Некрасов Александр Васильевич
Некрасов Александр Васильевич (А. Позяломов, 1952—2016) — коми гижысь, вуджӧдчысь, журналист.
Олан туй
[вежны | Вежны кодировкаын]Александр Некрасов чужӧма 1952-ӧд вося вӧльгым тӧлысь 4-ӧд лунӧ Коми АССР-ын Сыктывдін районса Паль сиктын. Быдмӧма Позялӧм посёлокын.
1968 воын помалӧма 8 класс 12-ӧд №-а сыктывкарса школаын да пырӧма велӧдчыны 15-ӧд №-а ГПТУ-ӧ «Электромонтажник» специальносьт серти. 1970-ӧд воын училишӧ помалӧм бӧрын пырӧма уджавны Сыктывкарса опытнӧй судоремонтнӧй заводӧ электромонтажникӧн. Уджалігас 1972-ӧд воын помалӧма 1-ӧд №-а рытъя школа да пырӧма велӧдчыны Сыктывкарса канму университетлӧн филология факультетӧ. 1975-ӧд воын сійӧс мӧдӧдӧмаӧсь велӧдчыны Ленинградса университетлӧн журналистика факультетӧ. 1978 воын помалӧма университетсӧ «журналист» специальносьтӧн.
1978—1980 воясӧ корреспонденталӧма «Югыд туй» газетса культура юкӧнын. 1978—1989 воясӧ Коми небӧг лэдзанінын вӧлӧма редакторӧн, а сэсся медшӧр редакторӧн. Веськӧдлӧма челядьлы да томуловлы небӧг йӧзӧдӧм серти «Пас» тӧварышъяслӧн котырӧн.
Кулӧма 2016-ӧд вося тӧвшӧр тӧлысь 16-ӧд лунӧ.
Гижан удж
[вежны | Вежны кодировкаын]Медводдза кывбурсӧ йӧзӧдӧма 1969-ӧд воын рочӧн «Вперёд» газетын. Комиӧн кывбурсӧ йӧзӧдӧма «Войвыв кодзув» журналын 1972-ӧд воын. Гижӧдъясыс петавлӧмаӧсь ӧтувъя чукӧръясын, «Комсомольская правда» газетын, украина кывйӧн «Сузиря» альманахын.
Сылӧн петавлісны «Гӧрд тугъяса пелысь» кывбура чукӧр (1983), «Шондібан» (1987), «Себе я — царь и господин» (1991), «Ловъя кодзулӧй менам» (1995) небӧгъяс да «Как стать великим» автобиографическӧй роман (1993).
Комиӧдӧма Сергей Есенинлысь кывбуръяссӧ да 2005 воын йӧзӧдӧма «Лымъялысь льӧм» небӧг. 2010-ӧд воын йӧзӧдӧма «Лӧз ӧзын» чукӧр, кытчӧ пыртчӧма XX-ӧд нэмся медбур коми да роч сьыланкывъяс. Тайӧ небӧгыс 2011-ӧд воын шедӧдӧма Сергей Михалков нима «Облака» литератураса премия («Художественный перевод, популяризация русской классики, издание книг (билингва)» нимпасын).
1983 воын пырӧма СССР-са гижысь котырӧ. 2007 воын петӧма да котыртӧма Коми муын «Коми колипъяс» асшӧр гижысь котыр.
Общественнӧй удж
[вежны | Вежны кодировкаын]Уна во чӧж вӧлӧма Сыктывдін районса сӧветын депутатӧн.
Небӧгъяс
[вежны | Вежны кодировкаын]Ставнас йӧзӧдӧма 12 кывбура да прозаа небӧг:
- Некрасов А.В. Шондібан: кывбуръяс / Ред. А.С. Одинцов; рец. А.К. Микушев; серпасаліс А.М. Гаранин. — Сыктывкар: Коми книжнӧй издательство, 1987. — 128 л.б.
- Гӧрд тугъяса пелысь. Сыктывкар: Коми небӧг лэдзанін, 1983
- Себе я — царь и господин. 1991
- Ловъя кодзулӧй менам. 1995
- Как стать великим: уроки сыну. Автобиографический роман. — Москва: Молодая гвардия, 1993.
Наградаяс
[вежны | Вежны кодировкаын]- Коми Республикаса нимӧдана уджалысь (2010)
- Сыктывдін районса Почёта гражданин
- Сергей Михалков нима «Облака» литератураса премия («Художественный перевод, популяризация русской классики, издание книг (билингва)» нимпасын «Лӧз ӧзын» сьыланкыв чукӧрысь (2011)
- С. А. Есенин нима «Золотая осень» литературно-общественнӧй премия («За верное служение русской литературе» нимпасын) да «Орден «Золотая осень» им. С. А. Есенина» морсӧвыв пас С. Есенинлысь 150 кывбур, «Анна Снегина» да «Черный человек» поэмаяс комиӧдӧмысь (2012).
Паметь
[вежны | Вежны кодировкаын]- 2017 воын Сыктывдін районса Придашын восьтӧма казьтылана пӧв.
- 2018-ӧд вося кӧч тӧлысь 27-ӧд лунӧ сылысь нимсӧ сетӧма Сыктывдін районса Придаш сиктса библиотека-филиаллы.