Напалков Виктор Михайлович

Напалков Виктор Михайлович
Чужан лун:	1963-ӧд вося кӧч тӧлысь 3-ӧд лун(1963-09-03) (61 ар)
Чужанін:	Кулӧмдін, Коми Республика, РСФСР[d], Сӧветскӧй Социалистическӧй Республикаяслӧн Союз Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	Кино пуктысь, драматург

Напалков Виктор Михайлович (1963) — коми режиссёр, драматург.

Олан туй

Виктор Напалков чужӧма Коми АССР-са Кулӧмдін сиктын 1963-ӧд вося кӧч тӧлысь 3-ӧд лунӧ. 1970—1981-ӧд воясӧ велӧдчӧма Кулӧмдін сиктса шӧр школаын. 1985-ӧд воын помалӧма Перым карын канмуса искусство да культура институтысь искусство факультет.

Дипломнӧй спектакльнас вужъясьӧма Абъячойса йӧзкостса театрын да уджалӧма сэні 10 во.

1993-ӧд восянь олӧ Сыктывкарын. Ворсӧма да режиссёралӧма В.А. Савин нима канмуса академическӧй Драма театрын, велӧдӧма Коми Республикаса Юралысь бердын искусствояс гимназияын.

1998-ӧд воын Москваын босьтӧма Театрса искусствояслӧн академияын (ГИТИС) режиссёр-педагоглысь диплом.

2003-ӧд вося косму тӧлысь 7-ӧд лунсянь директоралӧма искусствояс гимназияын, сэсся — сэні жӧ директорӧс вежысь (театр юкӧн серти). Искусствояс гимназияын веськӧдлӧ «Ордым» театр студияын.

Общественнӧй удж

Бӧрйывлӧмаӧсь Луздор районса сӧветӧ депутатӧн, коми войтырлӧн съездса делегатӧн (витысь).

Дыр кад чӧж вӧлі пырӧ Сыктывкарын Кулӧмдін землячестволӧн сӧветӧ.

Режиссёралӧ «Северная околица» йӧзкостса сьыланкыв ансамбльын.

Наградаяс

• Коми Республикаса нимӧдана уджалысь (2007)
• Коми Республикаса Веськӧдлан котырлысь премия босьтысь
• Россияса культураын нимӧдана уджалысь (2021) — Россияса культура да искусствоӧ пай пуктӧмысь.

Ӧшмӧсъяс

• Игнатов М.К. Усть-Куломский район: помни прошлое, зная настоящее, делай будущее (1620–2008). — Сыктывкар, 2009. — С. 309.
• Коми руыс помтӧм // «Коми му» газет, 2013 во. Кӧч тӧлысь 5-ӧд лун, 35-ӧд №.