Напалков Виктор Егорович

Материал из Wikipedia
Напалков Виктор Егорович
Чужан лун:

1938-ӧд вося лӧддза-номъя 29-ӧд лун(1938-06-29) (79 лет)

Чужанін:
Канму:
Мыйся уджыс:

гижысь, журналист

Шаблон:Серпасыс абу

Файл:Напалков В.Е.JPG
Напалков Виктор Егорович — коми гижысь да журналист (2013 во)

Напалков Виктор Егорович (1938) — коми гижысь, журналист.

Олан туй[веськӧдны | править код]

Виктор Напалков чужӧма 1938 вося лӧддза-номъя тӧлысь 29 лунӧ Кулӧмдiн районса Джеджим грездын. Водз кольӧма батьтӧгыс. Сійӧ усьӧма Айму вӧсна Ыджыд тыш дырйи 1942 воын; мам ки вылас кольӧма куим кага. Велӧдчӧма Джеджим, Дон, Керчомъя школаясын. 1955 воын помалӧма 10 класс Кулӧмдінса шӧр школаын. Во уджалӧма Носим лесопунктын — ув кералысьӧн, вӧр кылӧдысьӧн, мотористӧн электростанцияын. 1959 воын помалӧма Лесотехническӧй техникум. Сэсся уджысь орӧдчытӧг велӧдчӧма Ставсоюзса юридическӧй институтын.

1960 восянь уджалӧма Кулӧмдін районса «Парма гор» газетын. Уна во уджалӧма районса газетъясын кывкутысь секретарӧн, республикаса радио да телевидениеын — редакторӧн. 19861992 воясӧ — коми кыв вылын челядьлы «Би кинь» журналын кывкутысь секретар. В.Напалков вӧлӧма тайӧ журналсӧ котыртысьяс лыдын. 1992 восянь уджалӧма «Войвыв кодзув» журнал редакцияын; 19941998 воясӧ вӧлӧма кывкутысь секретарӧн.

Гижан удж[веськӧдны | править код]

Нэм джын нин сылӧн олӧмыс коми журналистикаын да литератураын.

Виктор Напалковлӧн кывбуръясыс кутісны петны 1956 восянь. Кывбуръясыс вӧлі йӧзӧдӧма «Коми колхозник» газетын. Вӧрын уджалігӧн уна гижис: очеркъяс да статьяяс петавлісны районса да республикаса печатьын. Тадзи Виктор Напалков воис журналистикаӧ — 1960 воын сійӧс корисны Кулӧмдін районса «Парма гор» газетӧ.

«Козьнав мортлы муслун» медводдза повесьт вӧлі йӧзӧдӧма «Войвыв кодзув» журналын 1974 воын.

Повесьтъяс: «Олӧны-вылӧны», «Томъяс», «Кӧсъя тӧдмасьны», «Лун бӧрся лун», «Ме тэнӧ радейта», «Кӧин» да Вероника», «Прӧстит, аньтусьӧй», «Прӧщай», «Вотӧса август», «Шойтӧм крест», «Кӧн тэ, мус ёкмыльӧй?» (2002).

Йӧзӧдӧм романъяс: «Эзысь перна» (2000), «Утка туй» (2004), «Йӧг каллян» (2013 восянь петӧны юкӧнъяс).

Поэмаяс: «Туйвежъяс», «Поп пи».

Виктор Напалков комиӧдіс кывбуръяс да проза некымын авторлысь: И. Кузнецовлысь, Ю. Балегилысь, С. Паньколысь. Гижысьлысь кывбуръяссӧ вуджӧдӧма роч да венгер кывъяс вылӧ.

Ленинградса гижысь Глеб Горышин сылӧн гижӧдъяс йывсьыс пасйис: «Виктор Напалков — поэт Божьей милостью, с открытой миру душой. Я бы его принял в Союз писателей за один цикл стихов «Моё дыхание».

В.Е. Напалков — Россияса журналист котырӧ (1964) да Гижысь котырӧ пырысь (1991).

Небӧгъяс[веськӧдны | править код]

Комиӧн[веськӧдны | править код]

Роч вылӧ вуджӧдӧмӧн[веськӧдны | править код]

  • Напалков В.Е. Прости, Аньтусь. Повести. — Сыктывкар: «Услуги типографии», 2017. — 378 с.
  • Напалков В.Е. Я вас люблю. Повести, поэма. — Сыктывкар: «Услуги типографии», 2017. — 311 с.

Наградаяс[веськӧдны | править код]

  • Коми Республикаса нимӧдана уджалысь (1998)
  • Кулӧмдiн районса почётнӧй олысь (2002)[1]
  • Россия Федерацияса президентлӧн Аттьӧалӧм (2015) — Айму культура сӧвмӧдӧмысь да уна вося бур уджысь[2]

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. Кулӧмдін районса почётнӧй олысьяс
  2. Глава Республики Коми Вячеслав Гайзер вручил государственные награды жителям региона // Республика Коми: официальный портал (2015.08.21; рочӧн)