Парма гор (газет)

Босьтӧма Wikipediaысь
Файл:Парма гор.jpg
"Парма гор" газетлӧн чужӧм баныс (2007 во)

Медшӧр юӧр[вежны | Вежны кодировкаын]

«Парма гор» – коми кывъя петас, Кулӧмдін районса войтырлӧн газет. Вежоннас петӧ куимысь. Тираж – 3500 петас.

Газетлӧн история[вежны | Вежны кодировкаын]

  • Кулӧмдін районса газет редакция артмӧдӧма 1929 вося лӧддза-номъя тӧлысь 15 лунся ВЦИК-лӧн Шуӧм серти. Медводдза номер петіс 1929 вося вӧльгым тӧлысь 7 лунӧ. Сэки сійӧ шусис «Вӧр фронт». Сёрӧнджык газет петіс «Ленинскӧй правда» да «Ленин туйӧд» нимъяс улын.
  • 1991 вося йирым тӧлысьсянь газет петӧ «Парма гор» нимӧн.
  • 80 во чӧжӧн вежсис комын гӧгӧр редактор. Медводдза редакторӧн вӧлі А.А. Донцов, кодӧс недыр мысти бӧрйисны ВПК(б)-са Кулӧмдін райкомын секретарӧн, но сійӧ 1931 вося вӧльгым тӧлысьӧдз на уджаліс редакторӧн.
  • Редакторъясӧн меддыр уджалісны Н.В. Лихачёв, С.И. Безносиков, Николай Трофимович Пунегов, Николай Лютоев да В.А. Кирушев.
  • Ӧні шӧр редакторалӧ Василий ЛодыгинРоссияса Гижысь котырӧ да журналистъяслӧн котыръясӧ пырысь, ӧнія коми сьыланкывлӧн «Василей» гаж-конкурс лӧсьӧдысь, Россияса да Коми ССР-са культураын нимӧдана уджалысь, Коми республикаса Веськӧдлан котырлӧн И.А. Куратов нима премиа босьтысь.
  • Бур журналистъясӧн вӧліны Н.И. Липин, В.В. Оньков, А.И. и М.А. Гановъяс, Виктор Напалков, Г.П. Нестеров, В.В. Уляшев, В.П. Потапов, А.М. Морохин, Н.И. Буткина, И.В. Калистратов, В.Я. Игнатов, Л.И. Лютоева да Эдуард Тимушев.
  • Ӧні зіля уджалӧны шӧр редакторӧс вежысь Н.А. Лютоев, редактор Г.И. Нестерова, корреспондент И.А. Тарабукин.
  • Кулӧмдінса газетлы ёна отсасьӧны сиктса корреспондентъяс. Уна во газетӧ гижисны С.А. Нестеров, И.Д. Напалков, М.Л. Кузнецов, К.П. Паршуков, Л.И. Казаринов, Н.И. Мозымов, В.П. Ульянов, И.А. Тюрнин, И.У. Лопырев, В.И. Уляшев. Ӧні тайӧ нырвизяс водзмӧстчӧны Н.В. Мальцев, З.А. Терентьева, Е.В. Уляшева, О.В. Зелёная, В.И. Шомысов, А.И. Уляшев, В.А. Булышева, Р.М. Липина, Н.И. Расова да мукӧд.
  • Мукӧд воас вӧлі петӧ 6 сюрс газет, ӧні – сӧмын джынйыс. Век жӧ «Парма горлӧн» тиражыс медыджыд став коми газет-журнал пӧвстас.

Ӧтуввез-листбок[вежны | Вежны кодировкаын]

2011 вося ӧшым тӧлысьсянь «Парма горлӧн» эм аслас лист бок ӧтуввезйын: http://парма-гор.рф

Мукӧд удж[вежны | Вежны кодировкаын]

Редакция бердын дыр уджалӧ районса гижысь войтырлӧн «Эжва» котыр, кӧні веськӧдлӧ нималана гижысь В.Г. Лодыгин. Котыр ӧтувтӧ ветымынысь унджык авторӧс. Виктор Напалков, Василий Лодыгин, Александр Ульянов, Александр Лужиков, Вячеслав Бабин, Алёна Ельцова лоины Россияса Гижысь котырӧ пырысьясӧн. Унаӧн дасьтысьӧны на пырны сэтчӧ.

Том гижысьяслы редакция нуӧдӧ семинаръяс, кытчӧ корӧны нималана коми гижысьясӧс. Газет редакция йӧзӧдіс том гижысьяслысь нёль кывбур чукӧр: «Аняби», «Тільгун», «Качай» да «Подув вӧр».

Газеткӧд йитӧд[вежны | Вежны кодировкаын]

Ним – Кулӧмдін районлӧн «Парма гор» газет редакция» асшӧр уджаланін (рочӧн – АУ МО МР «Усть-Куломский» «Редакция газеты «Парма гор»)

Адрес: 168060. Коми Республика, Кулӧмдін сикт, Ленин улича, 9 «а» №-а керка.

Медшӧр редактор – Лодыгин Василий Григорьевич.

Э-пошта – sden2011@yandex.ru

Телепонъяс: медшӧр редактор (882137) 94-5-77; корреспондентъяс, касса 94-5-80 (факс), медшӧр бухгалтер 93-9-34 (факс);

ИНН 1114000824, КПП 111401001

Банкса реквизитъяс: Коми ОСБ №8617 г.Сыктывкар

Р/с 407 038 104 280 441 000 28

К/с 30101810400000000640

БИК 048702640

Ӧшмӧсъяс[вежны | Вежны кодировкаын]