Шиликова Зоя Васильевна
| Шиликова Зоя Васильевна | |
| Чужан лун: |
1940-ӧд вося вӧльгым тӧлысь 4-ӧд лун |
|---|---|
| Чужанін: | |
| Кулан кад: |
2013-ӧд вося ода-кора тӧлысь 1-ӧд лун (72 арӧс) |
| Канму: | |
| Мыйся уджыс: | |
Шиликова Зоя Васильевна (1940—2013) — коми кыв да литература велӧдысь, кывбур гижысь, Россияса нимӧдана велӧдысь (2012).
Олан туй[веськӧдны | Вежны кодировкаын]
Зоя Шиликова чужӧма 1940-ӧд вося вӧльгым тӧлысь 4-ӧд лунӧ Кӧрткерӧс районса Шойнаты сиктын. 1962 воын помалӧма Коми канмуса педагогика институтысь филология факультет.
Кулӧма 2013-ӧд вося ода-кора тӧлысь 1-ӧд лунӧ.
Велӧдан удж[веськӧдны | Вежны кодировкаын]
1962-ӧд восянь З.В. Шиликова уджалӧма чужан Шойнаты сиктас коми да роч кыв да литература велӧдысьӧн.
Гижан удж[веськӧдны | Вежны кодировкаын]
Велӧдӧм кындзи Зоя Васильевна гижӧ кывбуръяс. Найӧс йӧзӧдлісны «Звезда» районнӧй газетын, «Войвыв кодзув», «Арт», «Би кинь» да «Чушканзі» республикаса журналъясын, «Коми му» да «Йӧлӧга» газетъясын.
Сылӧн кывбуръяс вылӧ гижӧма 30 сайӧ сьыланкыв (шылад тэчысьяс — Александр Уляшов, Ирина Латкина, Алексей Ген, Гений Горчаков. 2010 воын быд вося «Василей» гаж дырйи З.В. Шиликовалӧн «Ӧшкамӧшка» кывбур вылӧ сьыланкывйыс лои вермысьӧн «Челядьлы сьыланкыв» нимпасын (шылад тэчысьыс — А. Ген).
Нелямын воысь дырджык Зоя Васильевна веськӧдлӧм улын Шойнатыса школаын уджалӧ «Би кинь» литературно-творческӧй кружок.
Небӧгъяс[веськӧдны | Вежны кодировкаын]
- Шиликова З. В. Аканьлы сьыланкыв: Кывбуръяс / Лӧсьӧдіс В. А. Лимерова; Серп. А. Гордеева. — Сыктывкар: Коми Республикаса гижысь котыр, 2014. — 24 л.б.
Наградаяс[веськӧдны | Вежны кодировкаын]
- Коми Республикаса школаын нимӧдана велӧдысь (1993, ода-кора тӧлысь 18-ӧд лун).
- Россияса нимӧдана велӧдысь (2012, ӧшым тӧлысь 29-ӧд лун)
Ӧшмӧсъяс[веськӧдны | Вежны кодировкаын]
- Коми Республикаса Национальнӧй библиотека
- Мастерская учителя коми языка и литературы: из опыта работы : пособие для учителя / Сост. А.В. Мишарина; ГАОУДПО (ПК) С РК «КРИРО». — Сыктывкар, 2010. — С. 44—45.