Образцов Пантелеймон Александрович

Материал из Wikipedia
Перейти к навигации Перейти к поиску
Образцов Пантелеймон Александрович
Чужан лун:

1909-ӧд вося рака 16-ӧд лун(1909-03-16)

Чужанін:
Кулан кад:

1984-ӧд вося тӧвшӧр 19-ӧд лун(1984-01-19) (74 арӧс)

Канму:
Мыйся уджыс:

музыкант, поэт

Шаблон:Серпасыс абу

Образцов Пантелеймон Александрович (19091984) — рочӧн гижысь коми поэт.

Олан туй[веськӧдны | править код]

Пантелеймон Образцов чужис Вӧлӧгда губерняысь Яренск уездса Гамын (ӧні — Коми Республикаын Емдін районса Гам сикт) 1909 вося рака тӧлысь 16-ӧд лунӧ.

Сылӧн бать-мамыс вӧліны велӧдысьясӧн. Батьыс веськӧдліс школаса хорӧн. Мӧд тшупӧда Емдінса школа помалӧм бӧрын П. Образцов пырис велӧдчыны Вӧлӧгдаса шылад училишӧӧ. Сэсся вуджӧдчис Москваса консерваториа бердын училишӧӧ, велӧдчис ворсны скрипкаӧн. Образцовлӧн медшӧр профессиаыс — шылад велӧдысь. 1936 восянь Айму вӧсна Ыджыд тышӧдз уджаліс Москваын челядьлы шылад школаясын. Сэсся вуджис Сыктывкарӧ, велӧдіс шылад школаын, коді сёрӧнджык кутіс шусьыны Сыктывкарса шылад училишӧӧн, сэсся вуджис уджавны Педагогика училишӧӧ.

Куліс 1984 вося тӧвшӧр тӧлысь 19-ӧд лунӧ.

Гижан удж[веськӧдны | править код]

Пантелеймон Образцов ёнджыкасӧ тӧдса кыдзи поэт, коді гижӧ ичӧт челядьлы. Сійӧ водз босьтчис гижны. Челядь дырся кывбуръясыс петавлісны школаса газетын. 1942 воын на йылысь тӧдмалісны унджыкӧн — найӧс йӧзӧдіс «За новый Север» республикаса газета (ӧні — «Красное знамя». 1948 восянь кывбуръясыс кутісны петны «Войвыв кодзув» журналын (комиӧдліс И.М. Вавилин), СССР-са мукӧд журналын.

1945 воын челядьлы медбур художествоа небӧг серти Ставсоюзса конкурс вылын Образцовлысь кывбур чукӧрсӧ вӧлі донъялӧма торъя премиаӧн. Сэки сылӧн кывбуръясыс кажитчисны нималана челядь гижысьяслы: Самуил Маршаклы да Корней Чуковскийлы. Маршак весиг гижис Коми небӧг лэдзанінӧн веськӧдлысьлы да шуис Образцовӧс енбиа гижысьӧн. 1950 воын петіс сылӧн медводдза кывбур чукӧр — «Весна». Сэксянь гижысьлӧн петавліс 20 сайӧ небӧг, а на пиысь ӧти — весиг Москваса «Малыш» небӧг лэдзанінын.

П.А. Обрезцов гижис сідзжӧ проза. Челядьлы петавліс «О чем верещали сороки» небӧг (1982), кытчӧ вӧлі пыртӧма висьтъяс да мойдъяс.

1957 восяньСССР-са гижысь котырӧ пырысь.

Небӧгъяс[веськӧдны | править код]

Ӧшмӧсъяс[веськӧдны | править код]

  • О птицах, зверушках … детках, игрушках... (Библиографическая памятка для детей к 100-летию со дня рождения Пантелеймона Образцова). — Сыктывкар: НДБРК им. С.Я. Маршака, 2009. — 7 с.
  • Рочев Ю.Г. Пантелеймон Александрович Обрезцов // Энциклопедический словарь школьника: коми литература / Сост. В.Н. Дёмин, В.Н. Головина. — Сыктывкар, 1995. — С. 202—204.
  • Рочев Ю.Г. Пантелеймон Александрович Обрезцов // Писатели Коми: биобиблиографический словарь: в 2-х т. Т. 2. — Сыктывкар, 2001. — С. 83—89.
  • Рочев Ю.Г. Пантелеймон Александрович Обрезцов // Литература Коми: словарь школьника / Сост. В.Н. Головина, В.А. Лимерова. — Сыктывкар, 2007. — С. 177—179.

Ыстӧдъяс[веськӧдны | править код]

  1. 1,0 1,1 1,2 1,3 http://allforchildren.ru/poetry/author185-pobrazcov.php