Шергин Александр Васильевич

Босьтӧма Wikipediaысь
Шергин Александр Васильевич
Чужан лун:

1789

Кулан кад:

1837-ӧд вося кӧч тӧлысь 26-ӧд лун(1837-09-26)

Куланін:
Канму:
  •  Россияса империя[d]
Мыйся уджыс:

гижысь, вуджӧдчысь

Шаблон:Серпасыс абу

Шергин Александр Васильевич (1789-1837) — вичкоын уджалысь, чужан му туялысь, гижысь, вуджӧдчысь.

Олан туй[вежны | Вежны кодировкаын]

Александр Шергин чужис 1789 воын. Батьыс, Василий Иоаннович Шергин, вӧлі Усть-Сысольскса Троича соборын священникӧн. А.В. Шергин помаліс Вӧлӧгдаса духовнӧй семинариа. 1814 восянь вӧлі Совдор уездса духовнӧй училишӧын старшӧй велӧдысьӧн. 1822 восяньВӧлӧгда губерняысь Усть-Сысольск приходса духовнӧй управлениеын смотритель. 1825 вося моз тӧлысьлӧн 1-ӧд лунӧ пуктӧма Усть-Сысольскса Троича соборӧ диаконӧн, 1825 вося моз тӧлысьлӧн 2-ӧд лунӧ — священникӧн, 1825 вося моз тӧлысьлӧн 6-ӧд лунӧ — протоиерейӧн. 1825 воын лои Усть-Сысольскса духовнӧй приходын присутствуюшӧйӧн, духовнӧй званньӧа гӧльяслӧн Вӧлӧгдаса попечительствоын сотрудникӧн, оспалы тышкасян комитетӧ пырысьӧн. 1834 восянь — Усть-Сысольск уездса тюрмаяслӧн попечительяс комитетӧ пырысь, казначей. Служитіс Усть-Сысольскса соборын 1837 вося кӧч тӧлысьлӧн 26-ӧд лунӧдз.

Вуджӧдан да туялан удж[вежны | Вежны кодировкаын]

Александр Шергин лои медводдза чужан му туялысьӧн. Коми гижысь Павел Доронин пасйис, мый 1813 воын на, кор А.В. Шергин вӧлі семинаристӧн, сійӧ вӧчис копия важ летописьысь («старинной летописи усть-вымской Архангельской и Благовещенской церкви и царских грамот»). Тайӧ летописьсӧ ӧні тӧдӧны «Вычегодско-Вымская» либӧ «Коми-Вымская» ним улын да тшӧкыда сы вылӧ ыстысьӧны.

Уна во А.В. Шергин велӧдіс грек кыв, катехизис да священнӧй история Совдор уездса училишӧын. Вичкоын мукӧд уджалыськӧд комиӧдіс «Выль Кӧсйысьӧм» (рочӧн: «Новый Завет»). Тайӧ сетіс позянлун нуӧдны службасӧ коми йӧзлы ас чужан кыв вылас. 1823 воын «Библиаса Роч котырлӧн» (рочӧн:«Российское Библейское общество») сьӧм вылӧ петіс торъя небӧгӧн «Матвейсянь Евангелие» (рочӧн: «Евангелие от Матфея»), кодӧс комиӧдіс Александр Шергин. Тайӧ вӧлі комиӧн йӧзӧдӧм медводдза небӧг.

Ӧшмӧсъяс[вежны | Вежны кодировкаын]

Ыстӧдъяс[вежны | Вежны кодировкаын]