Кебра

Куратов Куратово
Му:	Рочму
Статус:	сикт
республика:	Коми республика
район:	Сыктыв район
Медводдза казьтыштӧм:	1586 во
Официал кыв	коми, роч
Олысьяс	322 морт (2009)
Час кытш:	UTC+3+3
Телефон код:	+7 8 2131
Пошта индӧс:	168102
Автомобиль код:	11, 111

Куратов (рочӧн Куратово) – Коми Республикаын Сыктыв районысь Куратов сикт овмӧдчӧминса шӧрсикт. Медваж коми сиктъяс пиысь. Сиктлӧн шӧриныс, Погостыс, пукалӧ Буб юлӧн веськыд бокын, а мукӧд грездыс — Буб юлӧн ӧтар-мӧдарас.

Фольклор

Сиктсаӧс нимтылӧмаӧсь «Кебраса кӧвъя гачьяс».

География

Пукалӧ Буб юлӧн веськыд бокын, Визин юрсиктсянь 32 км сайын.

История

• 1586 — медводдзаысь казьтыштӧма писцӧвӧй небӧгын: «Кибра» погостын вӧлӧма 4 овмӧс, кӧні олісны вичкоын служитысьяс. Погостын вӧлі «Преображения Спасова» пу вичко. Погост гӧгӧр вӧлі уна грезд: «Велпон», «Сурма» (да кык выставка), «Ношуй» («Дандор»), «Мом», «Руч», «Гощур», «Сенега», «Упан», «Микайдырь», «Раквадска», «Шарыб», «Другая Шарыб», «Раска» (и выставка), «Раща», «Ейтула»; кык пӧчинӧк — «Волим», «Ивана Никитина», «займище Дарьинское». Наын артавсис 51 овмӧс, нӧшта 4 керка вӧлі куш. Пасйӧма олысьяслысь овъяссӧ да прӧзвишӧяссӧ; унджыкыслысь овсӧ абу индӧма.
• Кибер вӧлӧсьтӧ вӧлі сідзжӧ пырӧ Чукаыб грезд. Погостсянь неылын, Буб ю вылын, вӧлі Котек ёнмӧдӧм кар, кодӧс вӧлі кыпӧдӧма кӧнкӧ XV нэмлӧн мӧд джынсянь — XVI нэмлӧн медводдза джынйӧдз. Карас вӧлі дзебсьывлӧны матысса грездъясысь олысьясыс вӧрӧглӧн уськӧдчигъясӧн; тані жӧ видзисны оружйӧ. XVI нэм помын эновтӧм кар киссис ковтӧмлун вӧснаыс.
• 1646 — погостын вӧлӧма 2 вичко (содтӧд кыпӧдӧмаӧсь «во имя Рождества Иоанна Предтечи вичко»), 5 овмӧс. Матысса 16 грездын вӧлӧма 73 олан овмӧс.
• 1678 — «Кибр» погостын 1 вичко («Всемилостивого Спаса»). Некымын грезд удитіс ӧтувтчыны погосткӧд. Тані вӧлі 5 вичко овмӧс да 16 кресьтяна овмӧс. Пасйӧма олысьяслысь овъяссӧ.
• Орчча «Руч», «Улпон», «Раквицкая», «Шарыб», «Ягиб», «Раска», «Роща» да «Ентыла» (мукӧдыс кушмисны либӧ ӧтувтчисны) грездъясын, «Митька Егосов» (артмӧма 1666 воын) да «Савинскӧй» починокъясын (артмӧма 1668 воын) вӧлӧма 63 олан овмӧс; индӧма выль овъяс. Кибер вӧлӧсьтысь некымын морт мунісны Сибырӧ (Е.Г. Гилев, Ф.С. Котов да мукӧд) да Вяткаӧ.
• 1707—1719 — чужисны «Носяр» («Носьюр») да «Разская» («Малая Раска») грездъяс, 1747—1784 — «Горей» грезд.
• 1784 — Кибра сиктын 4 овмӧсын олӧ 29 морт, орчча 11 грездын — нӧшта 193 овмӧс, 1134 морт.
• 1859 — «Кибра» («Повоз») грездын 17 овмӧсын олӧ 12 морт. Тані жӧ сулалӧ вичко да сиктса расправа. Орччӧн вӧлі татшӧм грездъяс: «Ентальская» («Ентыла» либӧ «Зиомтыла», коді артмӧма куим грездысь: «Куратчина», «Чой-Йыл» и «Ичет-Зиом-Тыла»), «Носъюр» («Гобовчи», «Сорма», «Костин», «Волим», «Горей»), «Роща», «Малая», «Гарья», «Раски», «Кардыр» (артмӧ куим грездысь: «Карта-Сик», «Семеновичи», «Ждановчи»), «Раквинская», «Щерыбская», «Ягыб», «Раска», «Большая» («Рас-Чой»), «Митигасьевская» («Мом», «Слобода», «Руч», «Улич-Пом», «Пон-Йыл»), «Урнышевская» («Верхний Конец»). Тайӧ грездъясас вӧлі ношта 306 овмӧс.
• 1863 — Кибраын воссис вичкобердса школа. «Начальное образование в Вологодской губернии» небӧгын индӧма школа воссян мӧд кад — 1882 во. 1894—1895 воясӧ босьтчисны кыпӧдны школалы кирпичысь выль керка.
• 1916 — «Спасский» погостын 42 овмӧсын олӧ 190 морт. Вӧлӧсьт улӧ вӧлі пырӧны татшӧм грезд-починокъяс: «Нюл», «Прокопьевское», «Дзюзово», «Большой Руч», «Малый Руч», «Шерпон», «Слобода», «Шучи», «Пон», «Кыкашорское», «Хваловцы», «Утка-видзь», «Савковцы», «Шорил», «Иб-пон», «Раевсик», «Гарское», «Тыдор» да мукӧд. Тайӧ грездъясас 587 овмӧсын олӧ 3218 морт.
• 1918 — казьтыштӧма сідзжӧ татшӧм грездъяс: «Жуэд», «Мельниковцы», «Гуреевцы», «Дал».
• 1926 — «Кибра» (Кебра, Погост) сиктын 57 овмӧсын олӧ 234 морт (100 мужичӧй, 134 нывбаба). Став сиктсӧветас 767 овмӧс, 3630 морт. Сикт улӧ пырӧны грездъяс: «Андреевка», «Бубдор», «Ивановская», «Семушино», «Гутгрезд», «Сизьвидзь», «Шерпон»; да починокъяс: «Попмельницадин», «Растегай», «Рытылвож», «Аньгаусти», «Ил-ю», «Высогор», «Куритчан», «Седняйтбок», «Сорд-ю-модпон», «Улляншор», «Щугром», «Ыджыдшордор».
• 1930 — Кебраын («Кибра») эм бурдӧдчанін, школа, агропункт, коммуна, потребительяслӧн котыр, кредит сетан котыр, госторг агентство, госспирт лавка. Школаяс вӧліны сідзжӧ Ягыбын, Расчойын, Гутгрездын да Ыджыд Энтальын.
• 1939 — сиктын тупкӧма вичко.
• 1940, тӧвшӧр тӧлысь 19 лун — коми литературалы подув пуктысь Иван Куратовалысь 100 вося юбилей пасйигӧн сикт ним вежӧма, «Кебра» пыдди кутіс гижны «Куратов» (рочӧн: Куратово).
• 1956 — унджык починокыс кушмис да бырис. Сэк жӧ чужисны «Лемпуашор» починок, «Якимтуй» грезд.
• 1960-ӧд — «Гуреевка» грезд вӧлі ӧтувтӧма Мельниковчи грездкӧд.
• 1965, кӧч тӧлысь 30 лун — тупкӧма да списокъясысь чышкӧма «Лемпуашор» починок, Дзюзов да Тыдор грездъяс.
• 1966, рака тӧлысь 30 лун — Габовчи да Гориновчи грездъяс ӧтувтчисны Кебра сиктӧд.
• 1966-1967 — тупкӧма да списокъясысь чышкӧма Высогор да Кыкашор грездъяс.
• 1970 — Кебраын олӧ 580 морт, а Кебра сиктсӧветас ставнас — 2847 морт.
• 1974, ӧшым тӧлысь 20 лун — «Медводдза Мом» пырис Слӧбӧда пытшкӧ. Регыд мысти тайӧ жӧ грездыскӧд вӧлі ӧтувтӧма Ичӧт Руч да Шорпом.
• 1976, косму тӧлысь 22 лун — Ыджыд Руч грезд пыртӧма Уличпом грезд пытшкӧ.
• 1974-1976 — тупкӧма да списокъясысь чышкӧма Горей да Ичӧт Энталь грездъяс.
• 1978, рака тӧлысь 28 лун — Слӧбӧда пытшкӧ пырис Гутгрезд; тупкӧма да списокъясысь чышкӧма Якимтуй.
• 1970-ӧд вояс шӧр — Мӧммельничадор грезд пырис Мӧм грездӧ, а Сёрд — Шорйыв грездӧ.
• 1987 — тупкӧма да списокъясысь чышкӧма Дав.
• 1989 — Кебраын олӧ 423 морт (203 мужичӧй, 220 нывбаба), а Кебра сиктсӧветас ставнас — 1769 морт.
• 1992 — Сиктын олӧ 456 морт, Кебра сиктсӧветас — 1790 морт.
• 2000 — Кебраын 156 овмӧс, олӧ 474 морт, сикт администрация улын (25 грездын да ӧти сиктын) — 1540 морт.

Олысь лыд

Олысь лыд
1916	1926	1970	1989	1992	2000	2002	2007
190	234	580	423	456	474		322

Медводдза овъяс

• 1586 — Килменев, Шаньгин, Носко, Ганев (Гонев), Щибан, Кисель, Роптунов.
• 1678 — Горбов, Хлистунов, Лобанов, Бренев, Зебаров, Костромин, Югов, Елохин, Шукчимов, Попов, Корчуков.
• 1668 — Чикарин, Бутаков, Петухов, Соловьёв, Коковкин, Тухрин, Габов, Беляев, Акьянов, Егосов, Горюнов, Кинев, Еркин, Пелмегов, Кулаков, Кузнецов, Гонев, Момотов, Новосёлов, Старцев, Пономарёв, Комаров, Шарин, Малюшев, Сидоров, Дядюрин, Котов, Куликов, Куратов, Чуртошев, Гилев, Суханов, Тоинов, Мулицын, Шомосов, Ляпкосов, Пунегов, Кучев, Князев.

Велӧдӧм

• Кебраса школа

Тӧдчана йӧз

• Куратов Иван Алексеевич (1839–1875) — коми гижысь коми литературалы подув пуктысь, кыв туялысь, вуджӧдчысь.
• Куратова Нина Никитична (1930) — коми гижысь, Коми Республика нимйӧза гижысь (2001).

Тӧдчана эмторъяс

• Иван Куратовалы сиӧм быдвося «Поэзия гаж».
• Иван Куратовалы паметник (сувтӧдӧма 1979 воын).
• «Закар ордын» музей.

Ӧшмӧсъяс

• Атлас Республики Коми. — Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Республика Коми: Энциклопедия. — Сыктывкар, 1997—2000. — Т. 1—3.

Ыстӧдъяс

Кебра сиктувса оланінъяс
Ӧнія оланінъяс: Бубдор • Волим • Выльгрезд • Ждановчи • Заречье • Ивановчи • Картасикт • Кваловчи • Кӧсьтин • Куратов • Мельниковчи • Мом • Помйыв • Прошкинь • Расчой • Савук • Семановчи • Семушин • Слӧбӧда • Сорма • Уличпом • Уткавидз • Шорйыв • Шучи • Ыбпом • Ягыб • Коркӧя оланінъяс: Куратчина • Чоййыв • Габовчи • «Нюл» • Дзюзов • Ыджыд Руч • Ичӧт Руч • Кыкашор • Тыдор • Гуревчи • Дав •