Булышева Вера Витальевна

Булышева Вера Витальевна
Чужан лун:	1973-ӧд вося сора тӧлысь 26-ӧд лун(1973-07-26) (50 арӧс)
Чужанін:	Парч (Кулӧмдін район), Кулӧмдін район, Коми Республика, РСФСР[d], Сӧветскӧй Социалистическӧй Республикаяслӧн Союз
Канму:	Рочму
Мыйся уджыс:	певица, учительница, общественная деятельница

Булышева Вера Витальевна (1973) — коми сьылысь, Коми Республикаса нимйӧза артист.

Олан туй

Вера Булышева чужӧма 1973 вося сора тӧлысь 26 лунӧ Кулӧмдін районса Парч сиктын. Помалӧма Коми Республикаса искусствояс училишӧ, Ипполитов-Иванов нима Москваса шылада педагогика институт. Уджалӧ Коми республикаса филармонияын сьылысьӧн. Та кындзи, 2008 восянь уджалӧ велӧдысьӧн Коми Республикаса искусствояс колледжса сольнӧй да хорӧвӧй йӧзкостса сьылӧм юкӧнын: велӧдӧ студентъясӧс сьывны.  

Сьылӧм

Вера Булышевалӧн репертуарын коми и роч йӧзкостса сьыланкывъяс, а сідзжӧ ӧнія коми да роч авторъяслӧн.

1997 воын пырӧдчылӧма том сьылысьяслӧн «Юрган» йӧзкостса сьыланкыв конкурсӧ. Унаысь сьыланкывъяснас петкӧдчылӧма «Василей» конкурс-фестиваль дырйи да шедӧдлӧма нимпасъясын местаяс да Гран-при.

Уна во чӧж веськӧдлӧ Сыктывкарын Кулӧмдінса землячествобердса «Медбур кад» котырӧн. 2015 вося косму тӧлысьсянь восьтӧма челядьлы йӧзкостса сьылан школа-студия.

Наградаяс

• Коми Республикаса нимӧдана артистка (1994)
• Валентина Есева нима премия босьтысь.
• Коми Республикаса Веськӧдлан котырлысь премия босьтысь.
• Коми Республикаса нимйӧза артист (2018, вӧльгым тӧлысь 2-ӧд лун) — культура да искусство юкӧнын торъя заслугаясысь

Ӧшмӧсъяс

• В.В. Булышева «Финноугория» сайтын
• [1] Морохина Е. Вера Булышева: «15 лет – не такой уж и большой срок» // «Республика» газет. 2016, тӧвшӧр тӧлысь 27-ӧд лун.
• Макарова Е. «Менам олӧм — сьылӧм» // «Коми му» газет. 2017, рака тӧлысь 16-ӧд лун.