Лебедев Михаил Николаевич

Лебедев Михаил Николаевич
	Лебедев Михаил Николаевич
Чужан лун:	1877-ӧд вося йирым тӧлысь 12-ӧд лун
Чужанін:	Усть-Сысольск уезд, Вӧлӧгда губерния, Россияса империя[d];
Кулан кад:	1951-ӧд вося рака тӧлысь 5-ӧд лун (73 арӧс)
Куланін:	Кӧрткерӧс, Коми Республика, РСФСР, Сӧветскӧй Социалистическӧй Республикаяслӧн Союз;
Канму:	Россияса империя[d]; РСФСР; Сӧветскӧй Социалистическӧй Республикаяслӧн Союз;
Мыйся уджыс:	поэт
Ошканпасъяс да премияяс:
	Гижӧмтор в Викитеке

Шаблон:Серпасыс абу

Лебедев Михаил Николаевич (комиӧн Микӧл Микайлӧ, 1877—1951) — коми гижысь, поэт.

Олан туй

М.Н. Лебедев чужӧма Вӧлӧгда губерниялӧн Усть–Сысольск уездса Межадор сиктын (ӧні Коми Республикаса Сыктыв район) 1877-ӧд вося йирым тӧлысь 22-ӧд лунӧ. Велӧдчӧма Усть–Сысольскса уезднӧй училищеын, уджалӧма Кӧрткерӧсын да Покчаын писарлы отсасьысьӧн. Сӧвет власьт пуксьӧм бӧрын секретаралӧма Кӧрткерӧсса гӧльяслӧн комитетын да судын. Унджык кадсӧ олӧма Кӧрткерӧсын.

Кулӧма 1951-ӧд вося рака тӧлысь 5-ӧд лунӧ. Дзебӧма Кӧрткерӧсын.

Гижан удж

Михаил Лебедев — выль коми литератураын подув пуктысьяс пиысь ӧти. Гижны босьтчӧма дас куим арӧсӧн. Тӧдса кыдз поэт, прозаик да драматург. Медводдза повесьтъяссӧ («За богом молитва, за царем служба не пропадут», «Последние дни Перми Великой», «Таня Осинина», «Среди медведей») гижлӧма роч кыв вылын. 1917-ӧд воося Октябр революцияӧдз на кутӧма лӧсьӧдавны кывбуръяс комиӧн. Бура тӧдӧма коми йӧзкостса висьтъяс. Та подув вылын коми йӧзлӧн важ олӧм йылысь лӧсьӧдӧма «Кӧрт Айка» да «Яг морт» поэма–мойдъяс. Басняясас серавлӧма юысьясӧс да дышъясӧс. М. Лебедев гижлӧма и челядьлы.

Лӧсьӧдӧма коми литератураын выль жанр — оперетка. Гижысьлысь «Мича ныв», «Тун» да «Настук» опереткаяссӧ пуктывлісны сцена вылын.

1939-ӧд воын литератураын ыджыд уджысь М. Н. Лебедевлы вӧлі сетӧма «Почёт Пас» орден.

Гижлӧма Юсь гусяним улын.

Небӧгъяс

Ньывпулӧн шувгӧм: мойданкывъяс / Серпасаліс В. Поляков. — Сыктывдінкар: Коми нига лэдзанін, 1929. — 56 л.б. *
Настук: сьылӧмӧн ворсантор ӧнія олӧмысь. — Сыктывкар, 1929. *
Бӧрйӧм гижӧдъяс. — Сыктывкар, 1934. *
Бӧрйӧм гижӧдъяс. — Сыктывкар, 1939.
Стихъяс: челядьлы. — Сыктывкар, 1940.
Мед дзирдалас шонді: стихотворениеяс да басняяс. — Сыктывкар, 1949.
Бӧрйӧм гижӧдъяс. — Сыктывкар, 1959.
Лебедев М. Н. Повтӧм зон: преданиеяс, серпасторъяс, кывбуръяс, басняяс / Лӧсьӧдіс В. А. Лимерова. — Сыктывкар: ООО «Анбур», 2017. — 160 л.б.
Лебедев М. Н. Кӧрт Айка: Поэма-мойд. Поэма-сказка. На коми и русском языках / Сост., вступ. статья В. А. Лимерова; худ. А. П. Гордеева; ред. В. И. Трошева. — Сыктывкар: ООО «Анбур», 2018. — 32 с.

Паметь

Михаил Лебедевлысь нимсӧ новлӧ Кӧрткерӧс районса библиотека.

Наградаяс

«Почёт Пас» орден (1939)

Ӧшмӧсъяс

Вежев А.А. Михаил Николаевич Лебедев. Памятка читателю. — Сыктывкар, 1956.
Коми советские писатели. — Сыктывкар, 1968
БСЭ
Михаил Лебедев

Ыстӧдъяс