Мишарин
Мишарин — коми йöз пöвстын тшöкыда паныдасьлысь ов.
Тайӧ овыс паськыда тöдса Эжва катыдын — Кулӧмдiн да Кӧрткерӧс районъясын.
Кыдзи гижö коми овъяс туялысь Плесовский Ф.В. "Комиын овъяс" небӧгын, медводдза Мишаринъяс вöлöмаöсь Висер погостса Ыджыдвидз (Кӧрткерӧс район) грездын. Сэнi олöмаöсь куим вок: «Сидорко Федоров сын Мишарин, Терешка Федоров сын Мишарин». Сылöн пиыс – Епифанко – гöтырыскöд мунöма Сибырö. Коймöд вокыс — «Васька Федоров сын Мишурин» Аврамко да Федко пияныскöд мунöма выль погостö – Кулӧмдiнö.
1720 воын Мишаринъяслöн Ыджыдвиддзын вöлöма куим овмöс, Кулӧмдiнын — кöкъямыс, Важкурьяын – куим.
Роч йöз пöвстын Мишарин важ овъяс лыдас абу, эм Мишурин: «Мишурин Василий Михайлович Обрюта, дворцовый дьяк» (1530-1550 вояс); «Семен Обрютин Мишурин, XVI-öд нэм шöр» («Ономастикон»).
Ф.В. Плесовский чайтö, мый Эжва катыдса Мишаринъяс — «мишура» кывсянь (Кулöмдiнö мунысь Мишаринсö Йöзöс гижалан небöгын пасйöма Мишуринöн). «Мишура»-ыс — эзысь да зарни сунисъясöн мичмöдöм новланторъяс; «мишурникыс» — мича паськöм вöснаыс вылö пуксьысь морт.
Нималана йöз[веськӧдны | править код]
- Мишарин Алексей Иванович (1903—1977) — Социалистическӧй уджвывса Герой, хирург.
- Мишарина Нина Петровна (чужис 1931) — Коми АССР-са нимӧдана велöдысь.
- Мишарина Александра Петровна (1946—2013) — коми гижысь.
- Мишарин Алексей Васильевич (1949) — коми гижысь.
- Мишарин Александр Николаевич (чужис 1939) — роч драматург да сценарист.
- Мишарин Александр Сергеевич (чужис1959) — роч политик, Свердловск обласьтӧн веськӧдлысь.
Ӧшмӧсъяс[веськӧдны | править код]
- Плесовский Ф.В. Комиын овъяс / Сост. И.Л. Жеребцов. — Сыктывкар, 1997. — 141 с.
