Щукин Николай Александрович

Материал из Wikipedia
Перейти к навигации Перейти к поиску
Щукин Николай Александрович
Чужан лун:

1933-ӧд вося моз 2-ӧд лун(1933-08-02) (85 арӧс)

Чужанін:
Канму:
Мыйся уджыс:

коми гижысь, вуджӧдчысь

Шаблон:Серпасыс абу

Щукин Николай Александрович (1933) — коми гижысь, вуджӧдчысь.

Олан туй[веськӧдны | править код]

Николай Щукин чужӧма Емдін районса Лыаты грездын 1933 воын. Чужан лунсӧ пасйӧ моз тӧлысь 2 лунӧ, но стӧч чужан лунсӧ оз тӧд. Кыдзи ачыс висьталӧ, моз тӧлысь 2 лунӧ сійӧс пыртлӧмаӧсь.[1] 1937 воын семьяыс вуджӧма овны Сыктывкарӧ. Батьыс усьӧма Айму вӧсна Ыджыд тыш дырйи; мамыс ӧтнас быдтӧма кык челядьӧс.[2]

Сизим класс помалӧм бӧрын 1948-сянь 1950 воӧдз велӧдчӧма ремесленнӧй училишӧын. Кык во вӧлі кочегарӧн «Шенкурск» да «Иртыш» паракодъяс вылын, Эжваса судоверфь электростанцияын. Армияын служитӧм бӧрын 1956 восянь 1964 воӧдз вӧлӧма турбинаса машинистӧн Лесокомбинат посёлокса электростанцияын. Машинистӧн уджалігӧн велӧдчӧма рытъя школаын. 1964 восянь уджалӧма Коми гижысь котырын литконсультантӧн.

1964 воын пырӧма велӧдчыны А.М. Горький нима литературнӧй институтӧ. Велӧдчӧма куим курс, сэсся уджысь орӧдчытӧг помалӧма Вылыс партийнӧй школаысь журналистика юкӧн. Корреспонденталӧма да редакторалӧма республикаса радиоын, 1978 восянь уджалӧма «Чушканзі», «Войвыв кодзув» да «Би кинь» журналъясын.

Гижан удж[веськӧдны | править код]

Кывбуръяс гижны Николай Щукин босьтчӧма ремесленнӧй училишӧын велӧдчигӧн на. Медводдза кывбурсӧ йӧзӧдӧма «Войвыв кодзув» журналын 1958 воын. 1965 воын Коми небӧг лэдзанінын петӧма «Ме радейта» медводдза кывбур чукӧрыс.

1991 восянь пырӧ СССР-са гижысь котырӧ.

Гижӧ тшӧтш челядьлы. «Нагай-лэбач», «Зарни сюра кӧр» да «Нёрымӧ дядьӧ» кывбура мойдъяс подулын фольклорысь босьтӧм сюжетъяс. На серти спектакльяс пуктӧма Коми Республикаса вужвойтырлӧн шылада-драма театрын.

2015 воын йӧзӧдӧма «Став олӧм да нелямын лун» автобиографическӧй роман.

Кывбуръяссӧ да висьтъяссӧ вуджӧдӧма роч, мари, удмурт, фин, болгар да мукӧд кыв вылӧ.

Комиӧдӧ роч (С. Есенин, А. Журавлев, А. Коршунов, В. Михайлов, А. Суворов, да мукӧд) да яран поэтъясӧс (П. Явтысый).

Николай Щукин новлӧ кузь еджыд тош. Та вӧсна сійӧс тшӧкыда ӧткодялӧны Лев Толстойкӧд да Кӧдзыд пӧлькӧд.

Небӧгъяс[веськӧдны | править код]

Наградаяс[веськӧдны | править код]

  • Коми Республикаса нимӧдана уджалысь (1999)

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. «Лев Толстой» коми литературы празднует 80-летие
  2. Коми гижысь котыр сайтын Н.А. Щукин йылысь