Микушев Анатолий Константинович

Микушев Анатолий Константинович
Чужан лун:	1926-ӧд вося вӧльгым тӧлысь 5-ӧд лун(1926-11-05)
Чужанін:	Сыктывкар, РСФСР[d], Сӧветскӧй Социалистическӧй Республикаяслӧн Союз Коми (Зыряна) асвеськӧдлан обласьт, РСФСР[d], Сӧветскӧй Социалистическӧй Республикаяслӧн Союз
Кулан кад:	1993-ӧд вося тӧвшӧр тӧлысь 11-ӧд лун(1993-01-11) (66 арӧс)
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	школаын велӧдысь, директор, преподаватель университета

Микушев Анатолий Константинович (1926—1993) — коми фольклор да литература туялысь, филология наукаясса доктор, критик, СССР-са гижысь котырö пырысь, Коми АССР-са наукаын нимӧдана уджалысь, РСФСР-са наукаын нимӧдана уджалысь. Батьлӧн вокыс — Айму вӧсна Ыджыд тыш кадся нималана комдив Георгий Микушев.

Олан туй

Анатолий Микушев чужӧма 1926-ӧд вося вӧльгым тӧлысь 5-ӧд лунӧ Усть-Сысольск карын. 1934–1943-ӧд воясӧ велӧдчӧма Сыктывкарын 1-ӧд да 2-ӧд номера шӧр школаясын, 1943–1947-ӧд воясӧ — Коми канмуса педагогика институтысь филология факультетын. Пединститут помалӧм бӧрын 1947-ӧд вося моз тӧлысьсянь 1950-ӧд вося кӧч тӧлысьӧдз уджалӧма велӧдысьӧн да директорӧн Сыктывдін районса Ыб шӧр школаын.

1950-ӧд вося кӧч тӧлысьсянь 1953-ӧд вося вӧльгым тӧлысьӧдз велӧдчӧма Ленинградын Роч литература Институтса аспирантураын «фольклористика» специальносьт серти. Научнӧй веськӧдлысьнас вӧлӧма нималана эпосовед Астахова Анна Михайловна. 1953-ӧд вося вӧльгым тӧлысь 5-ӧд лунӧ дорйӧма «Песенное творчество народа коми в советскую эпоху» тема серти филология наукаясса кандидат ним вылӧ диссертация. Дорйысьӧм бӧрын уджалӧма СССР наукаяс академияысь Коми филиалын: кыв, литература да история юкӧдса младшӧй научнӧй сотрудник (1953-ӧд во, вӧльгым тӧлысь — 1957, ӧшым тӧлысь), кыв да литература юкӧдса старшӧй научнӧй сотрудник (сэсся Кыв, литература да история институтын литература да фольклор секторын) (1957, ӧшым тӧлысь — 1970, ӧшым тӧлысь). 1970-ӧд вося ода-кора тӧлысь 18-ӧд лунӧ дорйӧма «Генезис и эволюция коми песенного фольклора» тема серти филология наукаясса доктор ним вылӧ диссертация. 1970-ӧд вося ӧшым тӧлысьсянь сійӧс индӧма СССР наукаяс академияысь Коми филиаллӧн Кыв, литература да история институтын литература да фольклор секторса веськӧдлысьӧн. 1972-ӧд воын вуджӧдӧма Кыв, литература да история институтын старшӧй научнӧй сотрудник должносьтӧ (нёрпалӧм вӧсна).

1975-ӧд вося ӧшым тӧлысь 2-ӧд лунсянь 1993-ӧд вося тӧвшӧр тӧлысь 11-ӧд лунӧдз — Сыктывкарса канму университетын коми да фин-йӧгра филология кафедраӧн веськӧдлысь. 1977–1978-ӧд воясӧ — Сыктывкарса университетын филология факультетса декан.

Кулӧма 1993-ӧд вося тӧвшӧр тӧлысь 11-ӧд лунӧ Сыктывкарын аслас уджалан пызан сайын. Гуалӧма Сыктывкарын Шӧр шойнаын.

Туялан удж

«Коми йӧзкостса сьыланкывъяс» (1966, 1968, 1971) куим тома удж вӧчӧмысь (Прометей Чисталёв да Юрий Рочевкӧд ӧтвылысь) 1972-ӧд воын сылы сетӧма В.А. Савин нима Коми АССР-са канму премия.

СССР-са гижысь котырын 1959-ӧд вося ода-кора тӧлысьсянь.

Небӧгъяс

• Микушев А.К. Коми литература и народная поэзия. – Сыктывкар: Коми кн. изд-во, 1961. – 128 с.
• Коми йӧзкостса сьыланкывъяс: в 3-х т. Эжва да Сыктыв / Сост. А.К. Микушев, П.И. Чисталёв. – Сыктывкар: Коми кн. изд-во, 1966. – Вып. 1. – 291 лб.
• Коми йӧзкостса сьыланкывъяс: в 3-х т. Изьва да Печора / Сост. А.К. Микушев, П.И. Чисталёв. – Сыктывкар: Коми кн. изд-во, 1968. – Вып. 2. – 192 лб.
• Микушев А.К. Коми эпические песни и баллады. – Л.: Наука, 1969. – 292 с.
• Шондібанӧй олӧмӧй. Частушкаяс / Сост. А.К. Микушев. – Сыктывкар: Коми кн. изд-во, 1969. – 115 с.
• Коми йӧзкостса сьыланкывъяс. В 3-х т. Емва да Удора / Сост. А.К. Микушев, П.И. Чисталёв, Ю.Г. Рочев. – Сыктывкар: Коми кн. изд-во, 1971. – Вып. 3. – 255 лб.
• Микушев А.К. Эпические формы коми фольклора. – Л.: Наука, 1973. – 225 с.
• История коми литературы. – Сыктывкар: Коми кн. изд-во, 1980. (Соавторъяс – Микушев А.К., Плесовский Ф.В., Рочев Ю.Г., Чисталёв П.И. да мукӧд)
• Ипатьдорса фольклор / Лӧсьӧдіс, водзкывсӧ гижис А.К. Микушев. – Сыктывкар: Коми кн. изд-во, 1980. – 184 лб.
• Микушев А.К. Парма весьтын сьыланкыв: коми литература йылысь мӧвпъяс. – Сыктывкар: Коми кн. изд-во, 1984. – 166 лб.
• Микушев А.К. На таежных просторах. – М.: Современник, 1986. – 304 с.
• Коми народный эпос / Сост., перев., коммент. и вступит. ст. А.К. Микушева. – М.: Наука, 1987. – 686 с.
• Народная поэзия коми / Сост., вступит. ст. и коммент. А.К. Микушев; пер. А. Смольников; худ. В. Осипов. – Сыктывкар: Коми кн. изд-во, 1988. 304 с.
• Коми эпическая поэзия: Сборник / Вступ. ст., сост. и примеч. А.К. Микушева. – Л.: Сов. писатель, 1991. – 368 с. (Биб-ка поэта. Большая серия)
• Коми народные сказки / Сост. А.К. Микушев; пер. с коми П.Столповский. — Сыктывкар: Коми кн. изд-во, 1996. с.

Наградаяс

• «1941-1945 воясӧ Айму вӧсна Ыджыд тыш дырйи бур уджысь» медаль (1946, сора тӧлысь)
• «Доблестнӧй уджысь (Тышса доблесьтысь). Владимир Ильич Ленин чужӧмсянь 100 во тыригкежлӧ» тшупӧда паса медаль (1970)
• «1941–1945 воясса Айму вӧсна Ыджыд тышын Вермӧмсянь комын во» тшупӧда паса медаль (1975)
• «1941–1945 воясса Айму вӧсна Ыджыд тышын Вермӧмсянь нелямын во» тшупӧда паса медаль (1985)
• В.А. Савин нима Коми АССР-са канму премиа босьтысь (1972)
• Коми АССР-са наукаын нимӧдана уджалысь (1976)
• РСФСР-са наукаын нимӧдана уджалысь (1982)
• РСФСР-са Вылыс Сӧветлӧн Президиумлӧн Почёт грамота (1986)

Паметь

• «Устные и письменные традиции народов европейского Севера России: памяти К.Ф. Жакова и А.К. Микушева» ставроссияса туялан конференция (2011 во, ода-кора тӧлысь 19-20 лунъяс, Сыктывкар)
• «Филологические исследования на рубеже XX-XXI веков: традиции, новации, итоги, перспективы» ставроссияса туялан конференция, коді сиӧма К.Ф. Жаковлы да А.К. Микушевлы (2011 во, йирым тӧлысь 19-21 лунъяс, Сыктывкар)
• Анатолий Константинович Микушев. Статьи. Воспоминания. Письма / Отв. ред. П.Ф. Лимеров. — Сыктывкар, 2012. — 304 с.

Ӧшмӧсъяс

• Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. – Сыктывкар, 2000.
• Анатолий Константинович Микушев. Статьи. Воспоминания. Письма / Отв. ред. П.Ф. Лимеров. — Сыктывкар, 2012. — 304 с.
• Кудряшова В.М. А.К. Микушев – коми ученый-фольклорист // Вопросы истории и культуры северных стран и территорий. — Сыктывкар, 2009. — № 1 (5).
• Бурлыкина М.И. Эпос профессора Микушева. — Сыктывкар: Сыктывкарса канму университет, 2016. — 354 с.