Есева Валентина Васильевна
| Есева Валентина Васильевна | |
| Чужан лун: |
1923-ӧд вося ода-кора тӧлысь 1-ӧд лун |
|---|---|
| Чужанін: |
|
| Кулан кад: |
1990-ӧд вося тӧвшӧр тӧлысь 9-ӧд лун (66 арӧс) |
| Куланін: | |
| Мыйся уджыс: | |
Есева Валентина Васильевна (1923—1990) — нималана коми сьылысь, Коми АССР-са народнӧй артистка (1967).
Олан туй[вежны | Вежны кодировкаын]
Валентина Есева чужӧма 1923-ӧд вося ода-кора тӧлысь 1-ӧд лунӧ Усть-Сысольскын. Челядь дырйиыс ветлӧдлӧма Сыктывкарса пионер керкаӧ сьылысьяслӧн кружокӧ. 1938-ӧд восянь сьылӧма Коми АССР-са сьылан да йӧктан ансамбльын (30 во чӧж!! — ӧні «Асъя кыа» ансамбль), Концертно-эстраднӧй бюроын, а сэсся Филармонияын. 1957-ӧд вося сьылӧма да гастролируйтӧма «Эжва» эстраднӧй ансамблькӧд (веськӧдлӧ — верӧс да шылад тэчысь Вацлав Мастеница).
Кулӧма 1990-ӧд вося тӧвшӧр тӧлысь 9-ӧд лунӧ Сыктывкарын. Гуалӧма Сыктывкарын Шӧр шойна вылын аслас верӧс, шылад тэчысь Мастеница Вацлавкӧд.
Сьылан удж[вежны | Вежны кодировкаын]
Валентина Есева йылысь вӧлі нимкодьпырысь шуӧны — «миян коми колипкай», «коми Лидия Русланова да Валентина Зыкина». Сылысь мича гӧлӧссӧ — меццо-сопрано — тӧдіс став Коми му. Сылӧн сьыланкывтӧг эз коль ни ӧти концерт. Медмича сьыланкывъясысь ӧти — «Коми ань» (кывъясыс — Юшков Геннадий Анатольевич), кодӧс шуӧны коми аньяслы гимнӧн.
Коми сьыланкывъяс кындзи, В.Есевалӧн репертуарын вӧлі удмурт, карел, роч да болгар сьыланкывъяс.
Коми Республикаса «Коми гор» фототекаын сылӧн эм 200 сайӧ сьыланкыв.
1972-ӧд воын «Мелодия» фирма лэдзӧма «Поёт Валентина Есева» грампластинка. 1981-ӧд воын воын вӧлі сетӧма 212 концерт.
Наградаяс[вежны | Вежны кодировкаын]
Казьтылӧм[вежны | Вежны кодировкаын]
- Филармонияӧ пыранінын сувтӧдӧма медводдза Коми АССР-са народнӧй артисткалы казьтылан панно, кӧні Валентина Есева сулалӧ коми йӧзкостса паськӧмын (авторыс — скульптор Игорь Пылаев).
- Ӧтчыдысь кык вонас медбур коми сьылысьлы сетӧны Валентина Есева нима Коми Республикаса Веськӧдлан котырлӧн премиа. Ӧнія кадӧ нималана коми сьылысьяс Вера Булышева да Лидия Логинова шуӧны асьнысӧ Валентина Есевалысь уджсӧ нуӧдысьясӧн.
- 2012-ӧд воын премия сетӧма Наталья Кановалы, коді веськӧдлӧ «Эжвинские зори ансамбльӧн».