Таллинн

Таллинн
	Таллинн ; Tallinn
Канпас;	Дӧрапас;
Му:	Эстония
Статус:	юркар
уезд:	Харъюмаа
мэр:	Евгений Осиновский
Инлыдпасъяс:	0°00′ в. п. 0°00′ а. к. / 0° в. п. 0° а. к. (G)
Мутас:	159,2 км²
Официал кыв	эст
Олысьяс; • Олысь лыд	411 900 морт (2010); 2554 морт/км²
Час кытш:	UTC+2
Телефон код:	372
Категория Викискладын	Tallinn
	Официал сайт

Таллинн (эст Tallinn, важ нимъяс Колывань, Ревель) - тайӧ Балтика саридз дорса кар, Эстмулӧн юркар.

Ним йылысь

Таллинн эст ногӧн гижӧны Tallinn. Кар нимын кык юкӧн: linn лоӧ 'изкар', а tal артмӧма tan кывйысь, кодлӧн вежӧртасыс вӧлі дан (датскӧй). Данлинн сэсся лоӧма Таллинн.

Сӧветъяс бырӧдӧм бӧрын рочӧн да комиӧн кутісны гижны помас кык н, кыдзи и эст кывйын. Сэсся гижанног кутіс вежласьны, корсюрӧ гижӧны ӧти н, корсюрӧ кык.

География

Таллинн сулалӧ Финн куръя лунвыв вадорын, Эстму рытыв-войвылын.

Кар му кузя мунӧ известняк тшупӧд (Глинт, нето Балтика-Ладога тшупӧд). Сійӧс позьӧ казявны Тоомпеа да Ласнамяэ вылын.

Медвылын чут Таллиннас (саридз вевдорсянь 64 метра вылна) зымвидзӧ карыс рытыв-лунвылын, Нымме районын.

Медыджыд ты — Юлемисте (9,6 км² ыджда). Татысь босьтӧны юан ва карса олысьяслы. Харку — пасьта серти мӧд ты (1,6 км² ыджда).

Кар дор кузя визувтӧ Пирита ю, но сійӧ оз кежав кар шӧрӧ, мунӧ сӧмын Пирита районӧд. Юладорыс зэв мича, сійӧс дорйӧны-видзӧны.

Саридз вадорыс карас 46 километра кузя. Тані сійӧ артмӧдӧ куим ыджыд кӧдж: Копли, Пальяссааре да Какумяэ, нёль куръя: Таллинн куръя, Пальяссааре куръя, Копли куръя да Какумяэ куръя.

Кар торъяс

Таллиннын кӧкъямыс картор: (эст linnaosad):

Коми ним	Эст ним	Ыджда (км²)	Олысь (морт)
Кесклинн	Kesklinn	28,0	34.985
Кристине	Kristiine	9,4	27.531
Ласнамяэ	Lasnamäe	30,0	108.644
Мустамяэ	Mustamäe	8,0	62.219
Нымме	Nõmme	28,0	35.043
Пирита	Pirita	18,7	8.507
Пыхъя Таллинн	Põhja-Tallinn	17.3	52.573
Хаберсти	Haabersti	18,6	35.000