Нёбдінса Виттор

Материал из Wikipedia
(перенаправлено с «Савин Виктор Алексеевич»)
Перейти к навигации Перейти к поиску
Нёбдінса Виттор
Ӧльӧш Виттор
Чужан лун:

10 (22) вӧльгым 1888[1]

Чужанін:
Кулан кад:

1943-ӧд вося моз 11-ӧд лун(1943-08-11) (54 арӧс)

Куланін:
Канму:
Мыйся уджыс:

поэт

Логотип Викитеки Гижӧмтор в Викитеке

Шаблон:Серпасыс абу

Нёбдiнса Виттор (збыльвывса ним Ӧльӧш Виттор, рочӧн Савин Виктор Алексеевич, 18881943) — нималана коми гижысь, поэт, драматург, коми литератураса классик.

Олан туй[веськӧдны | править код]

В.А. Савин чужӧма 1888 вося вӧльгым тӧлысь 21-ӧд лунӧ Вӧлӧгда губернялӧн Усть–Сысольск уездса Нёбдін сикт улӧ пырысь Трӧшсикт грездын (ӧнi Коми Республикаса Кӧрткерӧс район). Велöдчӧма Нёбдiнса земскӧй начальнӧй училишӧын, помалӧма Дереваннӧйса мӧдӧд тшупӧда школа. Та бӧрын писаралӧма да письмӧ новлӧдлӧма, пес кералӧма. Сизим во уджалӧма Украинаса рудникъяс контораын.

Нёбдінса Виттор вӧлӧма коми гижысь котырӧс ӧтувтысьяс пиысь ӧтиӧн, гижысь котырын 1934–ӧд восянь.

1937 вося йирым тӧлысь 8-ӧд лунӧ В. Савинӧс арестуйтӧны, подулавтöг мыждӧны ("«контрреволюционнӧй буржуазно-националистическӧй котырӧ» пырӧ да «нуӧдӧ ... Коми буржуазнӧй республика лӧсьӧдӧм кузя тыш»). В.А. Савин эз лыддьы асьсӧ мыжаӧн.

1938 вося сора тӧлысь 7-ӧд лунӧ СССР-са НКВД бердын Особӧй совешанньӧ пуксьӧдӧма сійӧс лагеръясӧ 7 во кежлӧ («считая срок с 8 октября 1937 г.») «контрреволюционнӧй удж нуӧдӧмысь». Медводз Нёбдінса Витторӧс мӧдӧдӧмаӧсь «Воркутстрой» лагерӧ, кӧні сійӧ сӧвтӧма изшом баржаясӧ, сэсся вуджӧдӧмаӧсь лагерлӧн видз-му юкӧнӧ. В.М. Полещиков серти, 1940 вося кӧч тӧлысь 26-ӧд лунсянь В.А.Савин вӧлӧма Усва ювывса Адак лагпунктын.

1942-ӧд вося йирым тӧлысь 8-ӧд лунӧ Нёбдінса Витторлӧн пукалан кадыс помасьӧма, но сійӧ олӧма Адакын. Коми гижысь Г.И. Торлопов серти, лагерӧн юрнуӧдысьяс юасьӧмаӧсь Коми АССР-са НКВД-ын веськӧдлысьясӧс, мый вӧчны водзӧ. В.А. Савинӧс чужанінас абу корӧмаӧсь. 1943-ӧд вося урасьӧм тӧлысь 3-ӧд лунӧ сійӧс мӧдӧдӧмаӧсь Кожва лагпунктӧ, кӧні олӧма урасьӧм тӧлысь 13-ӧд лунсянь рака тӧлысь 6-ӧд лунӧдз, а сэсся мӧдӧдӧмаӧсь Сибырӧ. косму тӧлысь 9-ӧд лунӧ В.А. Савин воӧма Прикулька лагпунктӧ (Томсксянь 50 км сайын). Туйын висьмӧм бӧрын Савинӧс йӧртӧмаӧсь лагерса лазаретӧ. сора тӧлысь 1-ӧд лунӧ В.А. Савин гижӧма гортас письмӧ, юӧртӧма, мый ёнмыштӧма, кӧсйӧ пырны уджавны, корӧма сёян-юан мӧдӧдны.

1943 вося моз тӧлысь 11-ӧд лунӧ кулӧма дзескыдiнын Ылi Сибирын: Томск кöрттуйлöн Ититка станциясянь неылын — Прикулька лагпунктлöн лазаретын. Дзебаніныс стöча абу тöдса.

1955 воын сылысь нимсö бӧр бергӧдiсны коми йӧзлы.

Гижан удж[веськӧдны | править код]

Нёбдінса Витторлöн кывбуръяс, сьыланкывъясыс, поэмаяс, «Коми море», «Сьöлöм сьылöм», «Югыд кодзув», «Тиюк» да «Сыктывкар» пыр мусаöсь коми йöзлы.

Нёбдінса Виттор — выль коми литератураын подув пуктысьяс пиысь ӧти. Паськыда тӧдсаӧсь сылӧн «Луча» висьт да «Мусюр сайын» очерк.

Нёбдінса Виттор — коми театрлы подув пуктысь. 1921–ӧд воын котыртӧма медводдза «Сыкомтевчук» театральнӧй труппа (Сыктывса коми театрын ворсысь чукöр), кодi 1930–ӧд воын лои КИППТ–öн. Тайӧ театр подув вылас 1936–ӧд воын воссьӧма Коми национальнӧй театр.

Шензьӧданаӧн да кузь нэмаӧн коми культураын лоины В.Савинлӧн пьесаясыс: «Шондi петiгӧн дзоридз косьмис», «Райын», «Инасьтӧм лов», «Кулӧмдiнса бунт». Ставнас гижӧма 30 гӧгӧр пьеса.

Небӧгъяс[веськӧдны | править код]

Нёбдінса Витторлӧн небӧгъяс вояс серти [3]

  • Аркирей: баллада. — Усть-Сысольск, 1922. — 16 л.б.
  • Райын: куим торъя теш. — Усть-Сысольск: Коми книга лэдзанiн, 1922. — 39 л.б.
  • Шондi петiгöн дзоридз косьмис: 3 торъя ворсантор. — Сыктывдiнкар: Коми книга лэдзанiн, 1922. — 26 л.б.
  • Гора Омра: чукöра вистьталöм-сьылöм. — Сыктывдiнкар: Коми книга лэдзанiн, 1924. — 16 л. б.
  • Гудрасьöм: öти торъя теш: (лöсьöдöма Украинаса «Бывальщина» теш серти). — Сыктывдiнкар: Коми нига лэдзанiн, 1924. — 19 л. б.
  • Сьылан-лыддянъяс. — Сыктывкар: Коми нига лэдзанiн, 1924. — 114 л.б.
  • Тшын: 3 торъя ворсантор. — Сыктывкар: Коми кн. изд-во, 1924. — 71 л.б.
  • Тöдтöм туйöд: кöкъямыс торъя драма: (лöсьöдöма П. Бессалько гижöд «Бессознательным путём» серти). — Сыктывдiн кар: Коми нига лэдзанiн, 1925. — 72 л. б.
  • Черань: 5 торъя драма: (лöсьöдöма Чижовский гижöд «Его Величество Трифон» серти). — Сыктывдiн кар: Коми нига лэдзанiн, 1925. — 52 л. б.
  • Ныв «грек» шобöм: 3 торъя пьеса коми олöмысь. — Сыктывкар: Коми нига лэдзанiн, 1926. — 45 л. б.
  • Инасьтöм лов: куим торъя теш: «Райын» пьесалöн 2-öд юкöн. — Сыктывдiн кар: Коми нига лэдзанiн, 1927. — 50 л. б.
  • Луча: висьт-збыль / изд. Угор.-фин. отд. Центро-Совнацмена НКП РСФСР. — Сыктывкар: Коми нига лэдзанiн, 1927. — 21 л. б.
  • Путкыльтчöм: революция драма: 5 торъя, 6 юкöна: (лöсьöдöма Бессалько роман «Катастрофа» серти). — Сыктывдiн кар: Коми нига лэдзанiн, 1927. — 43 л. б.
  • Ва шыр: кык торъя теш. — Сыктывдiн кар: Коми нига лэдзанiн, 1928. — 35 л. б.
  • «Вабергач»: драма в 3-х д. — Сыктывдiн кар: Коми нига лэдзанiн, 1928. — 43 л. б. ; Сыктывкар: Коми кн. изд-во, 1982. - 368 л. б.: портр.
  • Кулöмдiнса бунт: збыль вöлöмтор йылысь пьеса: 3 юкöна, 8 торъя. — Сыктывкар: Коми нига лэдзанiн, 1928. — 55 л. б., портр.
  • Сырчик бöрся: кык торъя теш: (лöсьöдöма «Во время затишья» нима нига серти). — Сыктывдiн кар: Коми нига лэдзанiн, 1928. — 32 л. б.
  • Знаменньö: куим торъя теш. — Сыктывкар: Коми кн. изд-во, 1930. — 48 л. б.
  • Парма ныв: 4 торъя, 5 юкöна драма. — Сыктывкар: Коми кн. изд-во, 1930. — 71 л. б.
  • Арт: öти торъя ворсантор. — Сыктывкар: Коми кн. изд-во, 1931. — 44 л. б.
  • Гижöд чукöр: в 2-х т. — Сыктывкар: Коми нига лэдзанiн, 19311932.
    • Т. 1. — Сыктывкар, 1931. — 284 л. б.
    • Т. 2. — Сыктывкар, 1932. — 349 л. б.
  • Моль: ӧти торъя кык серпаса ворсантор. — Сыктывкар: Коми книга лэдзанiн, 1931. — 23 л. б.
  • Гижöд чукöр: в 2-х т. Т. 1. — Сыктывкар: Коми нига лэдзанiн, 1931. — 284 л. б.
  • Сыктывкар. Жеребцовсянь Карпинскийöдз: поэма. — Сыктывкар: Коми госиздат, 1935. — 30 л.б.
  • 100 коми сьыланкыв / собрал В. А. Савин — Сыктывкар: Коми ГИЗ, 1936. — 208 л.б.
  • Бöрйöм гижöдъяс / вступ. ст. И. Изъюрова. — Сыктывкар: Коми кн. изд-во, 1956. — 248 л. б.
  • Чужи-быдми сьöд вöр шöрын: челядьлы кывбуръяс / водзкывсö гижис С. Морозов. — Сыктывкар: Коми кн. изд-во. — 40 л. б.
  • Пьесаяс / Вступит. ст. Г.А. Фёдорова. — Сыктывкар: Коми кн. изд-во, 1959. — 184 л. б.
  • Кывбуръяс. Поэмаяс. Пьесаяс. Вистъяс. Очеркъяс / Сост. С.М. Морозов. — Сыктывкар: Коми кн. изд-во, 1962. — 655 л.б.
  • Аркирей: баллада. — Сыктывкар: Коми кн. изд-во, 1965. — 16 л.б.
  • Эжва дорын: кывбуръяс, вистъяс. — Сыктывкар: Коми кн. изд-во, 1976. — 88 л. б.
  • Сьӧлӧм сьылӧм: кывбуръяс = Песня сердца: стихи / Сост. Г.И. Торлопов. — Сыктывкар, 1978. — 24 л. б. (Коми отделение добровольного общества любителей книги РСФСР); сост. и вступ. ст. А.Е. Ванеева. — Сыктывкар: Коми кн. изд-во, 1988. — 143 л.б.
  • Югыд кодзув: кывбуръяс, поэмаяс, ораторияяс, роч вылысь, роча-комиа да роч кывбуръяс / лöсьöдiс да водзкывсö гижис А.Е. Ванеева. — Сыктывкар: Коми кн. изд-во, 1980. — 304 л.б.
  • Звени, моя парма: стихотворения, поэмы, пьесы, рассказы. — Сыктывкар: Коми кн. изд-во, 1983. — 256 с.
  • Мусюр сайын: проза гижöдъяс / лöсьöдiс да примечаниеяссö гижис Г.И. Торлопов. — Сыктывкар: Коми кн. изд-во, 1985. — 368 л. б.
  • Гажöдчöй, кор томöсь: бöрйöм гижöдъяс / предисл. Г.И. Торлопов. — Сыктывкар: Коми кн. изд-во, 1998. — 334 л.б.
  • Бöрйöм гижöдъяс. – Кывбуръяс, поэмаяс, висьтъяс, очеркъяс, пьесаяс. Избранное. — Сыктывкар: «Издательство «Милета», 2008. — 608 с.
  • Арся мойдкыв: Кывбуръяс, висьтъяс / Ред. А.В. Попов; Художник И.А. Авилова. — Сыктывкар: «Коми йӧзӧдчан керка» КР АУ, 2013. — 48 л.б.

Паметь[веськӧдны | править код]

Ӧшмӧсъяс[веськӧдны | править код]

Ыстöгъяс[веськӧдны | править код]

  1. Большая российская энциклопедияБольшая российская энциклопедия, 2016. — ISBN 978-5-85270-320-0
  2. 2,0 2,1 https://bigenc.ru/literature/text/3527114
  3. Коми Республикаса национальнӧй библиотека