Куратова Нина Никитична

Босьтӧма Wikipediaысь
Куратова Нина Никитична
Чужан лун:

1930-ӧд вося урасьӧм тӧлысь 17-ӧд лун(1930-02-17)

Чужанін:
Кулан кад:

2022-ӧд вося моз тӧлысь 16-ӧд лун(2022-08-16) (92 арӧс)

Канму:
Мыйся уджыс:

воспитательница, писательница

Ошканпасъяс да премияяс:
заслуженный работник культуры Российской Федерации

Шаблон:Серпасыс абу

Куратова Нина Никитична (комиӧн Микит Нина, 19302021) — коми гижысь, Коми Республика нимйӧза гижысь.

Олан туй[вежны | Вежны кодировкаын]

Нина Куратова чужӧма 1930-ӧд вося урасьӧм тӧлысь 17-ӧд лунӧ Кебра грездын, öнiя Куратов сикт. 1941 воынАйму вӧсна Ыджыд тыш дырйи, кор нывкалы вöлӧма 11 арöс, батьыс пуктӧма юрсö фронт вылын, мамыс кулӧма тшыгъялöмысь. Нинаöс чойясыскöд быдтӧма пöрысь пöчыс. Нывъяслы ичöтдырсянь öти кадö ковмӧма велöдчыны да уджавны колхозын. Нина Куратова 14 арöссянь кутӧма отсасьны Кебраса бать-мамтöм челядьлöн керкаын, уджалӧма войся воспитательöн.

1946 воын Нина Куратова помалӧма школа, 1949 воын – Сыктывкарса педагогика училишӧ. 19491951 воясӧ уджалӧма воспитательöн Серегов сиктын да Ухта карын. 19511956 воясӧ олӧма ГДР-ын, кор сэтчӧ верöссö ыстылӧмаӧсь удж вылö. 19561971 воясӧ уджалӧма воспитательöн Инта, Вӧркута, Сыктывкар каръясын. 1962 воын бöр воöма овны Сыктывкарö. 1971 восянь Коми АССР-са гижысь котырын литконсультант. Олӧма Сыктывкарын.

Кулӧма 2021-ӧд вося моз тӧлысь 16-ӧд лунӧ.[1]

Гижан удж[вежны | Вежны кодировкаын]

Аслас гижан сямсö петкöдлӧма 1964-ӧд воын «Аппассионата» висьтöн. 1968-ӧд воын сьöрсьöн-бöрсьöн петöны гырысьджык гижöдъяс — «Марьюшка» да «Батьяс йылысь висьт».

Нина Куратова — медводза коми нывбаба-гижысь, кодi пырöдчис Ыджыд тыш визьö. Медшöр геройöн сылöн гижöдъясас лоö прöст коми нывбаба да сылöн сьöкыд олöм.

СССР-са гижысь котырӧ пырысь (1978).

Небöгъяс[вежны | Вежны кодировкаын]

Нина Куратовалӧн челядьлы да верстьӧлы петавліс комиӧн и рочӧн 19 небӧг:

Комиӧн[вежны | Вежны кодировкаын]

Роч вылӧ вуджӧдӧмӧн[вежны | Вежны кодировкаын]

Наградаяс[вежны | Вежны кодировкаын]

Ӧшмӧсъяс[вежны | Вежны кодировкаын]

Ыстӧдъяс[вежны | Вежны кодировкаын]

  1. Умерла первая профессиональная коми писательница // «Комиинформ» (2021.08.17-ӧд лун, рочӧн)
  2. Джавршян Г. В Коми вышел в свет третий том сборника произведений Нины Куратовой // «Комиинформ» юӧр сетан агентство (2018.01.17 лун; рочӧн)