Ульянов Александр Васильевич
Перейти к навигации
Перейти к поиску
| Ульянов Александр Васильевич | |
| Чужан лун: |
1953-ӧд вося кӧч 9-ӧд лун (65 арӧс) |
|---|---|
| Чужанін: | |
| Канму: | |
| Мыйся уджыс: | |
Ульянов Александр Васильевич (комиӧн — Паш Вась Ӧльӧксан, 1953) — коми гижысь.
Содержание
Олан туй[веськӧдны | править код]
- Александр Ульянов чужис Коми АССР-ын Кулӧмдін сиктын 1953 вося кӧч тӧлысь 9 лунӧ. Помаліс Дереваннӧй сиктса шӧр школа.
- 1975 воын помаліс Коми канмуса педагогика институтысь филология факультетса коми юкӧн, 1987 воын — Ленинградса вылыс партийнӧй школа.
- Уджавліс «Красное знамя» газетын корреспондентӧн, «Коми му» газетын редакторӧн. Некымын во вӧлі «Войвыв кодзув» журналын шӧр редакторӧс вежысьӧн.
- 1994 вося вӧльгым тӧлысьсянь — Коми небӧг лэдзанінын директор, 1999 вося вӧльгым тӧлысьсянь уджалӧ «Эскӧм» небӧг лэдзанінын.
- 2004—2011 воясӧ веськӧдліс «Коми му» газет редакцияӧн, кытчӧ ӧтувтісны коми кывъя нёль газет-журнал.
Гижан удж[веськӧдны | править код]
Медводдза кывбуръяссӧ йӧзӧдіс Кулӧмдiн районса «Парма гор» газетын. Сёрӧнджык кутіс гижны проза. Висьтъясас да очеркъясас восьтӧ коми сикт вӧсна ассьыс дойсӧ, мӧвпалӧ сылӧн аскиалун йылысь. Гижӧдъяссӧ «Сельская жизнь» газет пасйис «Медбур очерк» нимпасын мӧд премияӧн.
1992 воын вуджӧдіс «Челядьлы Библия» да йӧзӧдіс «Коми му» газетын. 1994 воын Александр Ульянов пырис Россияса гижысь котырӧ.
2013 воын Александр Ульянов лои вермысьӧн «Эзысь борд» республикаса литературнӧй конкурсын, мый лӧсьӧдіс Коми Республикаса каналан сӧвет, «Публицистика» нимпасын.[1]
Видзӧдӧй тшӧтш[веськӧдны | править код]
Небӧгъяс[веськӧдны | править код]
Комиӧн[веськӧдны | править код]
- Сьӧд ар: эссе, висьтъяс, повесьт. — Сыктывкар: Коми книжнӧй издательство, 1992. — 160 лб.
- Изъя чой: висьтъяс. — Сыктывкар: Коми небӧг лэдзанін, 2001. — 128 лб.
- Выль керка: висьтъяс. — Сыктывкар: «Эскӧм», 2003. — 212 лб.
- Олӧмыслӧн пыдӧсыс оз тыдав: повесьтъяс, висьтъяс, публицистика юкӧн. — Сыктывкар: «Эскӧм» небӧг лэдзанін, 2013. — 488 лб.
Рочӧн[веськӧдны | править код]
- Деревенька моя. — Сыктывкар.
- Глубинка. — Йошкар-Ола, 2011.
Мари кывйӧн[веськӧдны | править код]
- Тора ял / Вуджӧдіс Евгений Садовин. — Йошкар-Ола, 2015. — 488 лб.[2]
Наградаяс[веськӧдны | править код]
- Коми Республикаса Веськӧдлан Котырлысь премиа босьтысь «журналистика» юкӧнын (2008)
- «Эзысь борд» премиа босьтысь «публицистика» юкӧнын (2013)
