Шебырев Александр Васильевич

Шебырев Александр Васильевич
Чужан лун:	1960-ӧд вося ода-кора 28-ӧд лун(1960-05-28) (59 арӧс)
Чужанін:	Пожӧг, Кулӧмдін район, Коми Республика, РСФСР[d], Сӧветскӧй Социалистическӧй Республикаяслӧн Союз Коми АССР, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	коми гижысь

Шебырев Александр Васильевич (1960) — коми гижысь.

Олан туй

Александр Шебырев чужӧма Кулӧмдін районса Пожӧг сиктын 1960 вося ода-кора тӧлысь 28 лунӧ. 1977 воын помалӧма Пожӧгса школа. Армия бӧрын 1981—1986 воясӧ велӧдчӧма Ӧнія гуманитарнӧй академиялӧн Сыктывкарса юкӧнын экономика факультетын. Уджалӧма юрисконсультӧн «Пожӧг» совхозын. 1988 восянь 15 во вӧлi журналистикаын: корреспонденталӧма, веськӧдлӧма отделӧн, вӧлӧма шӧр редакторӧс вежысьӧн «Ленин туйӧд» (бӧрынджык — «Парма гор» газетын.

Ӧні олӧ Помӧсдінын, туялӧ чужан му (юрнуӧдіс Тима Вень музейӧн да школаса краеведческӧй музейӧн).

Гижан удж

Александр Шебырев ёнджыкасӧ тӧдса кыдзи поэт. Ассьыс кывбуръяссӧ йӧзӧдлiс газет-журналъясын («Арт», «Войвыв кодзув», «Чушканзі»), а сiдзжӧ «Сикӧтш», «Мелілуныс пыдӧстӧм и помтӧм», «Вечерний звон» да мукӧд ӧтувъя сборникын.

А.Шебыревлöн кывбуръяс вылö тэчӧма вель уна сьыланкыв. Ачыс гижӧ шылад мукӧд кывбур дорас. Помӧсдінын нуӧдӧ литературнӧй кружок.

Сёрӧнджык босьтчис прозаӧ, гижӧ висьтъяс, очеркъяс.

2010 восянь пырӧ Коми гижысь котырӧ. Кыкысь вермыліс «Эзысь борд» республикаса литературнӧй конкурсын: «Проза» нимпасын 2008 воын да «Поэзия» нимпасын 2014 воын.

Небӧгъяс

• Олӧм туйті. — Сыктывкар: Коми книжное издательство, 2011.

Ӧшмӧсъяс

• «Арт» журнал
• Коми гижысь котыр сайтын А.В. Шебырев йылысь