Спиридонов Юрий Алексеевич

Материал из Wikipedia
Файл:Спиридонов Ю.А. 1.jpg
Спиридонов Юрий Алексеевич (1938-2010)
Файл:Спиридонов Ю.А. Бюст.jpg
Ю.А. Спиридоновлы Искусствояс гимназия водзын бюст (вӧчис Владимир Матюхин 2011 воын)
Файл:Спиридонов Ю.А. Паметник.jpg
Ю.А. Спиридоновлы Гӧрд Затонса шойна вылын паметник (2012 во)

Спиридонов Юрий Алексеевич (19382010) – Коми Республикаса Юралысь (19942001), Россия Федерацияса Государственнӧй Думаса депутат (20032007), Естественнӧй наукаяслӧн Россияса академияӧ збыльвывса пырысь, Горнӧй наукаясса Академияӧ збыльвывса пырысь, экономика наукаясса доктор.

Олан туй[веськӧдны | править код]

Чужӧма 1938 вося вӧльгым тӧлысь 1 лунӧ Омск обласьтса Полтавка сиктын. 1961 воын помалӧма Свердловскын горнöй институт. 19611964 воясын уджалӧма Магаданск обласьтын «Горный» приискын горнöй мастерöн, участокын веськöдлысьöс вежысьöн, медыджыд горнöй мастерöн.

19641975 воясӧ – Коми АССР-ын Ярега управлениеса отделын инженер, участокын начальник, шахтаын веськӧдлысь. 19751989 воясӧ – КПСС-лöн Ухта карса комитетын отделöн веськöдлысь (заведующий), КПСС-лöн Усинск райкомын медводдза секретар, КПСС-лöн Коми обкомын мöд секретар. 19891990 воясӧ – КПСС-лöн Коми обкомын медводдза секретар, 19901994 воясӧ – Коми АССР-са Верховнöй Сöветын веськöдлысь.

1993 вося ӧшым тӧлысьсянь – медводдза созыва Федерация Сöветö пырысь, 1994 вося кос му тӧлысьöдз пырис бюджет, валюта, сьöм да кредит регулируйтöм, сьöм эмиссия, вот перъян политика да таможеня регулируйтан комитетö, сэсся – войвыв да этша лыда войтырлöн делöяс серти комитетö пырысь.

1994 вося ода-кора тöлысь 7 лунӧ вермӧма бöрйысьöмъяс дырйи да лоӧма Коми Республикаса Юралысьöн да, Коми Республикаса Оланподув серти, тшöтш и и правительствоöн веськöдлысьöн.

1997 вося вöльгым тöлысь 30 лунӧ вермӧма кадысь водз бöрйысьöмъясын да выльысь пуксьӧма Коми Республикаса Юралысьö.

2001 воын Коми Республикаса Юралысьӧс бöрйигöн босьтӧма 34,9 % гöлöс да ворссьӧма Коми Республикаса Каналан Сӧветöн веськöдлысь Торлопов Владимир Александровичлы (сылöн 40 % гöлöс).

2003 вося ӧшым тӧлысьӧ йöзыс бöрйисны 18 №-а Сыктывкарса öти мандата кытш серти Россия Федерацияса Государственнöй Думаö депутатöн. Вöлi уджалö вöр-ва ресурсъяс да найöн вöдитчöм серти комитетын.

Кулӧма 2010 вося моз тӧлысь 12 лунӧ Сыктывкарын, гуалӧма Гӧрд Затонса шойна вылын.

Наградаяс[веськӧдны | править код]

Паметь[веськӧдны | править код]

  • 2011 воын Гӧрд Затонса шойна вылын вылын Юрий Спиридонов гу вылын вӧлі восьтӧма казьтылан комплекс да сувтӧдӧма озысь бюст, кодöс вöчис Владимир Матюхин. Сылöн гöтыр Галина Медухалöн кывъяс серти, бюстсö вöлi вöчöма недыр кежлö. 2012 вося косму тöлысь 20-öд лунö гу вылас пуктöма гранитысь казьтылан паметник. А озысь бюстсö шуöма сувтöдны Коми республикаса Юралысь бердын Искусствояс гимназия йöрö.
  • 2012 воын Ю.А. Спиридоновлысь нимсö сетöма Коми республикаса Юралысь бердын Искусствояс гимназиялы

Ӧшмӧсъяс[веськӧдны | править код]