Чисталёв Прометей Ионович

Босьтӧма Wikipediaысь
Чисталёв Прометей Ионович
Чужан лун:

1921-ӧд вося урасьӧм тӧлысь 27-ӧд лун(1921-02-27)

Чужанін:
Кулан кад:

1988-ӧд вося моз тӧлысь 11-ӧд лун(1988-08-11) (67 арӧс)

Куланін:
Канму:
Мыйся уджыс:

фольклор чукӧртысь

Шаблон:Серпасыс абу

Чисталёв Прометей Ионович (19211988) — шылада коми фольклор туялысь, шылад тэчысь, искусствоведениеяса кандидат (1974). Батьыс — коми поэт, вуджӧдчысь, критик, велӧдысь Иона Чисталёв.

Олан туй[вежны | Вежны кодировкаын]

Прометей Чисталёв чужӧма 1921 вося урасьӧм тӧлысь 27-ӧд лунӧ Вӧлӧгда губерняысь Усть-Сысольск уездса Нювчим посёлокын (ӧнi — Коми Республикаын Сыктывдiн районса Нювчим). 1938 воын помалӧма Нювчимса шӧр школа. 19381940 воясӧ велӧдчӧма Коми канмуса педагогика институтын физика-математика факультетын. 1940 восянь велӧдӧма Визинса шӧр школаын математика.

19401946 воясӧ вӧлӧма армияын. Тышкасьӧма Айму вӧсна Ыджыд тышын. Наградитӧма «Боевӧй заслугаысь» да «Германия весьтын вермӧмысь» медальясӧн.

19461952 воясӧ велӧдӧма Нювчимса школаын математика, вӧлӧма Сыктывдін районын школаясса инспекторӧн. Уджысь орӧдчытӧг помалӧма Коми канмуса педагогика институтын физика-математика факультет. 19521955 воясӧ уджалӧма Сыктывкарса шылада училишӧын велӧдысьӧн. 19551957 воясӧ директоралӧма Сыктывкарса шылада училишӧын да сэні жӧ велӧдчӧма. 1958 воын пырӧма велӧдчыны Москваын Гнесиных нима шылада-педагогикаса институтлӧн теоретико-композиторскӧй факультетӧ, но дзоньвидзалун вӧснаыс эновтчӧма велӧдчӧмсьыс да бӧр локтӧма сузучилишӧӧ велӧдны.

1960 вося йирым тӧлысьӧ пырӧма уджавны СССР-са наукаяс академиялöн Коми филиаллӧн кыв да литература юкӧдӧ младшӧй научнöй сотрудникöн. 1971 вося ода-кора тӧлысьсянь — Коми канмуса филармонияын художественнӧй веськӧдлысь. 1972 вося тӧвшӧр тӧлысьсянь — Коми АССР-са культура министерствоысь йӧзкостса творчестволӧн Коми республикаса керкаын фольклорысь методист. 1972 вося йирым тӧлысь 3 лунсянь уджалӧ СССР-са наукаяс академиялöн Коми филиалысь Кыв, литература да история институтын: медводз младшӧй научнӧй сотрудник, а 1977 восянь — старшӧй научнӧй сотрудник. 1974 воын дорйӧма Ленинградын театр, шылад да кинематограф канмуса институтын «Коми народные музыкальные инструменты (музыкально-этнографическое исследование)» тема серти искусствознаниеса кандидат ним вылö диссертация.

1982 вося лӧддза-номъя тöлысь 14-ӧд лун Прометей Чисталёв петӧма пенсия вылӧ. Кулӧма 1988 вося моз тöлысь 11-ӧд лунӧ Коми Республикаын Сыктывдiн районса Нювчимын.

Туялан удж[вежны | Вежны кодировкаын]

Прометей Чисталёв йӧзӧдіс 100 сайӧ удж.

Небӧгъяс[вежны | Вежны кодировкаын]

  • Чисталёв П.И. Менам чужан му: Сьыланкывъяс, романсъяс. – Сыктывкар, 1964. – 72 с.
  • Коми йöзкостса сьыланкывъяс: в 3-х тт. Эжва да Сыктыв / П.И. Чисталёв, А.К. Микушев. – Сыктывкар, 1966. – Вып. 1. – 291 лб.
  • Коми йöзкостса сьыланкывъяс: в 3-х тт. Изьва да Печора / П.И. Чисталёв, А.К. Микушев. – Сыктывкар, 1968. – Вып. 2. – 292 лб.
  • Чисталёв П.И. Асъя кыа. Коми йöзкостса сьыланкывъяс. Коми школаын велöдысьяслы методическöй пособие. – Сыктывкар: Коми кн. изд-во, 1968. – 75 лб.
  • Коми частушкаяс / П.И. Чисталёв. – Сыктывкар: Коми кн. изд-во, 1968. – 63 лб.
  • Коми йöзкостса сьыланкывъяс: в 3-х тт. Емва да Удора / П.И. Чисталёв, А.К. Микушев, Ю.Г. Рочев. – Сыктывкар, 1971. – Вып. 3. – 255 лб.
  • Репертуарный сборник (Коми и русские народные песни, инструментальные наигрыши. В помощь коллективам художественной самодеятельности / Сост. П.И. Чисталёв. – Сыктывкар: Коми кн. изд-во, 1973. – 32 с.
  • Чисталёв П.И. Эжва весьтын кыа: Сб. песен. – Сыктывкар: Коми кн. изд-во, 1978. – 79 с.
  • Чисталёв П.И. Музыкальные инструменты пермских народов / Научные доклады КФ АН СССР. – Сыктывкар, 1980. – Вып. 61. – 35 с.
  • История коми литературы. – Сыктывкар: Коми кн. изд-во, 1980. (Соавторъяс – Микушев А.К., Плесовский Ф.В., Рочев Ю.Г., Чисталёв П.И. да мукöд)
  • Чисталёв П.И. Коми народные музыкальные инструменты. – Сыктывкар: Коми кн. изд-во, 1984. – 104 с.
  • Чисталёв П.И., Скляр И.Г. Коми народные танцы (Прилузье, Сысола, Вычегда). – Сыктывкар: Коми кн. изд-во, 1990. – 183 с.

Наградаяс[вежны | Вежны кодировкаын]

Öшмöсъяс[вежны | Вежны кодировкаын]

  • Осипов А.Г. О коми музыке и коми композиторах. — Сыктывкар, 1969.
  • Герстле Н. Чисталёв Прометей Ионович // Республика Коми: Энциклопедия: в 3-х т. — Сыктывкар, 2000. — Т. 3.
  • Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. — Сыктывкар, 2000. — 212 с.

Ыстӧдъяс[вежны | Вежны кодировкаын]