Цыпанов Евгений Александрович

Материал из Wikipedia
Перейти к навигации Перейти к поиску
Цыпанов Евгений Александрович
Чужан лун:

1960-ӧд вося лӧддза-номъя 15-ӧд лун(1960-06-15) (58 арӧс)

Чужанін:
Канму:
Мыйся уджыс:

лингвист

Шаблон:Серпасыс абу

Цыпанов Евгений Александрович (комиӧн: Йӧлгинь; 1960) — коми кыв туялысь, филологияса доктор; гижысь.

Олан туй[веськӧдны | править код]

Йӧлгинь Цыпанов чужӧма 1960-ӧд вося лӧддза-номъя тӧлысь 15-ӧд лунӧ Коми АССР-ын Сыктыв районса Визин сиктын.

1982 воын помалӧма Сыктывкарса канму университетысь филология факультет да пырӧма велӧдчыны Тарту университетса аспирантураӧ «фин-йӧгра кывъяс» специальносьт серти. Эстму академик да профессор Пауль Аристэ веськӧдлӧм улын дасьтӧма «Морфология причастий в коми языке» филология кандидат ним вылӧ диссертация, дорйысьӧма 1987 воын. 1986 вося тӧвшӧр тӧлысьӧ пырӧма уджавны Кыв, литература да история институтлӧн кыв секторӧ: вӧлӧма младшӧй научнӧй сотрудникӧн (1986-сянь), научнӧй сотрудникӧн (1989-сянь), старшӧй научнӧй сотрудникӧн (1991-сянь).

19992002 воясӧ Е.А. Цыпанов велӧдчӧма Мари канму университетысь финн-йӧгра кывъяс кафедралӧн аспирантураын, а чужан институтас уджалӧӈа контракт серти. Та кадӧ дасьтӧма «Грамматические категории глагола в коми языке» доктор ним вылӧ диссертация да дорйӧма 2002 воын.

20072011 воясӧ Е.А. Цыпанов веськӧдлӧма Кыв, литература да история институтлӧн кыв секторӧн. 2011 восянь Кыв, литература да истории институтса веськӧдлысьӧс вежысь, кыв, литература да фольклор юкӧнӧн веськӧдлысь, кыв секторын ведушӧй научнӧй сотрудник.

Туялан удж[веськӧдны | править код]

Туялан нырвизьяс — морфология, семантика да кадакывлӧн синтаксис, коми гижӧда кыв озырмӧдӧм, коми кывйысь велӧдан небӧгъяс дасьтӧм.

Йӧлгинь Цыпанов туяліс коми кывйысь кадакывлысь инфинитнӧй формаяс, шӧркыв да ногакыв.

Евгений Цыпанов йӧзӧдӧма 300 сайӧ туясян удж, на лыдын 15 торъя небӧг: монографияяс, коми кыв асшӧра велӧдан небӧгъяс, велӧдан пособиеяс, вылькывъяслӧн кывкудъяс.

Евгений Александрович сьӧлӧмнас висьӧ коми кыв вӧсна, тӧждысьӧ кыв сӧвмӧдӧм да сӧстӧммӧдӧм вӧсна. Тшӧкыда гижӧ чужан кывйӧн коми газет да журналъясӧ («Коми му», «Йӧлӧга», «Войвыв кодзув», «Арт»).

Сійӧ ветлӧма уна сикас да тшупӧда конференцияяс вылӧ, на лыдын Фин-йӧгра туялысьяслӧн VI, VII, IX да X ставмирса конгрессъяс вылӧ.

Е.А. Цыпанов — уналы тӧдса фин-угровед. 1995 восянь Фин-йӧгра туялысьяслӧн ставмирса конгрессъяс комитетӧ пырысь. Пырӧ «Linguistica Uralica» войтыркостса журналлӧн редколлегияӧ.

Велӧдӧм[веськӧдны | править код]

Е.А. Цыпанов уна во чӧж велӧдӧма Сыктывкарса канму университетлӧн фин-йӧгра факультетын лыддис лекцияяс да спецкурсъяс, донъяліс велӧдчысьяслысь диплом уджъяссӧ.

19931994 воясӧ Велӧдысьяслӧн институтын уджалӧма методика да велӧдан небӧг дасьтан лабораторияын.

19941996 воясӧ корӧм серти коми кыв велӧдӧма Хельсинки да Турку университетъясын (Финляндия).

Сылӧн веськӧдлӧм улын гижӧмаӧсь да Удмурт канму университетын дорйӧмаӧсь кык кандидатскӧй диссертация.

Гижӧӈа коми кыв, культура да история серти некымын велӧдан небӧг, мыйӧн вӧдитчӧны школаын да университетын велӧдігӧн.

Туялан небӧгъяс[веськӧдны | править код]

Гижан удж[веськӧдны | править код]

Гижӧ Йӧлгинь Цыпанов ним улын. Гижӧ коми авторъяслӧн кывбуръяс вылӧ пародияяс, висьтъяс, сатираа серпасторъяс, комиӧдӧм гижӧдъяс, мойдъяс да тешкывъяс. Водзынджык йӧзӧдӧм да выль серамбана гижӧдъяссӧ пыртӧма «Гажа-курыд тешӧн» небӧгӧ (2018).

Художествоа небӧгъяс[веськӧдны | править код]

Общественнӧй удж[веськӧдны | править код]

19942000 воясӧ Е.А. Цыпанов вӧлі Коми Республикаса национальнӧй политика министерствобердса термино-орфографическӧй комиссияын веськӧдлысьӧс вежысьӧн, ӧні пырӧ Коми Респуюбликаса Юралысьбердса комиссияӧ.

20072010 воясӧ веськӧдліс Коми му туялан котырӧн.

Наградаяс[веськӧдны | править код]

Ӧшмӧсъяс[веськӧдны | править код]

Ыстӧдъяс[веськӧдны | править код]