Филиппова Валентина Викторовна
| Филиппова Валентина Викторовна | |
| Чужан лун: |
1957-ӧд вося йирым тӧлысь 4-ӧд лун |
|---|---|
| Чужанін: | |
| Кулан кад: |
2012-ӧд вося рака тӧлысь 6-ӧд лун (54 арӧс) |
| Куланін: | |
| Канму: | |
| Мыйся уджыс: | |
Филиппова Валентина Викторовна (1957—2012) — коми фольклор да оласног туялысь, филология наукаясса кандидат (1992). Нывдырся овыс — Терентьева.
Олан туй
[вежны | Вежны кодировкаын]Валентина Филиппова чужӧма 1957-ӧд вося йирым тӧлысь 4-ӧд лунӧ Сосногорск районса Винла грездын. 1981 воын помалӧма Сыктывкарса канму университетысь филология факультет «Филология» специальносьт серти. Стажируйтчӧма Ленинградса канму университетын, а сэсся велӧдчӧма СССР-са наукаяс академиялӧн Коми филиалса аспирантураын. 1987-ӧд восянь уджалӧ Сыктывкарса канму университетса филология факультетын: ассистентӧн (1987–1990), старшӧй преподавательӧн (1990—1998), филология факультетын деканӧс вежысьӧн (1990–1993).
1992-ӧд воын Москваса канму университетын дорйӧма филология наукаясса кандидат ним вылӧ диссертация. 1998-ӧд воын сылы сетӧма «доцент» звание.
Кулӧма 2012- ӧд вося рака тӧлысь 6-ӧд лунӧ Суомиын, Туркуын научнӧй стажировка дырйи [1]. Гуалӧма Сыктывкарса Шӧр шойнаын рака тӧлысь 15-ӧд лунӧ.
Велӧдан удж
[вежны | Вежны кодировкаын]Университетын В.В. Филиппова велӧдӧма коми да роч фольклор, веськӧдлӧма студентъяслӧн да аспирантъяслӧн туясян уджӧн. Быд во ветлӧдлӧма фольклор чукӧртан экспедицияясӧ. Дасьтӧма фольклор серти специалистъясӧс.
Туясян удж
[вежны | Вежны кодировкаын]Валентина Филиппова туялӧма коми фольклорын обрядкӧд йитчӧм поэзия — бӧрдӧдчанкывъяс, гуасян да кӧлысьдырся сьыланкывъяс. Сылӧн диссертацияыс вӧлі сиӧма тайӧ темаыслы («Поэтика фольклора коми-ижемцев (жанр причитания)»). Сы подув вылын петӧма «Коми фольклор сьылан жанръяс поэтика» велӧдчан пособие.
Туялӧма коми фольклорлысь жанр системасӧ, изьва фольклор традиция.
Лӧсьӧдӧма да йӧзӧдӧма некымын фольклор чукӧр — коми календар гажъяс, йӧзкостса проза серти.
Уджъяс
[вежны | Вежны кодировкаын]Йӧзӧдӧма 80-ысь унджык удж, на лыдын – велӧдчан небӧгъяс да индӧдъяс, монография (мукӧд туялыськӧд) да фольклор текст чукӧръяс.
- Филиппова В.В. Коми фольклор сьылан жанръяс поэтика: Уч. пос. — Сыктывкар, 1996.
- Филиппова В.В. Финн-угор йӧз фольклор: методическӧй индӧдъяс. — Сыктывкар, 1997. – 35 с.
- Коми фольклор. Часть 1. Календарные обряды и поэзия. Хрестоматия / Сост. В.В. Филиппова, Т.С. Канева. — Сыктывкар, 2000. — 98 с.
- Коми фольклор: Хрестоматия для учащихся школ Республики Коми и студентов / Сост. Филиппова В.В., Коровина Н.С. – Сыктывкар: Коми кн. изд-во, 2002. – 328 с.
- Традиционный народный календарь коми: Материалы (сборник материалов) / Сост. Филиппова В.В., Канева Т.С. — Сыктывкар, 2002. — 123 с.
- Филиппова В.В. Традиционная культура народа коми: уч. пос. — Сыктывкар, 2003. — 217 с.
- Филиппова В.В. Традиционная культура народа коми: Методические указания к практическим занятиям. — Сыктывкар, 2004. — 102 с.
- Историческая память в устных преданиях коми: Материалы (сборник текстов) / Сост. Филиппова В.В., Анкудинова М.А. — Сыктывкар, 2005. — 157 с.
- Филиппова В.В. Фольклор народа коми: Хрестоматия. — Сыктывкар, 2007. — 220 с.
- Латышева В.А., Остапова Е.В., Филиппова В.В. Язык поэзии коми: Монография. — Сыктывкар: Изд-во Сыктывкарского ун-та, 2009. — 124 с.
- Филиппова В.В. Фин-угор войтырлӧн фольклор: Велӧдчан небӧг. — Сыктывкар: Изд-во Сыктывкарского ун-та, 2010. — 200 л.б.
- Филиппова В.В. Традиционная культура и фольклор коми: Сборник статей / Сост., отв. ред. Т.С. Канева. — Сыктывкар: Издательский дом Коми, 2014. — 256 с.
Паметь
[вежны | Вежны кодировкаын]- 2013 воын Сыктывкарса канму университетлӧн небӧг лэдзанінын йӧзӧдӧма В.В. Филипповалы сиӧм «Народная культура в слове и тексте» небӧг.
- 2022-ӧд воын Уква карса 3-ӧд номера шӧр школаын восьтӧма В.В. Филиппова нима этнокультурнӧй музей
Ӧшмӧсъяс
[вежны | Вежны кодировкаын]- Канева Т.С. Валентина Викторовна Филиппова // Традиционная культура. 2012. — 4 №. — Л.б. 184—186.
- Народная культура в слове и тексте: сборник исследований и материалов памяти Валентины Викторовны Филипповой. — Сыктывкар: Изд-во СыктГУ, 2013. — 260 с.