Козлова Елена Васильевна

Материал из Wikipedia
Перейти к навигации Перейти к поиску
Козлова Елена Васильевна
Чужан лун:

1954-ӧд вося урасьӧм тӧлысь 14-ӧд лун(1954-02-14) (68 арӧс)

Чужанін:
Мыйся уджыс:

писательница

Шаблон:Серпасыс абу

Козлова Елена Васильевна (19542021) — челядьдлы коми гижысь. Нывдырся овыс Ветошкина.

Олан туй[веськӧдны | править код]

Елена Козлова чужӧма 1954-ӧд вося урасьӧм тӧлысь 14-ӧд лунӧ Емдін районса Лыаты грездын. Помалӧма Коми канмуса педагогика институтысь филология факультет (1976). Сосногорск районын 19761978-ӧд воясын уджавлӧма школаын роч литература велӧдысьӧн да челядь садйын кага видзысьӧн. 19781982-ӧд воясӧ уджалӧма СССР-са Наукаяс академияысь Коми филиаллӧн (ӧні — Коми наука шӧрин) Кыв, литература да история институтын старшӧй лаборантӧн. Ветлӧма некымын экспедицияӧ чукӧртны фольклор, йӧзӧдӧма нимкывъяс йылысь туясян удж.

1982-ӧд восянь Е.В. Козлова уджалӧма Коми гижысь котырын литературнӧй консультантӧн, 19921995-ӧд воясӧ — Коми Республикаса гижысь котырын правленньӧса веськӧдлысьӧс вежысьӧн. 19952021-ӧд воясӧ Елена Васильевна веськӧдлӧма Коми гижысь котырӧн.

Кулӧма 2021-ӧд вося ӧшым тӧлысь 29-ӧд лунӧ коронавирусысь Сыктывкарын.[1].

Гижӧдъяс[веськӧдны | править код]

Литератураӧ Елена Ветошкина (Козлова) пырӧдчӧма 1970-ӧд вояс помын. Медводдза кывбуръясыс («Ош. Кӧч») петӧмаӧсь «Войвыв кодзув» журналын 1978-ӧд воын.

1988-ӧд воын сылӧн петӧма челядьлы медводдза небӧг — «Лӧз клянича», кӧні восьтӧма Аннуш нима нывкалысь олӧмсӧ. Гижӧдыс вӧлі йӧзӧдӧма комиӧн и рочӧн. Сэксянь петӧма уна небӧг: «Лӧз клянича» (1988), «Ме да Ивук вокӧй» (1992), «Лым морт» (1997), «Гӧгыля-вугыля» (2002), «Шундыр» (2007), «Сямтӧм зонка» (2013, да с.в.

Е.В. Козловалӧн повесьт-висьтъяссӧ пыртӧма 1-3 класса школаса лыддьысян учебникъясӧ.

Елена Козловалысь висьтъяссӧ вуджӧдӧма роч, удмурт, мари, мордва, башкыр кывъяс вылӧ.

Гижӧ медсясӧ посни челядьлы. Гижӧма татшӧм пьесаяс, кыдзи «Августын» (1988), «Вӧрса коз дорын» (1986) и «Туй дор бадь» (2014).

1991-ӧд восянь пырӧ СССР-са да Коми гижысь котыръясӧ.

Россияса литература сӧвмӧдӧмӧ уна вося пай пуктӧмысь 2019-ӧд воын сылы сетӧма Д. Н. Мамин-Сибиряк нима ставроссияса литературнӧй премия, зарни медаль да сьӧм.

Йӧзкотырса удж[веськӧдны | править код]

Е.В. Козлова — Россияса гижысь котыр правленньӧӧ пырысь, секретар 1996), Фин-йӧгра гижысьяслӧн войтыркостса ассоциацияын веськӧдлысьӧс вежысь (1996).

Небӧгъяс[веськӧдны | править код]

Комиӧн[веськӧдны | править код]

Вуджӧдчӧмъяс[веськӧдны | править код]

  • Клейн А.С. Волшебный Камень и Книга Белой Совы: повесть-сказка по мотивам коми фольклора = Олӧм Из да Вежӧркуд Небӧг: коми фольклор подув вылын лӧсьӧдӧм мойд-повесьт / Пер. с рус. Е.В. Козловой, худож. В.А. Клейман. — Сыктывкар: Коми кн. изд-во, 2005. — 144 с.

Редактируйтӧм небӧгъяс[веськӧдны | править код]

Наградаяс[веськӧдны | править код]

  • Коми Республикаса нимӧдана уджалысь (2001)
  • Россияса культураын нимӧдана уджалысь (2010) — культура сӧвмӧдӧмысь да уна вося бур уджысь
  • И. А. Куратов нима Коми Республикаса Веськӧдлан котырлсь премия босьтысь (2011) — «Коми челядь литература антология» дасьтӧмысь
  • «Коми Республикалы 95 во» медаль (2016)[2]
  • Д. Н. Мамин-Сибиряк нима ставроссияса литературнӧй премия (2019)[3]
  • «Культураын вермӧмъясысь» морӧсвывса пас (Россия)
  • «Коми Республикалы 100 во» медаль (2021)

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. Ушла из жизни председатель Союза писателей Коми Елена Козлова // «Комиинформ» юӧр сетан агентство (2021.12.29-ӧд лун; рочӧн)
  2. Джавршян Г. Государственные награды и знаки отличия жителям республики вручил глава Коми Сергей Гапликов // «Комиинформ» юӧр сетан агентство (2016.12.22 лун; рочӧн)
  3. С.Я. Маршак нима Коми Республикаса Вужвойтырлӧн челядьлы небӧгаин (2019.11.08; рочӧн) — Россияса унасикаса литература сӧвмӧдӧмӧ уна вося пай пуктӧмысь.