Сметанина Раиса нима стадионын быд во овлӧ лызьӧн войлӧм кузя Рочмуса чемпионат.
Архитектура
[вежны | Вежны кодировкаын]- Госбанк
- Дербенёвъяслӧн вузасян керка
- Духовнӧй училищелӧн стрӧйба
- Жеребцовлӧн керка
- Земство уездса управа
- Коми Республикаса национальнӧй библиотека
- Комлин купечлӧн керка
- Кузьбожев купечлӧн керка
- Кузьбожевъяслӧн вузасян керка
- Купеч Камбалов купечлӧн керка
- Мужичӧйяслӧн Троицкӧй Стефано-Ульяновскӧй манастыр керка
- Нывбабаяслӧн Александринскӧй гимназия
- «Октябр» кинотеатр
- Оплеснин купечлӧн керка
- Печать керка
- Пионеръяслӧн двореч
- Пӧжарнӧй каланча – пӧжарнӧй депо стрӧйба
- Профсоюз керка
- Пушкин А. С. нима гимназия
- Пытшкӧсса уджъяс Народнӧй комиссариатлӧн стрӧйба
- Ремесленнӧй мастерскӧйяс
- Суханов купечлӧн керка
- Уездса земство больничалӧн стрӧйба
- Шараповлӧн керка
- Шпиль увса керка
Карса туйяс
[вежны | Вежны кодировкаын]
Сыктывкарын матӧ 200 картуй (улича), 25 туйколас (пурӧсь), 21 туйкост (уличкост), кык шоссе, кык шӧртуй (проспект) да ӧти бульвар.
| Коми ним | Роч ним |
|---|---|
| Покров бульвар | Покровский бульвар |
| Бумажник шӧртуй | Проспект Бумажников |
| Йирым шӧртуй | Октябрьский проспект |
| Сыктыв шоссе | Сысольское шоссе |
| Уква шоссе | Ухтинское шоссе |
| Ань Лун туй | ул. 8 Марта |
| Асыввыв туй | ул. Восточная |
| Бабушкин туй | ул. Бабушкина |
| Банбан туй | ул. Банбана |
| Бор туй | ул. Межевая |
| Борисов туй | ул. Борисова |
| Бурним туй | ул. Славы |
| Быковскӧй туй | ул. Быковского |
| Вадор туй | ул. Береговая |
| Вадорвыв туй | ул. Набережная |
| Вермӧмлы 65 во туй | ул. 65-летия Победы |
| Веськыд туй | ул. Прямая |
| Ветеран туй | ул. Ветеранов |
| Видз туй | ул. Луговая |
| Виттор туй | ул. Савина |
| Водзладор туй | ул. Передовая |
| Водник туй | ул. Водника |
| Водопьянов туй | ул. Водопьянова |
| Войвыв туй | ул. Северная |
| Вӧр туй | ул. Лесная |
| Вӧрзавод туй | ул. Лесозаводская |
| Вӧркута туй | ул. Воркутинская |
| Вӧрпарк туй | ул. Лесопарковая |
| Вӧрпилитан туй | ул. Лесопильная |
| Вуджанін туй | ул. Перевозная |
| Выль Войвыв туй | ул. Новый Север |
| Выль Посёлок туй | ул. Новый поселок |
| Выль туй | ул. Новая |
| Гараж туй | ул. Гаражная |
| Гоголь туй | ул. Гоголя |
| Гӧрд Армия туй | ул. Красноармейская |
| Гӧрд Партизан туй | ул. Красных Партизан |
| Горькӧй туй | ул. Горького |
| Градйӧр туй | ул. Огородная |
| Громов туй | ул. Громова |
| Дача туй | ул. Дачная |
| Депутат туй | ул. Депутатская |
| Димитров туй | ул. Димитрова |
| ДКЗ туй | ул. ДКЗ |
| Дорога туй | ул. Дорожная |
| Ёль туй | ул. Ельная |
| Емваль туй | ул. Емвальская |
| Ёртлун туй | ул. Дружбы |
| Жаков туй | ул. Жакова |
| Жилинпиян туй | ул. Братьев Жилиных |
| Журавскӧй туй | ул. Журавского |
| Завод туй | ул. Заводская |
| Зӧм туй | ул. Крутая |
| Изьва туй | ул. Ижемская |
| Индустрия туй | ул. Индустриальная |
| Инта туй | ул. Интинская |
| Интернационал туй | ул. Интернациональная |
| Ичӧт Авиа туй | ул. Малая авиационная |
| Ичӧт Дырнӧс туй | ул. Дырнос М. |
| Йирым туй | ул. Октябрьская |
| Каликова Домна туй | ул. Домны Каликовой |
| Калинин туй | ул. Калинина |
| Кардор туй | ул. Пригородная |
| Карл Маркс туй | ул. Карла Маркса |
| Карсай туй | ул. Загородная |
| Карув туй | ул. Уездная |
| Карьер туй | ул. Карьерная |
| Катаев туй | ул. Катаева |
| Католиков туй | ул. Католикова |
| Киров туй | ул. Кирова |
| Кирпич туй | ул. Кирпичная |
| Клара Цеткин туй | ул. Клары Цеткин |
| Кӧджпом туй | ул. Кочпонская |
| Колхоз туй | ул. Колхозная |
| Комаров туй | ул. Комарова |
| Коми туй | ул. Зырянская |
| Коммуна туй | ул. Коммунистическая |
| Коммунаса туй | ул. Коммунальная |
| Комсомол туй | ул. Комсомольская |
| Кӧрткерӧс туй | ул. Корткеросская |
| Кӧрттуйдорса туй | ул. Железнодорожная |
| Космодемьянскӧй Зоя туй | ул. Зои Космодемьянской |
| Космонавт туй | ул. Космонавтов |
| Кошевӧй Олег туй | ул. Олега Кошевого |
| Крупскӧй туй | ул. Крупской |
| Куратов туй | ул. Куратова |
| Куръя туй | ул. Заливная |
| Кутузов туй | ул. Кутузова |
| Кыддза туй | ул. Березовая |
| Кылӧдчан туй | ул. Сплавная |
| Кыркӧтш туй | ул. Нагорная |
| Кытшола туй | ул. Дуговая |
| Ленин туй | ул. Ленина |
| Лунвыв туй | ул. Южная |
| Лыа туй | ул. Песчаная |
| Лым туй | ул. Снежная |
| Лыткин туй | ул. Лыткина |
| Лэбзянвыв туй | ул. Летная |
| Магистраль туй | ул. Магистральная |
| Маегов туй | ул. Маегова |
| Малышев туй | ул. Малышева |
| Марков туй | ул. Маркова |
| Маяковскӧй туй | ул. Маяковского |
| Мездлун туй | ул. Свободы |
| Мелиоратор туй | ул. Мелиораторов |
| Менделеев туй | ул. Менделеева |
| Механика туй | ул. Механическая |
| Микушев туй | ул. Микушева |
| Мир туй | ул. Мира |
| Мичурин туй | ул. Мичурина |
| Морозов туй | ул. Морозова |
| Му туй | ул. Земляная |
| Навигация туй | ул. Навигационная |
| Нация туй | ул. Национальная |
| Невельса 28’ Дивизия туй | ул. 28 Невельской Дивизии |
| 1’ Овмӧдан туй | ул. Новосельская 1-я |
| 2’ Овмӧдан туй | ул. Новосельская 2-я |
| Овмӧдчысьяс туй | ул. Новоселов |
| Оплеснин туй | ул. Оплеснина |
| Орджоникидзе туй | ул. Орджоникидзе |
| Осипенко туй | ул. Осипенко |
| Островскӧй туй | ул. Островского |
| Папанин туй | ул. Папанина |
| Парижса Коммуна туй | ул. Парижской Коммуны |
| Парк туй | ул. Парковая |
| Парма туй | ул. Таежная |
| Партизан туй | ул. Партизанская |
| Первомай туй | ул. Первомайская |
| Перым туй | ул. Пермская |
| Петровскӧй туй | ул. Петрозаводская |
| Печӧра туй | ул. Печорская |
| Пионер туй | ул. Пионерская |
| Пожӧм туй | ул. Сосновая |
| Полюс туй | ул. Заполярная |
| Посёлок туй | ул. Поселковая |
| Пошта туй | ул. Почтовая |
| Пролетариат туй | ул. Пролетарская |
| 1’ Промовмӧс туй | ул. 1-я Промышленная |
| 2’ Промовмӧс туй | ул. 2-я Промышленная |
| 3’ Промовмӧс туй | ул. 3-я Промышленная |
| 4’ Промовмӧс туй | ул. 4-я Промышленная |
| 5’ Промовмӧс туй | ул. 5-я Промышленная |
| Пушкин туй | ул. Пушкина |
| Рейд туй | ул. Рейдовая |
| Республика туй | ул. Республиканская |
| Робочӧй туй | ул. Рабочая |
| Рытыввыв туй | ул. Западная |
| Сад туй | ул. Садовая |
| Седов туй | ул. Седова |
| Сён туй | ул. Овражная |
| Серов туй | ул. Серова |
| Сирень туй | ул. Сиреневая |
| Склад туй | ул. Складская |
| Слӧбӧда туй | ул. Слободская |
| Сӧвет туй | ул. Советская |
| Сорвачёв туй | ул. Сорвачева |
| Спиридонов туй | ул. Спиридонова |
| Станция туй | ул. Станционная |
| Старовскӧй туй | ул. Старовского |
| Стаханов туй | ул. Стахановская |
| Стрӧитель туй | ул. Строительная |
| Судноветлан туй | ул. Судоходная |
| Су туй | ул. Рубежная |
| Сыктывдін туй | ул. Сыктывдинская |
| Тентюков туй | ул. Тентюковская |
| Тӧвся туй | ул. Зимняя |
| Томдыр туй | ул. Юности |
| Томулов туй | ул. Молодежная |
| Тувсов туй | ул. Весенняя |
| Тусяпу туй | ул. Можжевельная |
| Ты туй | ул. Озерная |
| Тыдор туй | ул. Приозерная |
| Урожай туй | ул. Урожайная |
| Усадьба туй | ул. Усадебная |
| Фестиваль туй | ул. Фестивальная |
| Чернов туй | ул. Чернова |
| Чехов туй | ул. Чехова |
| Чкалов туй | ул. Чкалова |
| Школа туй | ул. Школьная |
| Школадор туй | ул. Пришкольная |
| Шор туй | ул. Ручейная |
| Ыджыд Дырнӧс туй | ул. Дырнос Б. |
| Ылыс туй | ул. Дальняя |
| Эжва туй | ул. Вычегодская |
| Эжваса туй | ул. Эжвинская |
| Элеватор туй | ул. Элеваторная |
| Энгельс туй | ул. Энгельса |
| Эрд туй | ул. Полевая |
| Юхнин туй | ул. Юхнина |
| Яг туй | ул. Боровая |
| Яруслав туй | ул. Ярославская |
| 1’ Туйвизь | ул. 1 Линия |
| 2’ Туйвизь | ул. 2 Линия |
| 3’ Туйвизь | ул. 3 Линия |
| 4’ Туйвизь | ул. 4 Линия |
| 5’ Туйвизь | ул. 5 Линия |
| 6’ Туйвизь | ул. 6 Линия |
| 7’ Туйвизь | ул. 7 Линия |
| 8’ Туйвизь | ул. 8 Линия |
| 9’ Туйвизь | ул. 9 Линия |
| 10’ Туйвизь | ул. 10 Линия |
| 11’ Туйвизь | ул. 11 Линия |
| 12’ Туйвизь | ул. 12 Линия |
| Авиа туйкост | пер. Авиационный |
| Ань Лун туйкост | пер. 8 Марта |
| Бор туйкост | пер. Межевой |
| Велӧдчан туйкост | пер. Ученический |
| Войвыв туйкост | пер. Северный |
| Депутат туйкост | пер. Депутатский |
| Завод туйкост | пер. Заводской |
| Индустрия туйкост | пер. Индустриальный |
| Интернационал туйкост | пер. Интернациональный |
| Кардор туйкост | пер. Пригородный |
| Космодемьянскӧй Зоя туйкост | пер. Зои Космодемьянской |
| Кырув туйкост | пер. Кирульский |
| Мир туйкост | пер. Мирный |
| Печӧра туйколас | пер. Печорский |
| Пожӧм туйкост | пер. Сосновый |
| Робочӧй туйкост | пер. Рабочий |
| Социализм туйкост | пер. Социалистический |
| Су туйкост | пер. Рубежный |
| Тентюков туйкост | пер. Тентюковский |
| Школа туйкост | пер. Школьный |
| Энгельс туйкост | пер. Энгельса |
| Больнича туйколас | Больничный проезд |
| Вадорвыв туйколас | Набережный проезд |
| Войвыв туйколас | Северный проезд |
| Вӧр туйколас | Лесной проезд |
| Вӧрӧншор туйколас | Вороншорский проезд |
| Выль туйколас | Новый проезд |
| Гараж туйколас | Гаражный проезд |
| Геолог туйколас | Геологов проезд |
| Гӧрд Армия туйколас | Красноармейский проезд |
| Кардор туйколас | Пригородный проезд |
| Карьер туйколас | Карьерный проезд |
| Колхоз туйколас | Колхозный проезд |
| Комсомол туйколас | Комсомольский проезд |
| Кыркӧтш туйколас | Нагорный проезд |
| Магистраль туйколас | Магистральный проезд |
| Максаковка туйколас | Максаковский проезд |
| Мичурин туйколас | Мичурина проезд |
| МЮД туйколас | 20 МЮД проезд |
| Парк туйколас | Парковый проезд |
| Пошта туйколас | Почтовый проезд |
| 1’ Серов туйколас | Серова 1-й проезд |
| 2’ Серов туйколас | Серова 2-й проезд |
| Совхоз туйколас | Совхозный проезд |
| Стандарт туйколас | Стандартный проезд |
| Чехов туйколас | Чехова проезд |
Ёртасян каръяс
[вежны | Вежны кодировкаын]- Дебрецен, Венгрия (1992 восянь)
- Кулльера, Испания (1997 восянь)
- Ловеч, Болгария
- Лос-Алтос, АӦШ
- Тайюань, Китай (1994 восянь)
Видзӧдӧй тшӧтш
[вежны | Вежны кодировкаын]Пасйӧдъяс
[вежны | Вежны кодировкаын]- ↑ Первая всеобщая перепись населения Российской Империи 1897 г. Распределение населения по родному языку и регионам
- ↑ Всесоюзная перепись населения 1926 года = Recensement de la population de L’U.R.S.S. 1926 / Центральное статистическое управление СССР; Отд. переписи. Северный район. Ленинградско-Карельский район: народность, родной язык, возраст, грамотность. — М.: Изд. ЦСУ СССР, 1928, с. 58—59.
- ↑ НА РК, ф. р-140, оп. 2, д. 8663.
- ↑ Основные итоги Всероссийской переписи населения 2002 года по Республике Коми: Сборник. — Сыктывкар, 2005, с. 61—64.
Ыстӧдъяс
[вежны | Вежны кодировкаын]
|
Сыктывкар Викискладын? |
|---|
| Коми Республикалӧн каръяс |
| Вӧркута | Вуктыл | Емва | Инта | Микунь | Печӧра | Сӧснагорт | Сыктывкар | Уква | Ускар |
| Сыктывкар каркытшса оланінъяс | 
|
| ||
|---|---|---|---|---|
|
||||
.png){kind=small}
.svg){kind=small}
.png){kind=small}
_(1989).png){kind=small}
.svg){kind=small}
.png){kind=small}
.png){kind=small}
.JPG){kind=link}
