Би кинь (журнал)

Босьтӧма Wikipediaысь
Файл:Би кинь.jpg
"Би кинь" журналлӧн баныс (2010 во)

Медшӧр юӧр[вежны | Вежны кодировкаын]

«Би кинь» – ичӧт да шӧр челядьлы уна рӧма литературно-художественнӧй да серпаса журнал, петӧ 1986-ӧд восянь.

Петӧ тӧлысьнас ӧтчыдысь. Ыдждаыс — А4 формат, 16 лист бок. Тиражыс — 1000 сайӧ экз.

Индексыс — 73924

Пошта пыр гижӧдчан дон (2011 во вылӧ): 1 тӧлысь — 14 шайт 63 ур; 6 тӧлысь — 87 шайт 78 ур. Редакция пыр доныс: 60 шайт

История[вежны | Вежны кодировкаын]

Журналлӧн медводдза номерыс петіс 1986-ӧд вося сора тӧлысьӧ. Журналлӧн могъяс — коми кыв да литература, быдмысь войтырлӧн вежӧрын чужан му дорӧ муслун сӧвмӧдӧм, Коми мулӧн историяӧн тӧдмӧдӧм. Век корсьӧ енбиа нывкаясӧс да зонкаясӧс.

Журналын йӧзӧдӧны челядьлы лыддьӧм вылӧ висьтъяс, кывбуръяс, мойдъяс, гижысьяс, пемӧсъяс да лэбачьяс йылысь гижӧдъяс. Редакциякӧд йитӧд кутӧны гижысьяс, ворсысьяс, шылад тэчысьяс. Медуна зільӧны йӧзӧдны челядьлысь гижӧдторъяс да серпасъяс.

«Би киньын» редакторъясӧн вӧліны коми гижысьяс Николай Белых, Александр Лужиков (1992-ӧд восянь), Александр Ульянов, Алексей Попов (2021-ӧд вося урасьӧм тӧлысьӧдз). Ставныс найӧ пырӧны Россияса гижысь котырö. Недыр шер-редакторлӧма И.Н. Орёл. 2021-ӧд вося кӧч тӧлысь 1-дза лунсянь медшӧр редакторыс — коми гижысь Алёна Нестерова.

Некымын во чӧж журналлӧн редакция республикаса районъясын котыртлӧ «Би кинь» гаж, кодлӧн могыс енбиа ныв-зонмӧс корсьӧм да быдтӧм. «Би кинь» гаж – тайӧ театрализованнӧй мича ворсӧм, кӧні медшӧр геройӧн ворсӧ беринӧсь зонка «Би кинь». Медся сюсь да енбиа челядьлы вичмӧ козин.

Редакция топыд йитӧд кутӧ удмурт челядьлы «Кизили» журналкӧд.

2004-ӧд вося урасьӧм тӧлысьын Коми Республикаса правительстволӧн индӧд серти котыртчӧма «Коми му» газет редакция» Коми Республикаса канму учреждение, коді ӧтувтӧма «Коми му» да «Йӧлӧга» газетъяс, «Би кинь» да «Чушканзі» журналъяс. Сійӧ кадсяньыс тайӧ ыджыд котырнас директоралӧма коми гижысь Александр Ульянов. Налӧн лоӧма ӧтувъя бухгалтерия да компьютернӧй цех.

2011-ӧд вося сора тӧлысьсянь холдингнас веськӧдлӧма Надежда Васильевна Быковская.

2012-ӧд вося косму тӧлысьсянь артмӧдӧма "«Коми» небӧг лэдзан керка", кытчӧ сідзжӧ ӧтувтісны «Войвыв кодзув» журнал.

Ӧтуввез-листбок[вежны | Вежны кодировкаын]

2011-ӧд воын «Коми му» холдинглӧн лоӧма асшӧр ӧтуввез листбок. komimu.com ӧтуввез-листын эм торъя лист бокъяс быд петаслӧн — «Коми му» да «Йӧлӧга» газетъяслӧн, «Чушканзі» да «Би кинь» журналъяслӧн.

Ӧшмӧсъяс[вежны | Вежны кодировкаын]