Уляшев Виталий Васильевич

Уляшев Виталий Васильевич
Чужан лун:	1946-ӧд вося кӧч тӧлысь 29-ӧд лун(1946-09-29)
Чужанін:	Керчомъя, Кулӧмдін район, Коми Республика, РСФСР, Сӧветскӧй Социалистическӧй Республикаяслӧн Союз
Кулан кад:	2018-ӧд вося косму тӧлысь 27-ӧд лун(2018-04-27) (71 ар)
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	коми гижысь, журналист, сотрудник правоохранительных органов

Уляшев Виталий Васильевич (1946—2018) — коми гижысь, журналист.

Олан туй

Виталий Уляшев чужӧма 1946 вося кӧч тӧлысь 29-ӧд лунӧ Кулӧмдін районса Керчомъя сиктын. 1965 вося уджалӧма «Ленин туйӧд» газетын: вӧлӧма литсотрудникӧн, кывкутысь секретарӧн, редакторӧс вежысьӧн.

1974—1999 воясын уджалӧма канмуса безопасносьт органъясын, полковник.

Кулӧма 2018-ӧд вося косму тӧлысь 27-ӧд лунӧ.

Гижан удж

Кывбуръяссӧ йӧзӧдлӧма «Ленин туйӧд» газетын. Гижӧдъясыс петавлӧмаӧсь «Сикӧтш» (1994), «Лӧсасъяс» (1999), «Уна рӧма сикӧтш» (2002) ӧтувъя кывбур чукӧръясын. Йӧзӧдлӧма куим небӧг: «А ми Войвылын, Комиын олам» (1995), «Пожӧм кӧра войпук» (2006), «Ю дорын кӧч» (2015).

Небӧгъяс

• Уляшев В. В. А ми Войвылын, Комиын олам: кывбуръяс. — Сыктывкар: Коми кн. изд-во, 1995. — 64 л.б.
• Уляшев В. В. Пожӧм кӧра войпук: кывбуръяс / Ред. А. В. Ульянов. — Сыктывкар: Кола, 2006. — 144 л.б.
• Уляшев В. В. Ю дорын кӧч / Худ. Г. Н. Шарипков. — Сыктывкар: Коми Республикаса гижысь котыр, 2015. — 16 л.б.

Ӧшмӧсъяс

• «Коми кыв» сайт В.В. Уляшевлӧн йӧзӧдӧмъяс