Лыюров Александр Алексеевич

Лыюров Александр Алексеевич
	Лыюров Александр Алексеевич
	Лыюров Öльöксей Öльöксан
Чужан лун:	1923-ӧд вося сора тӧлысь 17-ӧд лун
Чужанін:	Зеленеч, Сыктывдін район, Коми Республика, РСФСР, Сӧветскӧй Социалистическӧй Республикаяслӧн Союз;
Кулан кад:	1990-ӧд вося ӧшым тӧлысь 28-ӧд лун (67 арӧс)
Мыйся уджыс:	гижысь, ветеринар, ассистент ветеринара

Шаблон:Серпасыс абу

Лыюров Александр Алексеевич (А. Зеленцов; 1923—1990) — коми гижысь.

Олан туй

Александр Лыюров чужӧма Коми (Зыряна) асвеськӧдлан обласьтысь Сыктывдін районса Зеленечын 1923-ӧд вося сора тӧлысь 17-ӧд лунӧ.

1938 воын пырӧма велӧдчыны рабфакӧ, но сэсся вуджма ветеринарнӧй фельдшеръяслӧн школаӧ. Сійӧс помалӧма 1940 воын да кык во уджалӧма специальносьт сертиыс чужан сиктас.

1942 вося ода-кора тӧлысьӧ мунӧма армияӧ, велӧдчӧма Кардорын военно-пулемётнӧй училишӧын, но помавны велӧдчӧмсӧ абу удитӧма. Айму вӧсна Ыджыд тыш кадӧ Ленинград улын сьӧкыд тышъяс вӧсна училишӧсӧ ставнас нуӧны фронт вылӧ. Разведчикалӧма. Служитӧма Волхов фронтын лыжнӧй баталёнын. Ленинград вӧсна тышъясын кыкысь сьӧкыда ранитчылӧма. Дыркодь куйлӧма госпитальын, но бурдӧдчӧм бӧрас мунӧма ас баталёнас, кӧні и служитӧма война помӧдзыс.

1945-ӧд воын баталёнсӧ вуджӧдӧны Украинаӧ бырӧдны бандеровечьясӧс, и сӧмын 1947-ӧд воын Александр Лыюров локтӧ гортас. Уджалӧма ветеринарнӧй фельдшерӧн Айкатылаын.

1951-ӧд воын нин сійӧс корӧны уджавны редакторӧн Коми АССР-са министръяслӧн сӧветбердса радиоинформация комитетӧ. Дас кӧкъямыс во уджалӧм бӧрын 1968-ӧд вося лӧддза-номъя тӧлысьын вуджӧ «Югыд туй» газет редакцияӧ, кӧні уджалӧ дас нёль во.

Кулӧма 1990 вося ӧшым тӧлысь 28-ӧд лунӧ.

Гижан удж

Александр Лыюров босьтчӧма гижны война бӧрын. Сиктса томулов йылысь «Простӧй йӧз» медводдза повесьт петӧма «Войвыв кодзув» журналын 1949-ӧд воын, а торъя небӧгӧн — 1951-ӧд воын. Сылӧн «Зарни кияс» выль повесьтын (1956) сёрни мунӧ ремесленнӧй училишӧын велӧдчысьяс йылысь, кыдзи налӧн сӧвмӧ пытшкӧсса мирыс. Фронт вылын нуӧдӧма дневник, и тайӧ пасйӧдъясыс лоӧмаӧсь подулӧн «Менам другъяс йылысь повесть» гижӧдлы, кӧні висьталӧма пулемётнӧй училишӧся курсантъяс йылысь.

Бӧръя ыджыд уджыс — «Пармаса варышъяс» роман, мый петавлӧма «Войвыв кодзув» журналын 1992—1993-ӧд воясын.^[1]

1957 восянь А.А. Лыюров пырӧ СССР-са гижысь котырӧ.

Небӧгъяс

Прӧстӧй йӧз. — Сыктывкар, 1951.

Ӧшмӧсъяс

Гижысьлӧн олан туй // «Войвыв кодзув», 2018. — 7 №. — Л.б. 52.

Ыстӧдъяс

↑ Гижысьлӧн олан туй // «Войвыв кодзув», 2018. — 7 №. — Л.б. 52.

[1] Гижысьлӧн олан туй // «Войвыв кодзув», 2018. — 7 №. — Л.б. 52.

[1]