Тимушев Анисим Петрович

Тимушев Анисим Петрович
	Тимушев Анисим Петрович
Чужан лун:	1898-ӧд вося вӧльгым тӧлысь 17-ӧд лун
Чужанін:	Дон, Кулӧмдін район, Коми Республика, РСФСР[d]; Усть-Сысольск уезд, Вӧлӧгда губерния, Россияса империя[d];
Кулан кад:	1947-ӧд вося лӧддза-номъя тӧлысь 6-ӧд лун (48 арӧс)
Канму:	Россияса империя[d]; РСФСР[d]; Сӧветскӧй Социалистическӧй Республикаяслӧн Союз;
Мыйся уджыс:	гижысь

Тимушев Анисим Петрович (1898—1947) — коми гижысь, критик. Гуся нимыс — Парма зон.

Олан туй

Анисим Петрович Тимушев чужӧма 1898 вося вӧльгым тӧлысь 17-ӧд лунӧ Вӧлӧгда губерняын Усть-Сысольск уездысь Кулӧмдін вӧлӧсьтса Донын (ӧні — Кулӧмдiн районса Дон сикт) гӧль кресьтянин семьяын. Помалӧма начальнӧй школа, уджалӧма Дон сиктын ас овмӧсас. 1918 воын ас кӧсйӧм серти мунӧма Гражданскӧй тыш вылӧ. Ранитчӧм бӧрын кык во мысти бӧр локтӧма гортас. 1929 восянь вӧлӧма Дон сиктын колхозса медводдза веськӧдлысьӧн. 1932 восянь уджалӧма Сыктывкарын: медводз видз-му овмӧс кузя управленньӧын, а сэсся Коми небӧг лэдзанінын да «Вӧрлэдзысь» газет редакцияын 1944-ӧд воӧдз.

Анисим Тимушев тӧдса кыдзи критик, Нёбдінса Виттор, Илля Вась да Павел Шеболкин творчество йылысь уджъяс гижысь.

Сылысь гижӧдъяссӧ вылӧ донъялісны сы кадӧ овлысь Нёбдінса Виттор да Егор Колегов, а сідзжӧ ӧнія кадся коми поэт Василий Лодыгин да коми литература туялысь Геннадий Беляев.

А.П. Тимушев гижлӧма сідзжӧ кывбуръяс, пьесаяс да висьтъяс.

Пармазон йылысь «Коми гижӧд» онлайн-небӧгаинын
Дёмин В.Н., Торлопов Г.И. Анисим Петрович Тимушев (1898-1947) // Писатели Коми: биобиблиографический справочник. — Сыктывкар, 2001. — Т. 2. — С. 329-330.