Попов Фёдор Васильевич
| Попов Фёдор Васильевич | |
| Чужан лун: |
1899-ӧд вося тӧвшӧр тӧлысь 9-ӧд лун |
|---|---|
| Чужанін: |
|
| Кулан кад: |
1922-ӧд вося кӧч тӧлысь 7-ӧд лун (23 арӧс) |
| Канму: | |
| Мыйся уджыс: | |
.svg){kind=small}
Попов Фёдор Васильевич (Вась Педӧр; 1899–1922) — коми поэт, велӧдысь.
Олан туй
[вежны | Вежны кодировкаын]Попов Фёдор Васильевич чужӧма Вӧлӧгда губерняысь Усть-Сысольск уездса Сордйылын (ӧні — Кулӧмдін районса Помӧсдін сикт овмӧдчӧмин улӧ пырысь Сордйыв грездын) 1899-ӧд вося тӧвшӧр тӧлысь 9-ӧд лунӧ.
Велӧдчӧма Помӧсдінын да Дереваннӧйын. Дереваннӧйын кык класса школа помалӧм бӧрын 1917-ӧд воын недыр уджыштӧ вӧлӧсьтса писарлы отсасьысьӧн; сэсся сійӧс босьтӧны армия; Румын фронт вылын висьмӧма. 1918 воын бергӧдчӧма гортас, пырӧдчӧма литература кружокӧ, мый дасьтӧма Помӧсдінын Афанасий Маегов. 1918-ӧд вося арнас сдайтӧма экзаменъяс Сыктывкарса велӧдысьяслӧн семинарияӧ, но велӧдчыны сэні абу кутӧма, сы вӧсна мый стипендиясӧ абу сетӧмаӧсь.
Том кывбуралысьӧс индӧмаӧсь коми школалы литература дасьтан Коми комиссиялӧн секретарӧн; уджавлӧма Коми небӧг лэдзанінын.
1921-ӧд восянь велӧдӧма Народнӧй образованньӧ институтын: лыддьӧма лекцияяс сы йылысь, кыдзи коми кыв вылын велӧдны мукӧд предметсӧ. Дасьтӧма коми кывйысь грамматика.
Кулӧма 1922-ӧд вося кӧч тӧлысь 7-ӧд лунӧ.
Гижан удж
[вежны | Вежны кодировкаын]Гижӧма кывбуръяс да висьтъяс, критика. Тӧдсаӧсь сылӧн «Пармаын вотчӧны посньыдик челядь» да «Коми том войтырӧй» кывбуръяс, «Тшыкӧдчысь баба» кывбура мойд.
Газетъясӧ гижлӧма «Курсант-практикант» да «Студент» гусянимъяс улын, а сэсся «Вась Педӧр» ним улын.
Ӧшмӧсъяс
[вежны | Вежны кодировкаын]- Илля Вась. Вась Педӧр (Попов) // Коми гижысьяс. — Мӧскуа, 1926. — Лб. 52.
- Надеев А.Н. Вась Педӧр (Федор Васильевич Попов) // Ордым. — 1926. — 3 №. — Лб. 47—48.
- Фёдор Васильевич Попов // Коми поэзия антология. — Сыктывкар, 1967. — Лб. 239.
- https://web.archive.org/web/20180114174604/http://foto11.com/komi/writer/fpopov.php
- «Коми гижӧд» онлайн-тӧданінын Вась Педӧр йылысь (комиӧн)