Яренск уезд

Яренск уезд – Россияса империяын XVII нэмын лӧсьӧдӧм уезд, кытчӧ вӧлі пырӧны коми сикт-грездъяс.

Шӧриныс – Яренск кар. Уездӧ вӧлі пырӧны татшӧм вӧлӧсьт-муяс: Эжваса (Вычегодская), Емваса (Вымская), Сыктыв (Сысольский); вӧлӧсьтъяс – Удора (Удорская), Слӧбӧда (Глотова Слободка), Ужга (Ужговская / Ужгинская), Эжвайывса (Верхневычегодский).

Уездлӧн ыдждаыс 1678 воын: 155319 км². Олысь лыд: 20 сюрс гӧгӧр морт. Плотносьт: 0,13 морт 1 км².

1780 воын Яренск уезд юкӧма кык уезд вылӧ: Усть-Сысольск уезд (шӧриныс – Усть-Сысольск) да Яренск уезд, кытчӧ пырисны Эжва ю бокса коми сиктъяс (Паль сиктӧдз), Емваса ю вывса сиктъяс да Удораса вӧлӧсьт Слӧбӧдакӧд. Тайӧ границаясыс эз вежсьыны Коми (Зыряна) асвеськӧдлан обласьт лӧсьӧдтӧдз.

1708 восянь Яренск уезд вӧлі пырӧ Сибыр губерняӧ, 1719 восянь Яренск дистрик ним улын — Кардор губерняӧ, 1796 восянь — Вӧлӧгда губернияӧ, 1918 восянь — Войвыв Двина губерняӧ. 1921 воын уезд юкӧн пырис Коми (Зыряна) асвеськӧдлан обласьтӧ. А 1924 воын уезд дзикӧдз бырӧдӧма.

Ӧшмӧсъяс

Мацук М.А. Яренский уезд // Республика Коми: Энциклопедия: в 3-х т. – Сыктывкар: Коми кн. изд-во, 2000. – Т. 3. – С. 354.