Клочков Петр Фостирьевич
| Клочков Пётр Фостирьевич | |
| Портрет | |
| Чужан лун: |
1831 |
|---|---|
| Чужанін: |
Волся, Усть-Сысольск уезд, Вӧлӧгда губерня, Россияса Империя |
| Кулан кад: | |
| Мыйся уджыс: | |
Клочков Пётр Фостирьевич (1831—1853) — коми гижысь.
Олан туй
[вежны | Вежны кодировкаын]- 1831 — Чужис Вӧлӧгда губерняын Усть-Сысольск уездса Волся сиктын. Батьыс вӧлі вичкоса дякӧн.
- 1852 — Помаліс Вӧлӧгдаса духовнӧй семинария.
- 1853 — Кувсис туберкулёзысь.
Гижан удж
[вежны | Вежны кодировкаын]Пётр Клочковлысь сьыланкывъяссӧ бура тӧдіс Иван Куратов. Та йылысь сылы висьталіс Клочковлӧн чой Ирина Фостирьевна, коді верӧс сайӧ петӧм бӧрын муніс Усть-Сысольскӧ да нуис аскӧдыс вокыслысь ки помысь гижӧдъяссӧ. Иван Куратов пасйис, мый «предание стихам Клочкова придаёт литературные достоинства».
Пётр Клочковлысь «Мыйла бӧрдан, муса нылӧ?», «Сад йӧрын мича ныв гуляйтӧ» да «Ой, поп локтӧ» сьыланкывъяссӧ медводдзаысь вӧді йӧзӧдӧма 1914 воын «Коми мойдан i сьыланкывъяс» сборникын, кодӧс лӧсьӧдіс ас му туялысь Андрей Цембер. 1939 воын велӧдысь Забоева Ф.И. сетіс П.Ф. Клочковлысь гижӧдъяссӧ коми гижысь Павел Доронинлы. Тайӧ чукӧрсьыс ӧкмыс кывбур 1961 воын вӧлі йӧзӧдӧма «Войвыв кодзув» журналын.
Коми литература туялысь костын абу ӧтувъя видзӧдлас сы вылӧ, кымын да кутшӧм сьыланкывъяс лӧсьӧдіс Пётр Клочков. Сідз, Павел Доронин чайтіс, мый «Паськыд гажа улича» сьыланкывлӧн авторнас лоӧ — П.Ф. Клочков.
Клочковлӧн сьыланкывъясыс матынӧсь йӧзкостса сьыланъяслы, висьталӧны кресьтяналӧн сьӧкыд олӧм да удж йывсьыс. Та кындзи Пётр Клочков ачыс лӧсьӧдіс кывбуръяс дорас шыладсӧ.
Гижӧдъяс
[вежны | Вежны кодировкаын]- Войвыв кодзув, 1961. — 6 №. — Л.б. 61—64.
- Коми поэзия: Антология. — Сыктывкар, 1967. — Л.б. 43—45.
- Коми поэзия: Антология. — Сыктывкар, 1981. — Л.б. 43—45.
- Войвыв кодзув, 1991. — 8 №. — Л.б. 23—27.
Ӧшмӧсъяс
[вежны | Вежны кодировкаын]- http://history-x.ru/03/10/047.htm
- https://web.archive.org/web/20160304214429/http://foto11.com/komi/writer/klochkov.php
- Доронин П.Г. Коми поэт Пётр Клочков йылысь // Войвыв кодзув, 1961. — 6 №. — Лб. 59—61.
- Мартынов В.И. Кузь нэма гижӧдъяс // Войвыв кодзув, 1981. — 12 №. — Лб. 50—62.
- Кушманов С.Т. Первый коми поэт — Из Вотчи // Маяк Сысолы, 1982. 18 марта.
- Пунегов В.А. П.Ф. Клочков поэт йылысь // Коми кыв да литература велӧдысьлы. — Сыктывкар, 1989. — Л.б. 54—66.
- Мартынов В.И. Коми поэзия востымасян кадӧ // Войвыв кодзув, 1991. — 8 №. — Лб. 71—76.