Выльтыдор

Выльтыдор Выльтыдор
Му:	Рочму
Статус:	посёлок
:	Сыктывкар каркытш
Медводдза казьтыштӧм:	1956
Официал кыв	коми, роч
Олысьяс	622 морт (2010)
Час кытш:	UTC+3+3
Телефон код:	+7 8212
Пошта индӧс:	167908
Автомобиль код:	11, 111
Официал сайт

Выльтыдор (рочӧн Выльтыдор) — Сыктывкар каркытшӧ пырысь посёлок. Пырӧ Сыктывкар каркытшлӧн Вылыс Максаковка кар кодь посёлоклӧн администрация улӧ.

Ним артмӧм

Посёлок артмис Выльты бокын; сысянь и муніс посёлоклы нимыс.

География

Посёлок пукалӧ Выльты да Сыктыв ю костын. Выльтыдорсянь Вылыс Максаковка юрсиктӧдз 7 км, Сыктывкарӧдз 9 км.

Уличаяс

Посёлокын вит улича:

• Дачаяс туй (ул. Дачная)
• Олег Кошевой нима туй (ул. Олега Кошевого)
• Механическӧй туй (ул. Механическая)
• Партизан туй (ул. Партизанская)
• Тыдор туй (ул. Приозёрная)

История

• 1940—1950-ӧд воясӧ чужис посёлок, сійӧс шуисны «Выль Затон» (Новый Затон). 1956 вося списокын индӧма, мый посёлок сулалӧ Гӧрд Затон посёлоксянь 2 км сайын. 1960 вося списокын пасйӧма, мый кыкнан посёлокыс ӧтувтчӧма нин. 1960-ӧд воясся инним мусерпасъясын — «Новый Затон». 1968 вося списокын абу индӧма.
• 1981 вося лӧддза-номъя тӧлысь 19-ӧд лунӧ вӧлі регистрируйтӧма Выльтыдор посёлок. 1983 вося ода-кора тӧлысь 3-ӧд лунӧ сійӧс йитӧма Сыктывкаркӧд, и посёлоксӧ эз кутны индыны кыдзи торъя овмӧдчанін.
• 1990 вося вӧльгы тӧлысь 15-ӧд лунӧ Выльтыдор бара регистрируйтӧма кыдзи посёлок. 1991 вося вӧльгым тӧлысь 19-ӧд лунсянь Выльтыдор пырӧ Вылыс Максаковка посёлок сӧветӧ.
• 2006 восянь Выльтыдор сикт кодь посёлок пырӧ Сыктывкар каркытшлӧн Вылыс Максаковка кар кодь посёлоклӧн администрация улӧ.

Олысь лыд

2010 воын Выльтыдорын олісны комияс (54 %), рочьяс (40 %), украинечьяс (5%).

Вояс да олысь лыд
1983	1989	1992	1995	2002	2010
522	690	630	594	627	622

Культура

2014 во вылӧ посёлокын эм Культура керка (восьтӧма 1953 воын), медпункт.

Велӧдӧм

Выльтыдорын уджалӧ 65-ӧд №-а челядь видзанін. Сійӧ вӧлі восьтӧма 1963-ӧд воын. 2011 воын кыпӧдӧма медшӧр корпускӧд орччӧн узьлан да ворсан корпус. 2018 во кежлӧ садикыслӧн куим корпусын 13 челядь котыр. 26 морт зільӧ 317 кагакӧд.

Ӧтуввез

• Сыктывкар каркытш веськӧдланінлӧн сайт

Ӧшмӧсъяс

• Атлас Республики Коми. — Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Республика Коми: Энциклопедия. — Сыктывкар, 1997—2000. — Т. 1—3.

Ыстӧдъяс

Сыктывкар каркытшса оланінъяс
Ӧнія оланінъяс: Вылыс Максаковка • Вылыс Мыртыю • Выльтыдор • Гӧрд Затон • Куимтыдор • Сьӧдкыркӧтш • Сыктывкар • Эжва • Коркӧя торъя сикт-грездъяс / Сыктывкарса карпомъяс: Вӧрзавод | Лесозавод • Давпом • Дальнӧй • Дырнӧс • Кӧджпом • Кырув • Мӧдлапӧв • Октябрьскӧй • Орбита • Ошвидз • Париж • Стрӧитель • Тентюков • Чит • Яйкомбинат • Коркӧя торъя сикт-грездъяс / Эжва районса карпомъяс: Вылыс Чов • Емваль • Койты • Радиошӧрин / Радиоцентр • Улыс Чов • Човъю •