Старцева Алёна Александровна

Старцева Алёна Александровна
	Старцева Алёна Александровна
Чужан лун:	1986-ӧд вося ӧшым тӧлысь 8-ӧд лун (37 арӧс)
Чужанін:	Скӧрӧдум, Помӧсдін сикт овмӧдчӧмин[d], Кулӧмдін район, Коми Республика, РСФСР[d], Сӧветскӧй Социалистическӧй Республикаяслӧн Союз;
Канму:	Рочму;
Мыйся уджыс:	поэтесса

Шаблон:Серпасыс абу

Шомысова Алёна Александровна (1986) — коми гижысь, вуджӧдчысь.

Олан туй

Алёна Шомысова чужӧма Кулӧмдiн районса Скӧрӧдум грездын 1986 вося ӧшым тӧлысь 8-ӧд лунӧ.^[1] 2009 воын помалӧма Сыктывкарса канму университетысь филология факультетса коми юкӧн. Редакторалӧма «Войвыв кодзув» журнал редакцияын. Велӧдӧма Коми республикаса Юралысьбердса Искусствояс гимназияын.

Гижан удж

Алёна Шомысова гижӧ кывбуръяс да проза. Кывбуръяс босьтчӧма гижны 15 арӧссянь. Гижӧдъяссӧ йӧзӧдлӧма коми газет-журналъясын да альманахъясын («Ме тэнӧ радейта», «Мне рассказали одуванчики», «Няньн-солӧн», «Медводдза муслун», «Льӧм ю»). «Войвыв кодзув» журналын петавлӧма сылӧн «Тӧдмав менӧ» медводдза повесьт.

Йӧзӧдчыны кутӧма студенталігӧн на. Гижан сям сӧвмӧдӧм могысь велӧдчӧма Гожся университетын, пырӧдчис «Арт» журналлӧн литературнӧй кытшӧ, Коми гижысь котырлӧн литературнӧй кытшӧ. Ветлӧма фин-йӧгра вуджӧдчысьяслӧн семинар вылӧ, Рочмуса, СНГ-са за суйӧрсайса том гижысьяслӧн войтыркостса форум вылӧи. Йӧзӧдӧма «Дзар» (2011) да «Чӧв» (2012) небӧгъяс.

Вуджӧдӧ роч классикъясӧс, фин-йӧгра гижысьясӧс (Муш Нади) да ӧнія кадся роч поэзия да проза (Николай Гоголь, Иван Бунин, Надежда Мирошниченко). 2015 воын Эстмуса рӧдвуж войтырлӧн уджтас серти йӧзӧдӧма «Юрсигусь бордъяс» кывбур чукӧр, кӧні став кывбурсӧ сетӧма нёль кыв вылын: коми, роч, эст да англия кывъясӧн.^[2]

Мукӧдыскӧд ӧтвылысь дасьтӧ «Ы» журнал (медводз петӧма «Йӧлӧга» газет, а сэсся «Арт» журнал бердын).

2016-ӧд восянь пырӧ Рочмуса гижысь котырӧ.^[3]

Небӧгъяс

Дзар. — Сыктывкар: Коми Республикаса гижысь котыр, 2011. — 32 л.б.
Усьӧ медводдза лым...: кывбуръяс (важ перым гижӧдӧн). — Сыктывкар, 2011.
Чӧв! Кывбуръяс / Ред. Е.Е. Афанасьева, Серпасаліс Ю.Н. Лисовский. — Сыктывкар: Коми Республикаса гижысь котыр, 2012. — 32 л.б. («Шондіа енкӧла» чукӧр / Лӧсьӧдіс А.Г. Елфимова)
Kiili tiivad / Юрсигусь бордъяс / Крылья стрекозы / Dragonfly wings: кывбуръяс. — Таллинн: Kirjastuskeskus, 2014. — 91 л.б. (коми, роч, эст да англия кывъясӧн)
Кӧчильлы козин. Кывбуръяс — Сыктывкар: Коми Республикаса гижысь котыр, 2018. — 16 л.б.
Аля-каля: повесьт. — Саратов, 2022. — 144 л.б.

Ӧшмӧсъяс

Ыстӧдъяс

[1] Коми гижысь котыр сайт

[2] Вышел в свет сборник стихов молодой коми поэтессы // «Комиинформ» юӧр сетан агентство (2015.09.29; рочӧн)

[3] Союз писателей России пополнился еще двумя авторами из Коми // «Комиинформ» (2016.11.03 лун; рочӧн)

[1]

[2]

[3]