Беляев Геннадий Васильевич

Беляев Геннадий Васильевич
	Беляев Геннадий Васильевич
Чужан лун:	1940-ӧд вося тӧвшӧр тӧлысь 1-ӧд лун
Чужанін:	Сыктыв район, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз;
Кулан кад:	2008-ӧд вося моз тӧлысь 31-ӧд лун (68 арӧс)
Канму:	Сӧветскӧй Социалистическӧй Республикаяслӧн Союз; Рочму;
Мыйся уджыс:	журналист, гижысь

Шаблон:Серпасыс абу

Беляев Геннадий Васильевич (1940—2008) — коми гижысь, коми литература туялысь, литературнӧй критик, филологияса кандидат, журналист.

Олан туй

Геннадий Беляев чужис 1940 вося тӧвшӧр тӧлысь 1-ӧд лунӧ Коми АССР-ысь Сыктыв районса Кычаныб грездын.

Служитіс армиаын. Помаліс Коми канмуса педагогика институт, аспирантура. Уджаліс КПСС-лӧн Коми обкоме, «Югыд туй» газетын редакторӧн. Вӧлі телевиденньӧ да радиовешанньӧ кузя Коми АССР-са Госкомитетын веськӧдлысьӧн, «Коми гор» телерадиокомпаниаса веськӧдлысьӧс вежысьӧн.

Куліс 2008 вося моз тӧлысь 31-ӧд лунӧ.

Гижан удж

Г. Беляев гижліс ичӧтик висьтъяс, драмаа миниатюраяс. Комиӧдіс Николай Носовлысь «Приключения Толи Клюквина» небӧгысь висьтъяс (1963). Дасьтіс «Анбур — коми мойд = Коми сказка — азбука» небӧг (2000), кытчӧ пыртісны роч кыв вылӧ вуджӧдӧм ас кывйӧн висьталӧм коми мойдъяс.

Туясян удж

Кыдзи литературнӧй критик тӧдса 1960-ӧд вояссянь. Туяліс коми гижысьяслысь олӧмсӧ да гижӧдъясссӧ: Иван Куратовлысь, Нёбдінса Витторлысь, Михаил Лебедевлысь, Палалей Кальӧлысь, Иван Тороповлысь, Геннадий Юшковлысь, Пётр Шаховлысь да мукӧдлысь.

1978 воын дорйис филологиаса кандидат ним вылӧ диссертациа.

Коми проза йылысь литературно-критическӧй гижӧдъяс йылысь Г.В. Беляевлӧн Коми небӧг лэдзанінын петавлісны «Литература да олӧм» (1974), «Книгаын да олӧмын» (1977), «От вечно живого корня» (1983) да «Лыддьысьыськӧд сёрни» (1986) сборникъяс. 2004 воын «Эскӧм» небӧг лэдзанінын петіс коми гижысьяслӧн гусянимъяс йылысь «Кодi ciйӧ, кодi тайӧ» небӧг.

Небӧгъяс

Литература да олӧм. — Сыктывкар, 1974.
Книгаын да олӧмын. — Сыктывкар, 1977.
От вечно живого корня. — Сыктывкар, 1983.
Лыддьысьыськӧд сёрни. — Сыктывкар, 1986.
Кодi ciйӧ, кодi тайӧ. — Сыктывкар, 2004.

Премиа

Коми Республикаса канму премиа босьтысь (1998)

Ӧшмӧсъяс

Ульянов А. Регыд ӧд бара Выль во // «Войвыв кодзув» журнал, 2004 во. — 12 №. — Л.б. 49—52.
Беляев Г.В. // Лауреаты премий Правительства Республики Коми. — Сыктывкар, 2008. — С. 50-51.
Лимерова В. Ас морт // «Коми му» газет, 2015 во, тӧвшӧр тӧлысь 15-ӧд лун.

Ыстӧдъяс