Баженова Ольга Николаевна
| Баженова Ольга Николаевна | |
 | |
| Чужан лун: |
1992-ӧд вося урасьӧм тӧлысь 18-ӧд лун (32 арӧс) |
|---|---|
| Чужанін: | |
| Канму: | |
| Мыйся уджыс: | |
Баженова Ольга Николаевна (1992) — том коми гижысь.
Олан туй
[вежны | Вежны кодировкаын]Ольга Баженова чужӧма 1992-ӧд вося урасьӧм тӧлысь 18-ӧд лунӧ Емдін районса Кӧжмудор сиктын. Медводз велӧдчис Кожмудорса школаын, а бӧрынджык, сизимӧд классӧдз велӧдчӧма Туискерӧсса школаын.
2009-ӧд воын помалӧма зарни медальӧн Сыктывкарын Ю.А. Спиридонов нима Коми Республикаса Юралысь бердын искусствояс гимназия.
2008—2014-ӧд воясын велӧдчӧма Сыктывкарса канму университетын гуманитарнӧй наукаяслӧн институтса коми юкӧнын, помалӧма гӧрд дипломӧн.
2014-2015-ӧд воясын уджалӧма Коми Республикаса войтырлӧн шылада-драмаа театрын, та кадӧ жӧ велӧдӧма Искусствояс гимназияын.
2015-ӧд восянь КРАГСиУ-са кыв технология сӧвмӧдан шӧринын уджалысь. 2016-ӧд вося арсянь аспиранталӧ Коми наука шӧринса Кыв, литература да история институтын. Темаыс — «Лексическая стилистика коми языка (на материале языка художественных произведений)» (веськӧдлысьыс — Е. А. Цыпанов).
2016-ӧд восянь уджалӧ ИЯЛИ ФИЦ Комиын Уро РАНын лаборант-туялысьӧн.
2020-ӧд восянь Сыктывкарса канму университетын филология финно-угроведение да регионоведение кафедраын велӧдысь.
Гижан удж
[вежны | Вежны кодировкаын]Ольга Николаевна заводитіс гижны кывбуръяс 2007 восянь, кор велӧдчис Гожся филологияса университетын (семинаръяс нуӧдіс В.В. Тимин).
Ольга Баженова унджыксӧ гижӧ кывбуръяс. Гижӧдъяссӧ йӧзӧдлӧма 2007-ӧд воын «Войвыв кодзув» да «Арт» журналъясын, «Медводдза муслун» сборникын.
Медводдза асшӧр небӧгӧн позьӧ шуны «Кывбуръяс» чукӧр, кодӧс дасьтӧма С. К. Терентьев 2011-ӧд воын. Ки помысь небӧгын 35 кывбур, кодъясӧс гижӧма важ перым анбурӧн, а орччӧн — ӧнія графикаӧн.[1]
2012-ӧд воын сылӧн петӧма «Шондіа ю» медводдза кывбура небӧг. Мӧд небӧгсӧ — «Ме велӧдча радейтны выльысь» (2016) — йӧзӧдӧма Эстонияса Национальнӧй Культура Фондлӧн сьӧм вылӧ.[2]
Коми Республикаса «Эзысь борд» литературнӧй конкурсын, кодӧс нуӧдӧ «Войвыв кодзув» журнал, «Поэзия» нимпасын вермысь.
2013-ӧд воын, студентӧн на, водзмӧстчӧма драматургияын: гижӧма да йӧзӧдӧма «Арт» журналын "От" пьеса, код серти Искусствояс гимназияса велӧдчысьяслӧн «Ордым» театр котыр Сыктывкарса университетса велӧдчысьяскӧд ӧтвылысь пуктӧма спектакль (режиссёрыс В. М. Напалков).[3]
2018-ӧд вося гожӧмын Ольга Баженоваӧс босьтӧмаӧсь Россияса гижысь котырӧ.[4]
Небӧгъяс
[вежны | Вежны кодировкаын]- Баженова О. Н. Кывбуръяс: [кывбуръяс важ перым анбурӧн]. — Сыктывкар: [С. К. Терентьев], 2011. — 64 л.б.
- Баженова О. Н. Шондіа ю: кывбуръяс / Ред. Е. Е. Афанасьева, Серпасаліс Ю. Н. Лисовский. — Сыктывкар: Коми Республикаса гижысь котыр, 2012. — 32 л.б. («Шондіа енкӧла» чукӧр / Лӧсьӧдіс А. Г. Елфимова)
- Баженова О. Н. Ме велӧдча радейтны выльысь: кывбуръяс / Водзкывйыс А. Г. Елфимовалӧн. — Сыктывкар, 2016. — 64 л.б.