Обрезкова Нина Александровна

Материал из Wikipedia
Перейти к навигации Перейти к поиску
Обрезкова Нина Александровна
Портрет
Чужан лун:

1965-ӧд вося рака 11-ӧд лун(1965-03-11) (54 арӧс)

Чужанін:
Канму:
Мыйся уджыс:

поэтесса, журналистка, драматург, писательница

Обрезкова Нина Александровна – коми кывбуралысь

Обрезкова Нина Александровна (1965) — коми гижысь.

Олан туй[веськӧдны | править код]

Нина Обрезкова чужис 1965 вося рака тӧлысь 11 лунӧ Коми АССР-ын Удора районса Кослан сиктын. Велӧдчис Слӧбӧдаса 8 класса да Косланса шӧр школаясын. 1982 восянь велӧдчис строкоотливнӧй машинаяслӧн наборщикӧ 29 №-а ПТУ-ын. 1989 воын помаліс Сыктывкарса канму университетысь филология факультетса коми юкӧн. Университет помалӧм бӧрын уджаліс Коми наука шӧринса Кыв, литература да история институтын кыв юкӧдын лаборантӧн. 1993 восянь веськӧдліс Фольклор театрлӧн литература юкӧнӧн. 1998 вося йирым тӧлысьсянь вӧлі Сыктывкарса вӧр институтын пресс-секретарӧн.

Уджавліс корреспондентӧн «Коми му» газетын да «Коми гор» радиоын, «Арт» журналын литературнӧй редакторӧн. Велӧдліс школаын роч кыв да литература, Сыктывкарса канму университетлӧн фин-йӧгра факультетын коми фольклор да литература кафедраын.

Гижан удж[веськӧдны | править код]

«Ӧткалун» нима медводдза кывбурсӧ йӧзӧдіс 1985 воын Войвыв кодзув журналын, кӧні сэсся унаысь на петавлісны кывбуръяс да пьесаяс. Кывбуръясыс петавлісны и мукӧд ӧтувъя сборникын да журналын.

Прозаа гижӧдъясыс йӧзӧдӧма «Войвыв кодзув» да «Арт» журналъясын. 2007 воын В.Савин нима драма театр пуктіс Н. Обрезковалӧн «Асъя гӧстья» пьеса серти спектакль.

2013 воын Нина Обрезковалӧн петіс челядьлы медводдза небӧг — «Петук Васьӧ». Сэні висьталӧма Васьӧ нима зонка йылысь, коді ёна радейтліс вильшасьны да дзерӧдны ичӧтджык чой-воксӧ, но петуккӧд паныдасьлӧм бӧрын лоис шаньӧн.

Кывбуръяссӧ вӧлі вуджӧдӧма роч, фин, венгер, эст, удмурт, мордва, англичан, болгар да мукӧд кыв вылӧ. 2012 воын Нина Обрезковалысь уна кывбур вӧлі йӧзӧдӧма беларус кыв вылын «Лiтаратура i мастацтва» литературнӧй газетын. Вуджӧдіс Татьяна Сивец.[1]

2015 воын Нина Обрезкова аслас 50-ӧд чужан лун кежлас йӧзӧдіс «Коркӧ локтан гортад» кывбур чукӧр. Сэтчӧ пырис авторлӧн ӧти коми кывбур, кодӧс вуджӧдӧма 14 кыв вылӧ: англия, беларус, венгер, вепс (вуджӧдіс Николай Абрамов), перымса коми, манси (Светлана Динисламова), мари (Альбертина Иванова), мокша, эрзя (Дмитрий Таганов), роч (Нелли Бибяева), удмурт, фин, прансуз (Себастьян Каньоли) да эст кывъяс вылӧ.[2]

Нина Обрезкова ачыс сідзжӧ вуджӧдчӧ. Комиӧдліс эст поэтъяс Марие Ундер да Хандо Руннельлысь кывбуръяссӧ, керӧсвывса мари поэтъяс Валери Микор да В. Самойловлысь гижӧдъяссӧ, удмурт кывбурчи Муш Надилысь да Екатерина Макаровалысь, да мукӧдлысь.

Н.А. Обрезкова пырӧ Коми Республикаса Гижысь котырӧ.[3]

Небӧгъяс[веськӧдны | править код]

Наградаяс[веськӧдны | править код]

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. Стихи коми поэта Нины Обрезковой — теперь и на белорусском языке // Россияса Фин-йӧгра культура шӧринлӧн сайт (16.01.2013) (рочӧн)
  2. Нина Обрезкова выпустила книгу переводов своего стихотворения на 14 языков мира // Фин-йӧгра культура шӧринлӧн сайт
  3. «Коми Республикаса гижысь котырлӧн» сайт
  4. Сенатору вручена высокая государственная награда Правительства Венгрии // Рочмуса Федеральнӧй собранньӧлӧн Фежерация сӧвет сайт (2018.06.01 лун; рочӧн)