Мишарин Алексей Васильевич

Мишарин Алексей Васильевич
	Мишарин Алексей Васильевич
Чужан лун:	1949-ӧд вося косму тӧлысь 5-ӧд лун (77 арӧс)
Чужанін:	Шойнаты, Кöрткерöс район, Коми Республика, РСФСР, Сӧветскӧй Социалистическӧй Республикаяслӧн Союз;
Канму:	Сӧветскӧй Социалистическӧй Республикаяслӧн Союз; Рочму;
Мыйся уджыс:	гижысь, инженер, менеджер, школаын велӧдысь, директор

Шаблон:Серпасыс абу

Мишарин Алексей Васильевич (1949) — коми гижысь, романист.

Олан туй

Алексей Мишарин чужӧма 1949-ӧд вося косму тӧлысь 5-ӧд лунӧ Кӧрткерӧс районса Шойнаты сиктын. Шойнатыса шӧр школаын помалӧма 8 класс. 1965—1969 воясӧ велӧдчӧма Сыктывкарса видз-му техникумын. 1969-ӧд восянь уджалӧма механикӧн «Вишера» совхозын. Служитӧма армияын. Служба бӧрын совхозын вӧлі бригадир-механикӧн, Шӧр юкӧнса веськӧдлысьӧн, инженерӧн.

Сизим во Висерса шӧр школаын нуӧдӧма удж урокъяс. Школаын уджалігӧн 1980 воын помалӧма Ленинградса лесотехническӧй академия. 1983 восянь дас воысь дырджык веськӧдлӧма «СССР-лы 50 во нима» совхозӧн, директоралӧма «Нившера» совхозын да «Зеленеч» канмуса унитарнӧй овмӧсын.

2002—2011 воясӧ, пенсия вылӧ петтӧдз, уджалӧма Коми Республикаса видз-му овмӧс да сёян-юан министерстволӧн Сыктывдінса видз-му овмӧс да сёян управлениеын.^[2]

Гижан удж

Алексей Мишарин гижны босьтчӧма квайтӧд классын. Кыдзи ачыс шуӧ: «Гижи чужан коми кыв вылын аслым да рӧдвужлы. Ёнджыкасӧ серамбанаӧс, медым гажӧдыштны матыссаясӧс» ^[3]. Медводдза кывбурыс петӧма «Войвыв кодзув» журналын 1967 воын. Сідзжӧ йӧзӧдчылӧма районса да республикаса газетъясын, «Би кинь» да «Чушканзі» журналъясын.

А.В. Мишарин гижӧ романъяс, а сідзжӧ челядьлы висьтъяс да кывбуръяс. 2013 воын йӧзӧдӧма «Чепелышъяс» повесьт. Петавлӧма некымын небӧг: «Зеп тыр коль» (1984), «Шоныд зэр» (1986), «Ид тусь» (2012) да «Кор лэбзьӧ коляоз» (2016).

Романъяс: «Из вылӧ из» (2019), «Бурасьтӧм ловъяс» (2024).

«Кор лэбзьӧ коляоз» небӧгӧ пыртӧма куим повесьт «Кор коляоз лэбзьӧ», «Вильыд ордым» да «Шудсӧ быдӧн ас ногыс кылӧ» — аслыспӧлӧс художественнӧй триптих, кӧні шӧр геройясӧн лоӧны кык сиктса зонка — Данил Марков да Вася Моторин. Вӧр-ва дорӧ муслун, быдтор тӧдны кӧсйӧм вайӧді найӧс Шудӧгӧ — вӧвлӧм спецпоселениеӧ. Киссьӧ баракысь найӧ аддзӧны «Робинзон Крузо» важ небӧг да сы пытшкысь мӧдӧдлытӧм письмӧ, мый гижлӧма 1944 воын ичӧтик детинка Даниел Шмидт аслас Ваня ёртыслы. Зонкаяс кутасны туясьны — корсьны Даниеллысь туйпомсӧ.

2013 воын Алексей Мишарин лоӧма вермысьӧн «Эзысь борд» республикаса литературнӧй конкурсын, мый лӧсьӧдіс Коми Республикаса каналан сӧвет, «Проза» нимпасын.^[4]

2014 восянь пырӧ Россияса гижысь котырӧ.^[5]

Небӧгъяс

Комиӧн

Мишарин А. В. Зеп тыр коль: поснияслы кывбуръяс. — Сыктывкар, 1984. — 32 л.б.
Мишарин А. В. Шоныд зэр: кывбуръяс. — Сыктывкар, 1986. — 24 л.б.
Мишарин А. В. Ид тусь: Кывбуръяс, висьтъяс / Ред. А. В. Попов; Серпасаліс И. А. Авилова. — Сыктывкар: «Коми му» газет редакция КР-са АУ, 2012. — 64 л.б.
Мишарин А. В. Кармылькын гожӧм: повесьт. — Сыктывкар: ООО «Анбур», 2013. — 144 л. б.
Мишарин А. В. Кор лэбзьӧ коляоз: Повесьтъяс. — Сыктывкар: ООО «Анбур», 2016. — 272 л.б.

Роч кыв вылӧ вуджӧдӧмӧн

Мишарин А.В. Проказники: Повести / Пер. П.Р. Черкашина; [худ. А.П. Гордеева]. — Сыктывкар: ООО «Анбур», 2019. — 152 с.

Наградаяс

Уджвывса ветеран.
Коми Республикаса нимӧдана уджалысь.
Почёт орден.

Ӧшмӧсъяс

«Войвыв кодзув», 2013. — 2 №. — Л.б. 6.
Коми гижысь котырын А.В. Мишарин йылысь

Ыстӧдъяс

[_ff55671b7b04445c-1] ttp://soyuz-pisateley.komi-nao.ru/persona/misharin-aleksei-vasilevich

[2] Коми гижысь котырын А.В. Мишарин йылысь

[3] «Войвыв кодзув», 2013. — 2 №. — Л.б. 6.

[4] Победителями «Эзысь борд» стали пять коми литераторов // «Финугор» сайт (24.12.2013, рочӧн)

[5] «Комиинформ» сайт (2015.01.23; рочӧн)

[1]

[2]

[3]

[4]

[5]