Тимушев Эдуард Алексеевич

Тимушев Эдуард Алексеевич
Чужан лун:	1962-ӧд вося моз тӧлысь 21-ӧд лун(1962-08-21)
Чужанін:	Керчомъя, Кулӧмдін район, Коми Республика, РСФСР, Сӧветскӧй Социалистическӧй Республикаяслӧн Союз
Кулан кад:	2006-ӧд вося ӧшым тӧлысь 4-ӧд лун(2006-12-04) (44 арӧс)
Куланін:	Кулӧмдін, Коми Республика, Рочму
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	поэт, журналист

Тимушев Эдуард Алексеевич (1962–2006) — коми поэт, журналист.

Олан туй

Эдуард Тимушев чужӧма 1962-ӧд вося моз тӧлысь 21-ӧд лунӧ Коми АССР-ын Кулӧмдiн районса Керчомъя сиктын. Мамыс вӧлӧма велӧдысьӧн, батьыс, Тимушев Алексей Степанович — журналистӧн, гижысьӧн. 1979-ӧд воын Немдінса шӧр школа помалӧм бӧрын уджалыштӧма Немдінса совхозын механизаторӧн. 1980—1981-ӧд воясын велӧдчылӧма Сыктывкарса канму университетын, 1980—1981-ӧд воясын служитӧма армияын. Армия бӧрын директоралӧма Нэмдінса культура керкаын (1980—1981), уджалӧма вӧр кылӧдан котырын. 1987—2004-ӧд воясын журналисталӧ, уджалӧ Кулӧмдін районса «Парма гор» газетын. Кулӧма 2006-ӧд вося ӧшым тӧлысь 4-ӧд лунӧ Кулӧмдiнын.

Гижан удж

Кывбуръяссӧ босьтчӧма гижны школаын велӧдчигӧн на. Йӧзӧдчӧма районса да республикаса газетъясын, журналъясын да ӧтувъя сборникъясын. Гижӧдъяслӧн тематикаыс йитчӧма коми сиклӧн олӧмкӧд, чужан мукӧд. Поэзияас медтӧдчана образъяс — гудӧк, пыж да ю.

Гижысьлӧн петіс некымын асшӧр книга: «Ёрта сёрни» (1992), «Крест» (1999), «Видзӧдлас» (2003), Помасьлытӧм муслун (2012 во). Поэтлысь кывбуръяссӧ пыртӧма «Коми челядьлы антология» куим небӧга йӧрышӧ («Анбур» небӧг лэдзанін, 2009, 2010), кодъясӧс дасьтіс гижысь Елена Козлова.

Эдуард Тимушев гижис сідзжӧ басняяс да проза.

1999-ӧд воянь сійӧ — Коми Республикаса Юралысьлӧн стипендиат журналистика юкӧнын. 2004-ӧд восянь — Россияса Гижысь котырӧ.

2006-ӧд воын «Пыж» висьтӧн вермӧма «Эзысь борд» республикаса литературнӧй конкурсын «Проза» нимпасын.

Небӧгъяс

• Ёрта сёрни: басняяс, кывбуръяс. — Сыктывкар, 1992
• Крест: висьт да кывбуръяс — Кулӧмдін, 1999
• Видзӧдлас. — Сыктывкар, 2003
• Помасьлытӧм муслун: [кывбуръяс] / Дасьт. Е.В. Козлова. — Сыктывкар: Изд-во Союза писателей Республики Коми, 2012. — 32 лб.

Ошканпасъяс

• Коми Республикаса Юралысьлӧн Почёта грамота (2006)

Ӧшмӧсъяс

• Кирушев В. Куслытӧм кодзув // Коми му, 2007. Январ 11-ӧд лун; Парма гор, 2007. Август (моз) 21-ӧд лун.
• Бабин В. Сямыс тырмис, да сьыланкыв панiс: август 21 лунӧ Эдуард Алексеевич Тимушевлы эськӧ тырис 45 арӧс: казьтылӧмъяс, письмӧасьӧм // Войвыв кодзув, 2007. — 8 №. — Л.б. 45—55.
• Малева А. Эдуард Алексеевич Тимушев // Писатели Коми: биобиблиографический словарь: в 2 т. — Сыктывкар, 2022. — Т. 2 : М — Я. — С. 576—581.
• Коми Республикаса Вужвойтырлӧн небӧгаин
• Э.А. Тимушев гижӧдъяс йылысь wiki.komikyv.ru сайтын