2022-ӧд во

2022-ӧд (кык сюрс кызь кыкӧд) во — Григорий календар серти, абу кассяна во, пансьӧ субӧтасянь.

Гажъяс

• Россияса войтырлӧн культурнӧй наследие во

Лоӧмторъяс

• Урасьӧм тӧлысь 4-20-ӧд лунъяс — Тӧвся Олимпиада ворсӧмъяс (Пекин, Китай)
• Урасьӧм тӧлысь 21-ӧд лун — Россияса президент В.В. Путин кырымаліс Указ, мый серти торъя канмуясӧн лыддьӧ водзынсӧ некодӧн пыдди пуктытӧмъяс Донецк Йӧзкостса Республика да Луганск Йӧзкостса Республика.
• Рака тӧлысь 26-ӧд лун — косму тӧлысь 3-ӧд лун — Коми Республикаын Р.П. Сметанина нима республикаса стадион вылын нуӧдісны лыжиӧн котралӧм серти ставроссияса чемпионат (Сыктывдін районса Выльгорт сикт): 42 регионысь локтӧма 300 сайӧ спортсмен.

Кулісны

• тӧвшӧр тӧлысь 8-ӧд лун — Совет кадся лызьӧн котралысь, тӧвся Олимпиадаын эзысь медаль шедӧдысь Нина Рочева (чужис 1948)
• тӧвшӧр тӧлысь 26-ӧд лун — коми гижысь, вуджӧдчысь Николай Щукин (чужис 1933)
• тӧвшӧр тӧлысь 29-ӧд лун — коми депутат, общественник Валерий Потолицын (чужис 1953)
• лӧддза-номъя тӧлысь 26-ӧд лун — коми гижысь, журналист Вячеслав Бабин (чужис 1960)