Мишарина Александра Петровна
| Мишарина Александра Петровна | |
| Чужан лун: |
1946-ӧд вося ӧшым 19-ӧд лун[1] |
|---|---|
| Чужанін: | |
| Кулан кад: |
2013-ӧд вося сора 18-ӧд лун[2][3] (66 арӧс) |
| Канму: | |
| Мыйся уджыс: | |
Мишарина Александра Петровна (комиӧн — Петыр Саньӧ, 1946—2013) — коми гижысь.
Олан туй[веськӧдны | править код]
- 1946, ӧшым тӧлысь 19 лун — чужис Кӧрткерӧс районса Ыджыдвидз сиктын.
- 1968 — помаліс педагогическӧй училище (ӧні — И. А. Куратов нима Сыктывкарса гуманитарно-педагогическӧй колледж).
- 1968—1974 — квайт во чӧж велӧдіс чужан сиктас.
- 1970—1972 — велӧдчис Москваын М. Горький нима Литературнӧй институтын, сэсся — Сыктывкарса канму университетын.
- уджаліс «Войвыв кодзув» журналын.
- 2006 — муніс Сыктывкарысь да овмӧдчис чужан Ыджыдвидз сиктас.
- 2013, сора тӧлысь 18 лун — Кувсис Ыджыдвиддзын, гуалӧма сиктса шойна вылас.
Гижан удж[веськӧдны | править код]
Петыр Саньӧ медводдза кывбуръяссӧ йӧзӧдіс «Войвыв кодзув» журналын 1966 воын.
1977 воын «Куим сьыланкыв» ӧтувъя сборникӧ пырис и сылӧн медводдза «Тэ менам — кок ув му» кывбур чукӧр. Сёрӧнджык вӧлі йӧзӧдӧма «Войвывса дзоридз» (1980), «Коми муӧй, сьӧлӧмшӧрӧй» (1981), «Быдмам войвылын» (1987), «Рытъя сёрни» (1991), «Сьӧлöм дой» (1996) кывбур чукӧръяс.
Татшӧм кывбуръясын кыдзи «Эмӧсь кодзувъяс», «Менам велӧдысьлы», «Медся мича, медся авъя» петкӧдлӧма чужан мулӧн мич да матысса дорӧ шаньлун. Ас гижӧдъясын поэт висьталӧ муслун йылысь, коді и дойдӧ и радлӧ.
Петыр Саньӧ гижӧ сідзжӧ челядьлы: «Машалы козин» небӧг (2001).
Мишариналӧн кывбуръясыс вӧлі вуджӧдӧма роч, венгер, финн, эст, украина, поляк, немеч да мукӧд финн-йӧгра кывъяс вылӧ.
Уна кывбур вылӧ лӧсьӧдӧма сьыланкыв: «Сувтны эськӧ пелысьӧн», «Август тӧлысь», «Некод оз веж тэнсьыд муслунтӧ, мамӧ ...» да мукӧд.
Александра Мишарина — Россияса гижысь котырӧ пырысь (1990).
Небӧгъяс[веськӧдны | править код]
Гижысь йӧзӧдіс 9 небӧг: [5]
Комиӧн[веськӧдны | править код]
- Куим сьыланкыв: кывбуръяс / В.Е. Напалков, А.В. Некрасов. — Сыктывкар: Коми кн. изд-во, 1977. — 160 л.б.
- Тэ менам - кок ув му: [кывбуръяс]. — [Сыктывкар], [1977?]. — 45 л.б.
- Войвыв дзоридз: кывбуръяс / Серпасалiс В.Б. Осипов. — Сыктывкар: Коми кн. изд-во, 1980. — 112 л.б.
- Коми муӧй, сьӧлӧмшöрӧй: кывбуръяс / Ред. В.А. Попов; Серпасалic В.С. Порохоня. — Сыктывкар: Коми кн. изд-во, 1981. — 32 л.б.
- Быдмам войвылын: кывбуръяс / Серпасалiс В.И. Осипов. — Сыктывкар: Коми кн. изд-во, 1987. — 30 л.б.
- Рытья сёрни: кывбуръяс / Серпасалiс Г.Н. Шарипков. — Сыктывкар: Коми кн. изд-во, 1991. — 112 л.б.
- Сьӧлӧм дой: кывбурьяс, нюмсеръяс / Ред. А.В. Тентюков; Серпасалiс Г.Н. Шарипков. — Сыктывкар: Коми кн. изд-во, 1996. — 144 л.б.
- Машалы козин: кывбуръяс, мойдкыв / Ред. А.В. Тентюков; Серпасалiс В.Б. Осипов. — Сыктывкар: Коми кн. изд-во, 2001. — 144 л.б.
- Шань сьӧлӧмӧн сьыла: бӧрйӧм гижӧдъяс / Ред. П.И. Симпелев. — Сыктывкар: Коми небӧг лэдзанін, 2005. — 304 л.б. («Звёзды Севера» серия).
- Чужанінын, гортын: Кывбуръяс / Ред. П.И. Симпелев; Худ. Г.Н. Шарипков. — Сыктывкар: ООО «Анбур», 2013. — 192 л.б.