Пунегов Николай Трофимович

Материал из Wikipedia
Перейти к навигации Перейти к поиску
Пунегов Николай Трофимович
Чужан лун:

1919-ӧд вося ӧшым тӧлысь 13-ӧд лун(1919-12-13)

Чужанін:
Кулан кад:

1985

Канму:
Мыйся уджыс:

гижысь, журналист

Шаблон:Серпасыс абу

Пунегов Николай Трофимович (19191985) — коми гижысь, журналист.

Олан туй[веськӧдны | править код]

Николай Пунегов чужӧма Вӧлӧгда губерняысь Усть-Сысольск уездса Поёлын (ӧні — Сыктыв районса Поёл сикт) 1919-ӧд вося ӧшым тӧлысь 13-ӧд лунӧ. Помалӧма Поёлса 7 класса школа (1936), лесотехническӧй рабфак да велӧдысьяслысь 10 тӧлысся курсъяс, кодъяс дасьтісны 7 класса школаяслы велӧдысьясӧс. Куръяс бӧрын кык тӧлысь удитӧма велӧдны Кулӧмдін районса Керчомъя сиктын, мый бӧрын 1939-ӧд воын сійӧс босьтӧмаӧсь Гӧрд армияӧ. Дорйӧма чужан му Айму вӧсна Ыджыд тыш дырйи: 1946-ӧд воӧдз вӧлӧма Ылі Асыввылын.

Фронт вылын сійӧс наградитӧма Гӧрд Кодзувлӧн орденӧн. Война вылылсь воӧм бӧрын секретаралӧма Сыктыв районса «Сыктывса ударник» газетын. Во да джын уджалӧма Сыктыв районса комсомол комитетын 2-ӧд секретарӧн. Велӧдӧма Сыктыв районса Межадор 7 класса школын. Уджысь орӧдчытӧг 1956-ӧд воын помалӧма Коми канмуса педагогика институт, а сэсся куим во велӧдчӧма вылыс партийнӧй школаын.

Юрнуӧдӧма КПСС-лӧн Кулӧмдін райкомитетын пропаганда отделӧн. 18 во чӧж вӧлӧма кывкутысь секретарӧн да редакторӧн Кулӧмдін районса «Ленин туйӧд». Веськӧдлӧма «Югыд туй» республикаса газетын промышленносьт юкӧдӧн 1982-ӧд воӧдз.

Кулӧма 1985-ӧд вося йирым тӧлысь 3-ӧд лунӧ Сыктывкарын.

Гижан удж[веськӧдны | править код]

Ассьыс медводдза висьтъяссӧ да очеркъяссӧ йӧзӧдӧма «Войвыв кодзув» журналын да «Югыд туй» газетын.

Николай Трофимовичлӧн петавлӧма сӧмын ӧти небӧг: «Арся сьыланкыв» (1970 воын). Небӧгас 10 висьт: «Турияс лэбӧны», «Кор ми пӧрысьӧсь», «Козина чышъян», «Татшӧм менам уджӧй», «Сергейлӧн бать», «Кымӧръяс разалӧны», «Тувсов дзоридзьяс», «Кӧні тэ, дона мортӧй», «Тулыс», «Портрет».

СССР-са журналист котырӧ пырысь.

Донъялӧм[веськӧдны | править код]

Сылӧн «Югыд олӧм вӧсна» висьт йылысь критик Вера Латышева гижӧма: С самого начала есть хороший темп: короткие фразы, касающиеся главного. Драматичный сюжет. Жизнеутверждающий человеческий финал: «Никогда не забывайте их...». Не зря говорят, где писатель вкладывает в работу всю свою душу, — там и произведение получается выше, лучше.

Небӧг[веськӧдны | править код]

Ошканпасъяс[веськӧдны | править код]

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. Кулӧмдін районса шӧр небӧгаин