Мишарин Алексей Иванович

Мишарин Алексей Иванович
	Мишарин Алексей Иванович
Чужан лун:	1903-ӧд вося рака тӧлысь 16-ӧд лун
Чужанін:	Ыджыдвидз, Кöрткерöс район, Коми Республика, РСФСР[d]; Усть-Сысольск уезд, Вӧлӧгда губерния, Россияса империя[d];
Кулан кад:	1977-ӧд вося моз тӧлысь 18-ӧд лун (74 арӧс)
Куланін:	Сыктывкар, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз;
Канму:	Сӧветскӧй Социалистическӧй Республикаяслӧн Союз;
Мыйся уджыс:	хирург
Ошканпасъяс да премияяс:

Мишарин Алексей Иванович (1903—1977) — хирург, Социалистическӧй Уджвывса Герой, Коми АССР-са да РСФСР-са нимӧдана бурдӧдысь.

Олан туй

Алексей Мишарин чужӧма 1903 вося рака тӧлысь 16-ӧд лунӧ Вӧлӧгда губерняысь Усть-Сысольск уездса Ыджыдвиддзын (ӧні — Коми Республикаын Кӧрткерӧс районса Ыджыдвидз сикт). Семьяас кӧкъямыс воксьыс вӧлӧма медічӧтӧн. Сылӧн рӧдвуж Ефим Мишарин, коді веськӧдлӧма медводз сёян-юан чукӧртӧм вӧсна органӧн, а сэсся Коми обласьтса Исполкомӧн, отсалӧма воӧдчыны Алексейлы Югдінӧ да пырны велӧдчыны рабфакӧ.

1922 воын пырӧма велӧдчыны Москва канмуса университетлӧн медицина факультетӧ. Велӧдчӧма Москваын ординатураын. 1932 восянь уджалӧма Сыктывкарын хирургӧн, 1934 восянь — хирургия юкӧнӧн веськӧдлысь. Сійӧс шуӧны Коми муын хирургия служба панысьӧн.

1941-ӧд вося сора тӧлысьӧ Сыктывкарса военкомат босьтӧма сійӧс Гӧрд армияӧ. Айму вӧсна Ыджыд тыш кадӧ вӧлӧма войнаса госпитальясын хирургӧн. Медицина службаса майор. 1946-ӧд восянь 1967-ӧд воӧдз веськӧдлӧма республикаса бурдӧдчанінын хирургия юкӧнӧн.

Алексей Иванович ёна ветлӧдлӧма Коми сикт-грездъясті, отсалӧма том хирургъяслы, ачыс вӧчӧма уна сьӧкыд операция.

Дзоньвидзалун видзан служба котыртӧмӧ ыджыд пай пуктӧмысь да асшӧр ыджыд пайысь 1966 воын А.И. Мишаринлы сетӧма «Социалистическӧй Уджвывса Герой» ним.

Алексей Иванович Мишаринӧс бурдӧдысьяс пиысь медводдзаӧн пыртӧма Коми АССР-са Удж Слава небӧгӧ.

[1]Сивкова А. Ясный след на глубоком снегу // Книга Памяти Республики Коми. — Сыктывкар, 1997. — Т.5. — С.863.
[2] Мишарин Алексей Иванович // Книга Памяти Республики Коми. — Сыктывкар, 2004. — Т.10. — С.606.