Водь

Водь
Дӧрапас
Лыд:	64
Оланінъяс:	Ленинград обласьт, Петыркар
Кыв:	водь
Эскӧм:	православие
Ӧти рӧдвужысь лоӧм войтыръяс:	Финъяс, Карелъяс, Вепсъяс, Эстъяс, Ижора, Инкери финъяс, Квенъяс

Водь (водь vaďďalaizõd) — ичӧт лыда финн-йӧгра войтыр. Олӧ Ленинград обласьтын да Петыркарын. Сёрнитӧны водь кывйӧн. Гижӧдыс латиница подулын.

Лыд

1926 вося Йӧзӧс пасъялӧм серти, Ленинград обласьтын водьыс вӧлӧма 694 морт, а став СССР-ын — 705 морт.

Ӧнія кадӧ водь олӧ Ленинград обласьтлӧн Кингисеп районса войвылын, Петыркарын да Эстонияса асыв-войвылын. Водь олӧ Лужицы (Luuttsa, Лууттса), Краколье (Jõgõperä, Йыгыпера), Пиллово (Pilola, Пилола) грездъясын. Краколье грезд ӧнія кадӧ воштіс торъя овмӧдчанінлысь статуссӧ да лыддьысь Лугавом посёлоклӧн юкӧнӧн.

2002 воын Рочмуын олӧма 74 водь, 2010 воын — 64; на пиысь Ленинград обласьтын — 33 морт (2010 воын; 2002 воын — 12 морт), Петыркарын — 26 морт (2010 воын; 2002 воын — 12 морт).

Водзынсӧ водьыс вӧлі ёна унджык. Сетіс нимсӧ Вылькар муын Водь пятиналы. 1848 воын, академик П.И. Кёппен серти, вӧлӧма 5148 водь, найӧ олӧмаӧсь Санкт-Петербург губернялӧн Ямбург да Ораниенбаум уездъясса 36 грездын.

Ӧшмӧсъяс

• [1] Конькова О.И. Водь. Очерки истории и культуры. — СПб.: Изд-во МАЭ РАН, 2009. 254 с. isbn=978-5-88431-167-1
• [2] Предания и сказки водского народа. Vad’d’aa rahvaa jutud ja kaazgad / Сост. О.И. Конькова. — СПб.: Изд-во МАЭ РАН, 2009. — 144 с. (серия «Фольклор коренных народов Ленинградской области») isbn=978-5-88431-171-8
• Рябинин Е. А. Финно-угорские племена в составе Древней Руси: К истории славяно-финских этнокультурных связей. Историко-археологические очерки. — СПб.: Изд-во СПбГУ, 1997. 260 с. isbn=5-288-01635-6
• Шлыгина Н.В. Водь // Народы России: энциклопедия / Гл. ред. [[Тишков Валерий Александрович|В.А. Тишков]. — М.: Изд-во «Большая Российская энциклопедия», 1994. — С. 126—127. isbn=5-85270-082-7

Ыстӧдъяс

• VAĐĐA TODAY, is an open project run as a NGO aimed to popularize Votes' culture among the Internet community.