Мишарина Александра Петровна
| Мишарина Александра Петровна | |
| Чужан лун: |
1946-ӧд вося ӧшым тӧлысь 19-ӧд лун[1] |
|---|---|
| Чужанін: | |
| Кулан кад: |
2013-ӧд вося сора тӧлысь 18-ӧд лун[2][3] (66 арӧс) |
| Канму: | |
| Мыйся уджыс: | |
Мишарина Александра Петровна (комиӧн — Петыр Саньӧ, 1946—2013) — коми гижысь.
Олан туй
[вежны | Вежны кодировкаын]- 1946, ӧшым тӧлысь 19 лун — чужис Кӧрткерӧс районса Ыджыдвидз сиктын.
- 1968 — помаліс педагогическӧй училище (ӧні — И. А. Куратов нима Сыктывкарса гуманитарно-педагогическӧй колледж).
- 1968—1974 — квайт во чӧж велӧдіс чужан сиктас.
- 1970—1972 — велӧдчис Москваын М. Горький нима Литературнӧй институтын, сэсся — Сыктывкарса канму университетын.
- уджаліс «Войвыв кодзув» журналын.
- 2006 — муніс Сыктывкарысь да овмӧдчис чужан Ыджыдвидз сиктас.
- 2013, сора тӧлысь 18 лун — Кувсис Ыджыдвиддзын, гуалӧма сиктса шойна вылас.
Гижан удж
[вежны | Вежны кодировкаын]Петыр Саньӧ медводдза кывбуръяссӧ йӧзӧдіс «Войвыв кодзув» журналын 1966 воын.
1977 воын «Куим сьыланкыв» ӧтувъя сборникӧ пырис и сылӧн медводдза «Тэ менам — кок ув му» кывбур чукӧр. Сёрӧнджык вӧлі йӧзӧдӧма «Войвывса дзоридз» (1980), «Коми муӧй, сьӧлӧмшӧрӧй» (1981), «Быдмам войвылын» (1987), «Рытъя сёрни» (1991), «Сьӧлӧм дой» (1996) кывбур чукӧръяс.
Татшӧм кывбуръясын кыдзи «Эмӧсь кодзувъяс», «Менам велӧдысьлы», «Медся мича, медся авъя» петкӧдлӧма чужан мулӧн мич да матысса дорӧ шаньлун. Ас гижӧдъясын поэт висьталӧ муслун йылысь, коді и дойдӧ и радлӧ.
Петыр Саньӧ гижӧ сідзжӧ челядьлы: «Машалы козин» небӧг (2001).
Мишариналӧн кывбуръясыс вӧлі вуджӧдӧма роч, венгер, финн, эст, украина, поляк, немеч да мукӧд финн-йӧгра кывъяс вылӧ.
Уна кывбур вылӧ лӧсьӧдӧма сьыланкыв: «Сувтны эськӧ пелысьӧн», «Август тӧлысь», «Некод оз веж тэнсьыд муслунтӧ, мамӧ ...» да мукӧд.
Александра Мишарина — Россияса гижысь котырӧ пырысь (1990).
Небӧгъяс
[вежны | Вежны кодировкаын]Гижысь йӧзӧдіс 9 небӧг: [5]
Комиӧн
[вежны | Вежны кодировкаын]- Куим сьыланкыв: кывбуръяс / В.Е. Напалков, А.В. Некрасов. — Сыктывкар: Коми кн. изд-во, 1977. — 160 л.б.
- Тэ менам - кок ув му: [кывбуръяс]. — [Сыктывкар], [1977?]. — 45 л.б.
- Войвыв дзоридз: кывбуръяс / Серпасаліс В.Б. Осипов. — Сыктывкар: Коми кн. изд-во, 1980. — 112 л.б.
- Коми муӧй, сьӧлӧмшӧрӧй: кывбуръяс / Ред. В.А. Попов; Серпасаліc В.С. Порохоня. — Сыктывкар: Коми кн. изд-во, 1981. — 32 л.б.
- Быдмам войвылын: кывбуръяс / Серпасаліс В.И. Осипов. — Сыктывкар: Коми кн. изд-во, 1987. — 30 л.б.
- Рытья сёрни: кывбуръяс / Серпасаліс Г.Н. Шарипков. — Сыктывкар: Коми кн. изд-во, 1991. — 112 л.б.
- Сьӧлӧм дой: кывбурьяс, нюмсеръяс / Ред. А.В. Тентюков; Серпасаліс Г.Н. Шарипков. — Сыктывкар: Коми кн. изд-во, 1996. — 144 л.б.
- Машалы козин: кывбуръяс, мойдкыв / Ред. А.В. Тентюков; Серпасаліс В.Б. Осипов. — Сыктывкар: Коми кн. изд-во, 2001. — 144 л.б.
- Шань сьӧлӧмӧн сьыла: бӧрйӧм гижӧдъяс / Ред. П.И. Симпелев. — Сыктывкар: Коми небӧг лэдзанін, 2005. — 304 л.б. («Звёзды Севера» серия).
- Чужанінын, гортын: Кывбуръяс / Ред. П.И. Симпелев; Худ. Г.Н. Шарипков. — Сыктывкар: ООО «Анбур», 2013. — 192 л.б.