Доронин Павел Григорьевич

Материал из Wikipedia
Перейти к навигации Перейти к поиску
Доронин Павел Григорьевич
Чужан лун:

1904-ӧд вося тӧвшӧр 25-ӧд лун(1904-01-25)

Чужанін:
Кулан кад:

1967-ӧд вося тӧвшӧр 12-ӧд лун(1967-01-12) (62 арӧс)

Канму:
Мыйся уджыс:

учитель средней школы, гимназии, исследователь, гижысь, поэт

Шаблон:Серпасыс абу

Доронин Павел Григорьевич (19041967) — коми гижысь, критик, фольклор да история туялысь.

Олан туй[веськӧдны | править код]

Павел Доронин чужӧма Вӧлӧгда губерняысь Усть-Сысольск уездса Проньдор грездын 1904-ӧд вося тӧвшӧр тӧлысь 25-ӧд лунӧ. 19151918-ӧд воясӧ велӧдчӧма Гамса кык класса велӧдысьяслӧн школаын. 1921-ӧд воын велӧдчӧма Йӧзкостса велӧдӧмлӧн Усть-Сысольскса институтын, сэсся — Москваса канму университетлӧн история-этнография факультетын. Уджалӧма велӧдысьӧн, Коми небӧг лэдзанінын редакторӧн.

Вуджӧма Айму вӧсна Ыджыд тыш. Война бӧрын уджалӧма Германияын сӧветскӧй комендатураясын. Коми муӧ воӧм бӧрын вӧлӧма СССР-са наукаяс академиялӧн Коми филиалын научнӧй сотрудникӧн. Уджалӧма «Войвыв кодзув» журналын, вӧлӧма СССР-са Литфондлӧн уполномоченнӧйӧн Коми АССР-ын.

Кулӧма 1967 вося тӧвшӧр тӧлысь 12-ӧд лунӧ.

Гижан удж[веськӧдны | править код]

1927-ӧд восянь йӧзӧдлӧма кывбуръяс, 1930-ӧд восянь — висьтъяс, 1935-сянь — литературно-критическӧй гижӧдъяс. 1936-ӧд воын йӧзӧдӧма «Парма сьӧлӧмын» медводдза коми романлысь юкӧнъяссӧ. Павел Доронинӧс шуӧны коми литератураын роман жанрын медводдза гижысьӧн. 1939-ӧд восянь пырӧ СССР-са гижысь котырӧ.

Туялӧма Иван Куратовлысь олӧмсӧ, Коми мулысь история да фольклорсӧ. Павел Доронинӧн чукӧртӧм коми мойдъяссӧ вӧлі йӧзӧдӧма 2004-ӧд воын «Мойд небӧг. Книга сказок» небӧгын.

Небӧгъяс[веськӧдны | править код]

Ошканпасъяс[веськӧдны | править код]

Ӧшмӧсъяс[веськӧдны | править код]

Ыстӧдъяс[веськӧдны | править код]